ជ្រើសរើសរូបភ្នែកមួយដែលអ្នកគិតថាគួរឲ្យខ្លាចជាងគេ ដើម្បីស្វែងរកចំណុចពិសេសនៅក្នុងខ្លួន

  • 2020-05-26 08:15:00
  • ចំនួនមតិ 0 | ចំនួនចែករំលែក 0

ក្តី​ស្រលាញ់​ដែល​មាន​​​នៅ​ក្នុង​ខ្លួន​របស់​មនុស្ស​ម្នាក់ៗ គឺ​ទុក​សម្រាប់​បែង​ចែក​​ប្រគល់​ទៅ​​ឲ្យ​អ្នក​ដទៃ​ខ្លះ​ និង​ទុក​សម្រាប់​​​ខ្លួន​ឯង​ខ្លះ។ មនុស្ស​ម្នាក់​ៗ​ទៀត​​សោត​ ក៏​មាន​ចំណុច​ខ្លាំង​និង​ចំណុច​ខ្សោយ​រៀង​ៗ​ខ្លួន គ្រាន់​តែ​​ពេល​ខ្លះ​អ្នក​មិន​ទាន់​បាន​ចាប់​អារម្មណ៍​ពី​ចំណុច​ពិសេស​​ដែល​ខ្លួន​ឯង​មាន​​តែ​ប៉ុណ្ណោះ​។

ចង់​ដឹង​កាន់​តែ​ច្បាស់ អ្នក​អាច​​​​សាក​ល្បង​តាម​ល្បែង​ចិត្តសាស្រ្តដោយ​​គ្រាន់​តែ​ ជ្រើស​រើស​រូប​ភាព​​​មួយ ដែល​អ្នក​យល់​ថា​គួរ​ឲ្យ​ខ្លាច​ជាង​គេ​ក្នុង​ចំណោម​រូប​ទាំង​៤​ខាង​ក្រោម​នេះ​។

រូប​ភាព​ទី​១៖

អ្នក​​មិន​បាន​​ដឹង​ថា​ក្តី​ស្រលាញ់​ជាក់លាក់​​ជា​អ្វី​ឲ្យ​ពិត​ប្រាកដ​​ទេ​ ទាំង​​ដែល​​សព្វ​ថ្ងៃ​ខ្លួន​ឯង​កំពុង​តែ​រស់​នៅ​ជាមួយ​វា​យ៉ាង​​ពេញ​លេញ ព្រោះ​អ្នក​តែង​ចេះ​​​គោរព​ស្រលាញ់​មនុស្ស​ជុំវិញ​ខ្លួន និង​ចូល​ចិត្ត​ចែក​​រំលែក​ខ្លាំង​ណាស់។ អ្នក​គ្មាន​សេចក្តី​ស្អប់​គុំគួន​​នរណា​ម្នាក់​ទុក​ក្នុង​ចិត្ត​ឡើយ មាន​តែ​បេះដូង​ទូលំទូលាយ កក់ក្តៅ​និង​ប្រកាន់​នូវ​ភាព​រមទម្យ​ជាប់ជានិច្ច។ ទាំង​នេះ​សុទ្ធ​សឹង​តែ​ជា​ចំណុច​ពិសេស​ ប៉ុន្តែ​​​​ពេល​ខ្លះ​ក៏​អាច​ទុក​ជា​គុណវិបត្តិ​ដែរ​ ដូច្នោះ​ហើយ​ទន្ទឹម​គ្នា​ជាមួយ​នឹង​សណ្តាន​ចិត្ត​ល្អ ​អ្នក​ត្រូវ​តែ​ភ្ជាប់​ជាមួយ​នឹង​​​ភាព​រឹងប៉ឹង តឹង​តែង​ខ្លះ ដើម្បី​ការពារ​មិន​ឲ្យ​ទទួល​រង​នូវ​​ក្តី​ឈឺចាប់​ពី​មជ្ឈដ្ឋាន​ខាង​ក្រៅ​​ដោយ​ងាយ​ៗ។

