ស្រីៗត្រូវគិត ៦ ចំណុចនេះឲ្យបានម៉ត់ចត់សិន មុនចង់បានសង្សារមួយទៀត

2020-06-12 09:40:00
ចំនួនមតិ 0 | ចំនួនចែករំលែក 0

មនុស្សស្រីមួយចំនួន ក្រោយបែកបាក់ស្នេហាភ្លាម ស្វែងរកបុរសថ្មី ដើម្បីមកស្អំបេះដូង។ តែ កញ្ញា សូមណែនាំដល់ប្រិយមិត្ត មុនពេលសម្រេចចិត្តយកសង្សារថ្មី គួរគិតគូរពី ៦ ចំណុចនេះឲ្យច្បាស់លាស់សិន។

១.ធ្វើឲ្យមានសន្តិភាពជាមួយអតីតកាលសិន

បន្ទាប់ពីដើរដល់ផ្លូវបំបែកម្ដង ការឈឺចាប់ពិតជាមានខ្លាំងក្នុងចិត្តជាមិនខាន។ បើខ្លួនអ្នកស្អប់រឿងចាស់ៗកន្លងមក ហើយក្នុងចិត្តអ្នកពេញដោយគំនុំ គឺមិនទាន់ដល់ពេលមានស្នេហាម្ដងទៀតទេ។ បង្កើតសន្តិភាពជាមួយមនុស្សពីអតីតកាលរបស់អ្នក ចាត់ទុករឿងកន្លងត្រឹមជាមេរៀន នោះអ្នកទើបអាចទទួលយកអ្នកថ្មីបាន។

រូបតំណាង

**២.វិលវល់ជាមួយអតីតកាល**

បើអ្នកគ្រាន់តែដើរឆ្លងកាត់ហាងធ្លាប់ចូលជាមួយសង្សារពីមុន ក៏រំជួលចិត្តស្ទើរស្រក់ទឹកភ្នែកចុះដែរ តើឲ្យចាប់ផ្ដើមមានស្នេហាថ្មីបានដោយរបៀបណា បើមិនទាន់ភ្លេចពីគេផងនោះ? កាលដែលអ្នកនៅតែមានអារម្មណ៍បែបនេះ ព្រោះអ្នកនៅវិលវល់ជាមួយមនុស្ស ទីកន្លែង សម្ភារៈអតីតកាល។ ចាំពេលខ្លួនឯងរឹងមាំ ១០០ % ដោយអាចដើរកាត់កន្លែង ឬសង្សារពីមុនដោយគ្មានបញ្ហា ដល់ពេលអ្នកមានអ្នកថ្មីបានហើយ។

៣.កុំជឿទុកចិត្តសភាវគតិអ្នកពេក

មិនមែនមនុស្សទាំងអស់សុទ្ធតែបាក់ទឹកចិត្តទេ អ្នកខ្លះគេព្យាយាមព្យាបាល បន្ទាប់ពីមានបញ្ហាបែកគ្នាកើតឡើង។ ក្រោយពីបែកបាក់សង្សារសរសៃប្រសាទត្រូវបានបង្ខាំង ហើយអ្នកមានការប្រុងប្រយ័ត្នខ្ពស់។ អ្នកយល់ថា មនុស្សទាំងអស់មិនមែនជាជនរងគ្រោះដូចអ្នកទេ ដូចនេះគ្មាននរណាម្នាក់យល់ច្បាស់ដូចខ្លួនឯងឡើយ។ តែកុំមានជំនឿចិត្តមុតមាំលើខ្លួនឯងបែបនេះពេក ព្រោះវាមិនមែនជាវេលាមិនសក្ដិសមក្នុងការមានស្នេហាម្ដងទៀតឡើយ ព្រោះអ្នកគិតតែពីខ្លួនឯងពេក។

៤.ស្គាល់ពីជម្រើសខ្លួនឯង

ទំនាក់ទំនងបែកបាក់ទៅ មិនមែនសុទ្ធតែអាក្រក់ទាំងអស់នោះទេ។ វាបង្រៀនអ្នកនូវមេរៀនដ៏មានតម្លៃដូចជា តើមនុស្សប្រភេទណាដែលត្រូវជៀសវាង? ដូចនេះអ្នកនឹងបានជៀសឆ្ងាយពីមនុស្សដូចអតីតសង្សារ ដើម្បីការពារមិនឲ្យបេះដូងឈឺចាប់ម្ដងទៀត។

៥.អ្នកមិនមែនជាហេតុផលទេ

បើទោះបីជាអ្នកដែលបានចាកចេញពីស្នេហាក៏ដោយ កុំបន្ទោសខ្លួនឯងចំពោះការបញ្ចប់ទំនាក់ទំនង ព្រោះមនុស្សម្នាក់ៗមានហេតុផលរៀងខ្លួន ហើយមនុស្សក៏មានការផ្លាស់ប្ដូរមិនទៀតដែរ។ បើអ្នកនៅបន្ទោសខ្លួនឯងមិនឈប់ពីបញ្ហាបែកបាក់នោះ ទោះចាប់ផ្ដើមថ្មី ក៏គ្មានក្ដីសុខដែរ។

៦.អនុញ្ញាតឲ្យរឿងចាស់ កន្លងផុតទៅចុះ

បើអ្នកនៅតែក្រសោបក្ដោងបញ្ហាចាស់ៗមិនឈប់ សួរថាការចាប់ផ្ដើមមានមិត្តប្រុសថ្មីមានប្រយោជន៍អ្វីទៅ? បើចិត្តឲ្យទូលាយ បណ្ដោយឲ្យរឿងពីមុនរសាត់តាមខ្យល់ នោះទើបអ្នកមានសុភមង្គលនឹងស្នេហាថ្មី៕