Dilraba បង្អួតរាងស្អាតឥតខ្ចោះ ពេលគ្រងឈុតកូនក្រមុំ អ្នកគាំទ្រអត់សរសើរមិនបាន

2020-05-21 03:00:00
ចំនួនមតិ 0 | ចំនួនចែករំលែក 0

កម្រងរូបភាពផ្សព្វផ្សាយឲ្យខ្សែភាពយន្តថ្មីរបស់តារាសម្ដែងស្រីល្បីឈ្មោះចិន Dilraba បានធ្វើឲ្យនាងក្លាយជាបុគ្គលគេស្វែងរកច្រើនបំផុតលើបណ្ដាញសង្គមជាច្រើនម៉ោងព្រោះស្អាតពេក។

តារាសម្ដែងស្រីលំដាប់ A ចិន នឹងត្រលប់មកកញ្ចក់ទូរទស្សន៍វិញជាផ្លូវការ ជាមួយខ្សែភាពយន្តភាគ Love Advanced Customization។ ខ្សែភាពយន្តនេះ នាងត្រូវបានសម្ដែងជាមួយប្រុសស្អាត Huang Jingyu ដែលមានព័ត៌មានលេចឮថាពួកគេជាសង្សារនឹងគ្នាហើយនៅពេលនេះ។

ដើម្បីផ្សព្វផ្សាឲ្យស្នាដៃថ្មីនេះ ក្រុមការងាររបស់រឿងភាគខាងលើ បានបញ្ចេញកម្រងរូបភាពថ្មីបំផុតរបស់ស្រីស្អាតវ័យ ២៨ឆ្នាំ។ រូបភាពទាំងនេះបង្ហាញពីសកម្មភាព Dilraba ស្លៀកឈុតកូនក្រមុំមែនពិត តែទាំងទឹកមុខ និងកាយវិការគឺសុទ្ធតែអស់សង្ឃឹមទាំងអស់ ព្រោះបែកបាក់មនោសញ្ចេតនា។

ក្រោយពេលរូបភាពទាំងនេះត្រូវបានចេញផ្សាយ ឈ្មោះរបស់តួរឿង និស្ស័យស្នេហ៍ទេវតា៣ជាតិ ត្រូវបានគេស្វែងរកច្រើនជាងគេលើបណ្ដាញសង្គម Weibo ហើយបានជាប់នៅលំដាប់នេះជាច្រើនម៉ោង។ អ្នកគាំទ្របានលាន់មាត់ថា រាងរបស់ស្រីស្អាតរូបនេះ ពេលគ្រងឈុតមង្គលការរឹតតែស្អាតឥតខ្ចោះ ពិបាករកអ្នកប្រៀប៕