បើមនុស្សបែកគ្នាយូរហើយតើអាចត្រឡប់ស្រឡាញ់គ្នាវិញបានទេ?

2018-04-10 04:03:17
ចំនួនមតិ 0 | ចំនួនចែករំលែក 0

ទោះបីពេលវេលាដើរទៅមុខ តែការឈឺចាប់នៅតែមាន ទឹកភ្នែកក៏នៅតែស្រក់ពេលដែលនឹកឃើញ ព្រោះអារម្មណ៍ស្រឡាញ់ ក្ដីនឹករឭកនៅតែដិតជាប់ក្នុងខួរក្បាល។ សួរថាហេតុអីបែកគ្នាយូរយ៉ាងនេះហើយខ្ញុំនៅតែមិនអាចភ្លេចគេ? យូរយ៉ាងនេះហើយហេតុអីខ្ញុំនៅតែមិនអាចរកមនុស្សមកជំនួសគេបាន? ខ្ញុំគ្មានលទ្ធភាពទទួលយកស្នេហាថ្មី ខ្ញុំគ្មានលទ្ធភាពក្នុងការដកខ្លួនឯងចេញពីការឈឺចាប់នេះ។

រូបតំណាង

សុំទោសដែលកាលពីមុនខ្ញុំធ្វើខុស សុំទោសដែលខ្ញុំមិនយល់ពីតម្លៃស្នេហាដែលធ្លាប់មាន ហើយរឹតតែសុំទោសដល់មនុស្សម្នាក់ដែលខ្ញុំធ្លាប់ធ្វើឲ្យគេស្រក់ទឹកភ្នែក និងពិបាកចិត្ត។

ខ្ញុំពិតជានឹកគេ ហើយចង់ជួបគេខ្លាំងណាស់ ហើយរឹតតែចង់កាន់ដៃគេ អង្អែលមុខគេដែលធ្លាប់តែញញឹមមករកខ្ញុំ។ អាចទេត្រឡប់មករកខ្ញុំវិញ? អាចទេឲ្យខ្ញុំមានឱកាសម្ដងទៀតថែគេ? ឲ្យខ្ញុំបានឃើញស្នាមញញឹមគេរាល់ថ្ងៃវិញបានទេ ហើយខ្ញុំនឹងមិនធ្វើឲ្យគេឈឺចាប់ទៀតទេ ព្រោះខ្ញុំយល់ពីអារម្មណ៍នេះ។ អារម្មណ៍ឯកា អារម្មណ៍ដែលនឹកតែមិនអាចជួប អារម្មណ៍ដែលចង់ក្បែរតែមិនអាចសូម្បីតែឮសំឡេង។ វាពិតជាឈឺចាប់ខ្លាំងណាស់ ឈឺរហូតដល់ខ្ញុំគ្មានអារម្មណ៍នឹងប្រឈមមុខតទៅទៀត។ ខ្ញុំស្គាល់ហើយ អារម្មណ៍ដែលមិនអាចបំភ្លេចមនុស្សម្នាក់ ទោះបីជាព្យាយាម និងលួងចិត្តខ្លួនឯងយ៉ាងណាក៏ដោយក៏វានៅតែមិនអាចបញ្ចប់ចិត្តស្រឡាញ់មួយនេះ។

រូបតំណាង

ខ្ញុំសង្ឃឹមថាពួកយើងអាចចាប់ផ្ដើមសាជាថ្មី ហើយបំភ្លេចអតីតកាលដែលឈឺចាប់ពីមុនចោលឲ្យអស់។ ប៉ុន្តែវាគ្រាន់តែជាការស្រមើស្រមៃដែលគ្មានសូម្បីតែដំណឹង។ អតីតកាលមួយនេះ វាបានធ្វើឲ្យខ្ញុំផ្លាស់ប្ដូរយល់ពីស្នេហា យល់ពីការឈឺចាប់ ហើយយល់ពីភាពឯកាដែលខ្ញុំមាន៕

ចុចអាន៖ពេលមួយដែលខ្ញុំអស់សង្ឃឹមលើស្នេហាបំផុត ខ្ញុំមានតែដើរចេញ

អត្ថបទ៖ ផេង ផលធិតា