មួយថ្ងៃៗចេះតែខ្វល់រឿងតូចតាចធ្វើឲ្យពិបាកចិត្ត អ្នកគួរសាកគិតរឿងអស់នេះជួយពង្រឹងស្មារតីអ្នកឲ្យប្រសើរឡើងវិញ

2020-06-05 05:20:00
ចំនួនមតិ 0 | ចំនួនចែករំលែក 0

នៅក្នុងជីវិតប្រចាំថ្ងៃ មនុស្សម្នាក់តែងជួបប្រទះរឿងមិនពេញចិត្ត ងាយរងគ្រោះពីមជ្ឍដា្ឋនខាងក្រៅនិងជួបភាពលំបាកនានា។ អ្នកអាចមិនសប្បាយចិត្តដោយសារសម្ពាធគ្រួសារ ការងារ និងការសិក្សាដូចជាកន្លែងធ្វើការមិនអំណោយផលដល់អ្នក មានភាពមិនពេញចិត្តនឹងលទ្ធផលការសិក្សានិងមានរឿងផ្សេងៗនៅក្នុងគ្រួសារជាដើម។ ប្រសិនបើអ្នកនៅសុខៗមានអារម្មណ៍មានសប្បាយចិត្តព្រោះខ្វល់ខ្វាយតែរឿងតូចតាចនោះ ចូរអ្នកសាកគិតរឿងនិងធ្វើរឿងតាមខាងក្រោមនេះ។ រឿងដែលអ្នកគួរធ្វើដើម្បីឲ្យស្មារតីប្រសើរឡើងវិញនោះរួមមាន៖

រូបតំណាង

**កុំប្រៀបធៀបខ្លួនឯងជាមួយអ្នកដទៃ**

កាលណាអ្នកកាន់តែប្រៀបធៀប អ្នកនឹងកាន់តែមានគ្រោះថ្នាក់ចំពោះខ្លួនអ្នក។ អ្នកត្រូវហ៊ានទទួលយការពិតដែលខ្លួនមាន ទទួលភាពមិនល្អឥតខ្ចោះរបស់អ្នក។ ធ្វើយ៉ាងណាគឺមិនត្រូវប្រៀបធៀបខ្លួនឯងជាមួយអ្នកដទៃដាច់ខាង ព្រោះថាមនុស្សម្នាក់កើតមកគ្មាននរណាល្អឥតខ្ចោះឡើយ។

រូបតំណាង

កុំឆាប់សន្មត់ថាខ្លួនឯងជាមនុស្សកំសាក

នៅពេលដែលអ្នកតែងតែគិតថាខ្លួនឯងធ្វើអ្វីមិនបានសោះនោះ អ្នកនឹងក្លាយទៅជាមនុស្សកំសាកជាក់ជាមិនខាន។ អ្នកត្រូវមានភាពក្លាហានហ៊ានដើរចេញជំនះឧបសគ្គទំាងឡាយណាដែលខ្លួនបានជួបនិងចេះតស៊ូ។ បើទោះបីអ្នកបរាជ័យក៏ដោយ អ្នកត្រូវងើបដើរម្តងទៀត។

ត្រូវមានទំនាក់ទំនងល្អជាមួយមនុស្សជុំវិញខ្លួន

ទំនាកក់ទំនងល្អជាមួយមនុស្សដែលនៅក្បែរខ្លួនអ្នកនឹងនំាឲ្យអ្នកមានភាពរីកចម្រើន។ នៅពេលជួបបញ្ហាអ្វីមួយ អ្នកត្រូវស្វែងរកដំណោះស្រាយ កុំនៅស្ងៀមគ្មានសកម្មភាពអ្វីនោះ។ ប្រសិនបើអ្នកមិនបានបង្ហាញទុកលំបាកដល់គេផង ធ្វើម៉េចគេដឹងថាអ្នកមានទុក្ខនោះ។

រូបតំណាង

កុំនិយាយដើមគេនិងបង្អាប់អ្នកដទៃដើម្បីលើកខ្លួនឯង

ការបន្ទាបអ្នកដទៃដើម្បីបង្ហាញពីសមត្ថភាពខ្លួនឯងនោះគឺពិតជាបង្ហាញថាអ្នកខ្វះទំនុកចិត្តលើខ្លួនឯងណាស់។ នោះក៏ព្រោះតែអ្នកត្រូវមានភាពជឿជាក់លើខ្លួនឯងដើម្បីយកឈ្នះលើអ្នកដទៃបាន។ ជាការល្អ អ្នកត្រូវតែនិយាយល្អពីគ្នាទៅវិញទៅមកឬចេះរិះគន់ស្ថាបនាគ្នាទើបជាការប្រសើរ។

ចេះស្វែងរកមនុស្សគំរូដែលអ្នកអាចរៀនសូត្របាននៅក្នុងជីវិត

នៅពេលជីវិតអ្នកគ្មានចំណុចទំនាញកណ្តាលនិងគោលដៅក្នុងជីវិត អ្នកត្រូវចេះស្វែងរកបុគ្គលគំរូមួយរូបដើម្បីឲ្យខ្លួនអ្នកបានរៀនសូត្រតាម។ អ្នកត្រូវសិក្សារៀនសូត្រនិងគិតវិជ្ជមានល្អតាមពីបុគ្គលនោះដើម្បីយកមកអភិវឌ្ឍខ្លួនអ្នកផ្ទាល់។

រូបតំណាង

កុំយកចំណុចខ្សោយធ្វើជាចំណុចខ្វះខាតរបស់ខ្លួន

មនុស្សម្នាក់ៗសុទ្ធតែមានចំណុចល្អនិងចំណុចអាក្រក់។ ការខ្វះខាតមិនមែនធ្វើឲ្យអ្នកមានភាពអាម៉ាស់នោះទេ តែផ្ទុយទៅវិញអ្នកត្រូវរៀនពីវា។ ជាការប្រសើរនោះ អ្នកគប្បីយករឿងអស់នោះមកធ្វើជាមេរៀនហើយពង្រឹងខ្លួនអ្នកជាថ្មី។

កុំបង្អាក់សមិទ្ធិផលរបស់ខ្លួន

ការចេះបន្ទាបខ្លួនគឺរឿងមួយដ៏ប្រសើរថ្លៃថ្លាចំពោះមនុស្សម្នាក់ៗ តែការបន្ទាបខ្លួនជ្រុលហួសហេតុពេកនឹងអាចធ្វើឲ្យទំនុកចិត្តរបស់អ្នករសាត់ទៅឆ្ងាយ។ ដូច្នោះ ត្រូវប្រាប់ខ្លួនឯងថាអ្នកសាកសមនឹងទទួលយកសមិទ្ធិផលអស់ទំាងនោះណាស់ នោះអ្នកនឹងមានអារម្មណ៍ល្អក្នុងការធ្វើរឿងល្អៗបន្ទាប់ទៀត៕