​​​​​​​​រូប​ភាព​ទី​២៖

ចំណុច​ពិសេស​របស់​អ្នក​គឺ​ប្រកាន់​សច្ចៈភាព​ទៀង​ត្រង់ ជាមនុស្ស​វិជ្ជមាន និង​តែង​តែ​បង្ក​ភាព​សប្បាយ​រីករាយ​ទៅ​កាន់​អ្នក​ដទៃ។ អ្នក​មិន​ត្រឹម​តែ​ក្លាហាន​ចេះ​ការពារ​គេ​ឯង​និង​មាន​ភាព​អំណត់​ក្នុង​ការពារ​ប៉ុណ្ណោះ​ទេ​ថែម​ទាំង អាច​យល់​​ច្បាស់​​ពី​ចិត្ត​អ្នក​ដទៃ​ទៀត​ផង​។ ដរាប​ណា​អ្នក​ជួប​រឿង​អយុត្តិធ៌ម អ្នក​​មិន​អាច​នៅ​ស្ងៀម​បាន​ឡើយ តែង​ស្ទុះស្ទារ​​រក​ហេតុផល​​ខុស​ត្រូវ​ឲ្យ​បាន​ច្បាស់​លាស់ ជាមួយ​នឹង​ដំណោះ​ស្រាយ​សមរម្យ​ណា​មួយ​។ អ្នក​គឺ​ជា​មនុស្ស​មាន​ចិត្ត​ត្រជាក់ ប៉ុន្តែ​អាស្រ័យ​ទៅ​តាម​កាលៈទេសៈ​ដែរ​។ ​​

​​​​​​​​រូប​ភាព​ទី​៣៖

អ្នក​គឺ​ជា​មនុស្ស​​ចេះ​បើកចិត្ត​ទូលាយ មាន​ទឹក​ចិត្ត​ល្អ និង​ទៀង​ត្រង់។ អ្នក​ឲ្យ​តម្លៃ​បំផុត​ចំពោះ​ក្តី​ស្រលាញ់​ចំពោះ​ខ្លួន​ឯង​និង​អ្នក​ដទៃ។ អ្នក​ស្អប់​ពាក្យ​កុហក និង​មនុស្ស​ណា​ដែល​ចូល​ចិត្ត​ធ្វើ​បាន​មើល​ងាយ​ អ្នក​ទន់ខ្សោយ​ជាង។ ដោយ​សារ​តែ​ធ្លាប់​ជួប​ប្រទះ​រឿងរ៉ាវ​អយុត្តិធម៌​ជា​ច្រើន​នៅ​ក្នុង​ជីវិត​ទើប​បាន​ជា​អ្នក​​​​​​តែង​អាច​វែកញែក​រក​យុត្តិធម៌​ជា​ដរាប នៅ​ពេល​មាន​បញ្ហា​អ្វី​មួយ​កើតឡើង។ អ្នក​មាន​សមត្ថភាព​ខ្ពស់​ក្នុង​ការ​គ្រប់គ្រង​អារម្មណ៍ និង​ជា​មនុស្ស​មាន​ហេតុផល​ច្បាស់​លាស់​ ហេតុ​នេហ​ហើយ​ទើប​បាន​ជា​អ្នក​តែង​តែ​សម្រេច​ចិត្ត​ត្រូវ។ អ្នក​មិន​ដែល​ស្តាយ​ក្រោយ​នូវ​អ្វី ដែល​គួរ​បោះ​បង់​ចោល​នោះ​ទេ​។ ​​

​​​​​​​​រូប​ភាព​ទី​៤៖

គ្មាន​អ្វី​អាច​ប្រកែក​បាន​ឡើយ ព្រោះ​អ្នក​ជា​មនុស្ស​ស្មោះ​ត្រង់​ទាំង​​​ចិត្ត​​គំនិត​ ត្រ់​ទាំង​ពាក្យ​សម្តី និង​ស្អប់​នរណា​ដែល​​មាន​ភាព​ពុត​ត្បុត​ មិន​ទៀង​ត្រង់។ អ្នកក៏​មិន​ចេះ​នៅ​​ទ្រាំ​ទ្រ​ ជាមួយ​មនុស្ស​ដែល​មិន​អាច​ចុះ​សម្រុង​នឹង​គ្នា​បាន​ឡើយ។ អ្នក​ចេះ​ថ្លឹងថ្លឺង​គិតគូរ មិន​ចូលចិត្ត​ជំពាក់គុណ​អ្នក​ដទៃ ហើយ​ក៏​មិន​ចូល​ចិត្តឲ្យ​អ្នក​ដទៃ​ជំពាក់​គុណ​ដែរ។ អ្នក​មិន​អាច​រស់​នៅ​ជាមួយ​ទង្វើ​ក្បត់ ឆាប់​ខូច​ចិត្ត​បន្តិច ប៉ុន្តែ​មិន​អាច​ទ្រាំ​ជាមួយ​ក្តី​ឈឺចាប់​បាន​យូរ​នោះ​ទេ​៕​

ចុចអានបន្ត៖ ពី​ច័ន្ទ​ដល់​អាទិត្យ​ ថ្ងៃ​កំណើត​អាច​បង្ហាញ​ច្បាស់​ៗ​ពី​អត្តចរិត​របស់​អ្នក

ប្រភព៖ afamily ប្រែ​សម្រួល៖ ដេត ឈុនអ៉ី

អត្ថបទពេញនិយម