អាថ៌កំបំាង ៣ យ៉ាងញុំាចំណីអាហារនៅពេលយប់ដោយមិនចំាបាច់ខ្លាចធាត់

2020-06-03 06:00:00
ចំនួនមតិ 0 | ចំនួនចែករំលែក 0

មនុស្សមួយចំនួនមានទម្លាប់មិនសូវទទួលទានចំណីអាហារច្រើនពេកទេនៅពេលយប់នោះក៏ព្រោះតែខ្លាចធាត់។ ការញុំាអាហារនៅពេលយប់អាចធ្វើអ្នកឡើងគីឡូមែន តែប្រសិនបើអ្នកញុំាបានត្រឹមត្រូវនោះ អ្នកមិនចំាបាច់ខ្លាចធាត់នោះទេ។ ហេតុដូចនេះ ថ្ងៃនេះអ្នកនឹងបានដឹងពីវិធីសំងាត់ ៣ យ៉ាងក្នុងការញុំាចំណីអាហារពេលយប់យ៉ាងស្រួល។ តិចនិចទំាងបីនោះរួមមាន៖

១. ញុំាអាហារមានកាឡូរីតាមដែលអ្នកឃ្លានមុនពេលចូលគេង

វិធីមួយនេះមានប្រសិទ្ធភាពប្រសើរណាស់សម្រាប់អ្នកចូលចិត្តញុំាចំណីអាហារនៅពេលយប់។ ដូច្នេះ រាល់ពេលទទួលទានកាឡូរីគឺត្រូវបានរាប់បញ្ចូលរាល់ថ្ងៃ។ ការទទួលទានចំណីអាហារបានគ្រប់គ្រាន់ក្នុងមួយថ្ងៃ រហូតដល់មុនពេលចូលគេងនោះ វានឹងមិនធ្វើឲ្យការបរិមាណនៃថាមពលដែលអ្នកត្រូវការលើសឡើយ។ មានន័យថា អ្នកគួរទទួលទានអាហារនៅពេលព្រឹក ពេលថ្ងៃត្រង់ និងបរិមាណល្មមនៅពេលល្ងាចនឹងធ្វើឲ្យរាងកាយបន្តទទួលថាមពលអំឡុងពេលចូលគេង។ ប្រសិនបើអ្នកអាចធ្វើរឿងនេះបាន អ្នកនឹងមិនចំាបាច់បារម្ភពីរឿងឡើងគីឡូទៀតទេ។

រូបតំណាង

**២. កំណត់បរិមាណអាហារដែលអ្នកបរិភោគ**

ប្រសិនបើអ្នកពិតជាចូលចិត្តញុំាចំណីអាហារនៅពេលយប់ពិតមែន អ្នកគប្បីកំណត់បរិមាណអាហារដែលអ្នកបរិភោគ។ កាលណាអ្នកបរិភោគចំណីអាហារទាល់តែឆ្អែតពេកនោះ វានឹងបណ្តាលឲ្យមានបញ្ហារំលាយអាហារមិនបានល្អនិងប៉ះពាល់ការដុតរំលាយអាហារមិនល្អជាដើម។ បើអាច អ្នកគួរផ្លាស់ប្តូរមកទទួលទានផ្លែឈើ ៣ ទៅ ៤ ចំណិត ឬទទួលទានយ៉ាអួរមួយកំប៉ុង នំបុ័ងស្រូវសាលីមុនពេលចូលគេង។ ការញុំាបែបនេះនឹងធ្វើឲ្យអ្នកគេងបានស្រួលក៏ដូចជាឆ្អែតល្មមផងដែរ។

រូបតំណាង

៣. ទទួលទានចំណីអាហារយ៉ាងហោចណាស់ ៣ ម៉ោងមុនពេលចូលគេង

រឿងសំខាន់ដែលអ្នកត្រូវតែចងចំាក្នុងចិត្តនោះគឺការបរិភោគចំណីអាហារ ៣ ម៉ោងមុនពេលចូលគេង។ ប្រសិនបើអ្នកញុំាភ្លាមហើយចូលគេងភ្លាមនោះវានឹងមានផលប៉ះពាល់ទៅដល់ប្រព័ន្ធរំលាយអាហាររបស់អ្នក។ ដូច្នោះហើយ អ្នកត្រូវរង់ចំាឲ្យចំណីអាហារអស់ទំាងនោះរំលាយឲ្យអស់សិន ឬអ្នកអាចជ្រើសរើសចំណីអាហារណាដែលងាយរំលាយលឿន៕