មនុស្សមានទម្លាប់ខាំក្រចកខ្លួនឯង ត្រូវចិត្តវិទូយល់ថា ជាបុគ្គលត្រូវការភាពឥតខ្ចោះបំផុត
- 2020-05-21 07:00:00
- ចំនួនមតិ 0 | ចំនួនចែករំលែក 0
មនុស្សមានទម្លាប់ខាំក្រចកខ្លួនឯង ត្រូវចិត្តវិទូយល់ថា ជាបុគ្គលត្រូវការភាពឥតខ្ចោះបំផុត
ទម្លាប់នៃការខាំក្រចក មិនមែនកើតចំពោះតែកូនក្មេងនោះទេ សូម្បីមនុស្សវ័យជំទង់ ឬមនុស្សធំក៏មានដែរ។ ទោះជាដឹងថា ការខាំក្រចកជាទម្លាប់មិនល្អ អត់អនាម័យហើយងាយឆ្លងមេរោគក៏ពិតមែន តែទម្លាប់មួយនេះពិបាកចោលណាស់ ព្រោះកាន់តែខាំ កាន់តែញៀន។
ផ្អែកតាមចិត្តវិទ្យា នៅពេលពួកគេបានខាំក្រចក ទើបពួកគេមិនសូវភ័យ ហើយអ្នកមានទម្លាប់នេះភាគច្រើនជាមនុស្សស្រ្តេស ឬព្រួយបារម្ភច្រើន ដែលធ្វើបែបនេះយូរទៅៗក៏ក្លាយជាទម្លាប់ពិបាកកែ។
យ៉ាងណាមិញ អ្នកចិត្តវិទ្យាបាននិយាយថា ការខាំក្រចកមិនត្រឹមជាទម្លាប់មួយប៉ុណ្ណោះទេ វាក៏បង្ហាញពីលក្ខណៈរបស់មនុស្សនោះផងដែរ ថាគេជា "អ្នកនិយមចង់បានភាពល្អឥតខ្ចោះ"។ នេះព្រោះ ពួកគេតែងតែព្យាយាមធ្វើគ្រប់យ៉ាងដើម្បីឲ្យសមិទ្ធិផលចេញមកល្អបំផុត ហើយក៏មិនចង់ឲ្យកើតមានកំហុសនោះដែរ។
ជាក់ស្តែងនៅពេលពួកគេគិតខ្លាំងពេក តស៊ូពេកជាមួយការងារ ព្រមទាំងជួបបញ្ហាលំបាកណាមួយក្នុងជីវិត ពួកគេកាន់តែបង្ហាញភាពរឹងមាំចេញមកច្រើនជាងអ្នកផ្សេងៗ។ ម្ល៉ោះហើយ ពួកគេជាបុគ្គលដែលងាយប៉ះទង្គិចផ្លូវចិត្ត ឆាប់រងសម្ពាធណាស់ ហេតុនេះដើម្បីអាចបន្ធូរភាពតានតឹងទាំងនោះបាន ពួកគេមានតែខាំក្រចកដៃ ទើបអាចបន្ថយការព្រួយបារម្ភខ្លះបាន។
យ៉ាងណាក៏ដោយ ការទម្លាប់ខាំក្រចក ត្រូវគេយល់ថាកំពុងស្ថិតក្នុងដំណាក់កាលធ្វើបាបខ្លួនឯង តែក្នុងលក្ខខណ្ឌស្រាល។ ដូច្នេះ អ្នកគួរតែលុបបំបាត់ទម្លាប់នេះម្តងបន្តិចៗ និងប្រើចិត្តឲ្យមានតុល្យភាពនិងវិជ្ជមាន ដើម្បីស្ថានភាពផ្លូវចិត្តមានភាពប្រសើរជាងមុន៕
អានបន្ត៖ មនុស្សស្រីដែលរឹងមាំ និង ជោគជ័យក្នុងឆាកជីវិត ដាច់ខាតមិនធ្វើរឿង ៥ នេះឡើយ