ល្បែងចិត្តសាស្រ្ត៖ លួច Crush គេហើយចង់ដឹងអនាគតអាចក្លាយជាគូស្នេហ៍នឹងគ្នាទេ សាករើសសន្លឹកបៀរមួយ
- 2020-06-01 09:00:00
- ចំនួនមតិ 0 | ចំនួនចែករំលែក 0
ល្បែងចិត្តសាស្រ្ត៖ លួច Crush គេហើយចង់ដឹងអនាគតអាចក្លាយជាគូស្នេហ៍នឹងគ្នាទេ សាករើសសន្លឹកបៀរមួយ
ក្នុងវ័យនេះ អារម្មណ៍លើរឿងស្នេហាអ្នកណាក៏ធ្លាប់ឆ្លងកាត់ដែរ។ អ្នកខ្លះវិញ Crush គេ តែគេមិនដឹងខ្លួន មាត់ចង់សារភាព តែនៅអៀននៅឡើយ។ តោះ ចង់ដឹងថាមនុស្សដែលអ្នកកំពុងលួចស្រលាញ់នេះ អាចវិវឌ្ឍជាគូស្នេហ៍របស់អ្នកបានឬអត់ សាករើសសន្លឹកបៀរមួយ។
១. បើអ្នករើសសន្លឹកបៀរលេខ១
វាហាក់ដូចជាមនុស្សដទៃកំពុងតែឈ្លានពាននិងមិនសាទរចំពោះចំណងស្នេហ៍មួយនេះទេ។ ដោយសារពួកគេចេញពីគ្រួសារអ្នកមាន ម្ល៉ោះហើយពិតជាមិនចង់ទទួលយកក្តីស្រលាញ់មួយនេះឲ្យកើតឡើងឡើយ។ ចំណែកចិត្តគំនិតរបស់មនុស្សដែលអ្នកកំពុងមានចិត្តលើវិញ រៀងមិនច្បាស់លាស់បន្តិច ម្ដងក្ដៅម្ដងត្រជាក់។ ចំពោះឱកាសរបស់អ្នកទាំង២ក្នុងការក្លាយជាគូស្នេហ៍វិញ មានភាគរយទាបណាស់។
២. បើអ្នករើសសន្លឹកបៀរលេខ ២
អ្នកទាំងពីរពិតជាចុះសម្រុងគ្នាបានល្អ មានអារម្មណ៍រីករាយ ពេលនៅក្បែរគ្នាតែងសប្បាយចិត្តទាំងសងខាង។ ក្រៅពីនេះ អ្នកនៅជុំវិញក៏គាំទ្រឲ្យអ្នកទាំង២បានក្លាយជាគូស្នេហ៍នឹងគ្នាផងដែរ។ ចំណែកអត្តចរិតមនុស្សដែលអ្នកកំពុងលួចស្រលាញ់នេះវិញ គេមានឆន្ទៈ និងចេះពីវិធីលើកទឹកចិត្តអ្នកដទៃបានយ៉ាងត្រឹមត្រូវ។ តែយ៉ាងណា អារម្មណ៍របស់បុគ្គលម្នាក់នេះចំពោះអ្នក នៅមិនទាន់អាចហៅថាស្នេហានៅឡើយទេ តែគាត់តែងតែគិតវិជ្ជមាននិងជឿជាក់ពីសក្តានុពលលើទំនាក់ទំនងនេះថាអាចធំធាត់ទៅមុខបាន។ សរុបទៅ អ្នកទាំង២មានឱកាសល្អក្នុងការក្លាយជាគូស្នេហ៍បាន។
៣. បើអ្នករើសសន្លឹកបៀរលេខ ៣
បើមើលទៅ មនុស្សម្នាក់នោះតាមពិតគេមានមនុស្សក្នុងបេះដូងរួចទៅហើយ តែពួកគេឧស្សាហ៍មិនត្រូវគ្នា ហើយចៃដន្យ ក៏បានជួបអ្នក ។ តែបើនិយាយក្នុងចិត្តរបស់ម្នាក់នោះវិញ បានដាក់ក្តីស្រលាញ់ខ្លាំងលើមនុស្សដែលគាត់កំពុងមានក្នុងបេះដូងរួចបាត់ទៅហើយ។ ពេលខ្លះ អ្នកក៏ដឹងក្នុងចិត្តខ្លះៗថា មនុស្សដែលអ្នកកំពុងលួចស្រលាញ់នោះ គេមិនបានមានចិត្តលើអ្នកឲ្យអស់ពីបេះដូងឡើយ ។ ដូច្នេះ សូមកុំរំពឹងអ្វីពីបុគ្គលនោះទៀត ព្រោះអ្នកនឹងគ្មានឱកាសឡើយ។
៤. បើអ្នករើសសន្លឹកបៀរលេខ ៤
អ្នកនិងគាត់ពិតជាបានបោះជំហានក្នុងទំនាក់ទំនងនេះយ៉ាងអស្ចារ្យ ពោរពេញដោយក្តីរីករាយ និងពេលនៅជាមួយគ្នាពិតជាចុះសម្រុងខ្លាំងមែនទែន។ បើទោះជាថ្មីៗនេះ អ្នកទាំង២កំពុងស្ថិតក្នុងកម្រិតជាមិត្តភាពនឹងគ្នាក៏ដោយ តែបើមើលតាមការទស្សន៍ទាយទៅ អ្នកទាំង២អាចរំកិលសម្ព័ន្ធភាពនេះបាន។ ជាមួយសន្ទុះនេះ អ្នកទាំង២ពិតជាវិវឌ្ឍន៍ទៅលឿនឆ្ពោះទៅរកពាក្យថា ក្តីស្រលាញ់រវាងបុរសនិងស្រ្តី។ តែបើអ្នកព្យាយាមទំនាក់ទំនងគ្នានៅខាងក្រៅឲ្យបានច្រើនជាងតាមបណ្តាញសង្គម ពិតជាឆាប់រលូនល្អណាស់។
៥. បើអ្នករើសសន្លឹកបៀរលេខ ៥
ឱកាសរបស់អ្នកនិងបុគ្គលនោះក្នុងការក្លាយជាគូស្នេហ៍ ហាក់ដូចជាមានភាគរយទាបណាស់។ មិនដឹងថាពីមុនអ្នកធ្លាប់ធ្វើអ្វីនោះទេ តែហាក់ដូចជាបង្កើតឲ្យមនុស្សម្នាក់នោះមានអារម្មណ៍ពិបាកចុះសម្រុង និងទំនាក់ទំនងជាមួយអ្នកខ្លាំងណាស់។ អាចថាមកពីអ្នកជាមនុស្សត្រង់ពេក ឬអាចមកពីអ្នកធ្លាប់ធ្វើឲ្យគាត់រងការឈឺចាប់ដោយសារអ្នក។ សរុបមក អារម្មណ៍របស់អ្នកទាំង២ហាក់មិនចុះសម្រុងគ្នាបន្តិច ជាហេតុធ្វើឲ្យមនុស្សដែលអ្នកកំពុងលួចស្រលាញ់នេះពិបាកក្នុងការសាងទំនាក់ទំនងស្នេហាជាមួយអ្នកណាស់៕
អានបន្ត៖ គូស្នេហ៍ណានឹងចូលរោងការឆាប់ៗ?រើសមួយ ដើម្បីដឹងថាស្នេហាមានឥទ្ធិពលយ៉ាងណាចំពោះអ្នក?