តិចនិកប្រើប្រាស់ឧបករណ៍អេឡិចត្រូនិក ឲ្យកាត់បន្ថយថ្លៃភ្លើងដែលតែងឡើងខ្លាំងនៅរាល់ខែក្ដៅ

2020-05-13 04:10:00
ចំនួនមតិ 0 | ចំនួនចែករំលែក 0

ខណៈរដូវក្តៅកំពុងចូលពេញស៊ុបហើយនោះ មនុស្សជាច្រើនក៏រអ៊ូថាវិក័យបត្រថ្លៃភ្លើងរបស់ពួកគេក៏ឡើងស្រឺតតាមនោះដែរ។ ដើម្បីកាត់បន្ថយចំណាយថ្លៃភ្លើងឡើងលើសលប់នោះ អ្នកអាចរៀនពីតិចនិកខាងក្រោមបាន។ មូលហេតុដែលធ្វើឲ្យថ្លៃភ្លើងឡើងនៅខែក្ដៅ ដោយទោះបីជាយើងប្រើសម្ភារៈចំនួននៅដដែលនោះគឺ សម្ភារៈទាំងនេះត្រូវរត់កម្លាំងខ្លាំងជាងមុនគុណនឹង២ ឬនឹង៣ទើបទទួបានលទ្ធផលស្មើនឹងធម្មតា។ នេះគឺជាមូលហេតុដែលធ្វើឲ្យថ្លៃភ្លើងកើនឡើងនាខែក្ដៅ។ ដូចនេះ ដើម្បីប្រឈមនឹងបញ្ហានេះ អ្នកត្រូវមានវិធីសាស្ត្រដើម្បីទប់ស្កាត់។

ទូទឹកកក

សម្រាប់ទូទឹកកក អ្នកត្រូវដាក់សីតុណ្ហភាពឲ្យសមស្របទៅតាមរដូវកាល។ ឧស្សាហ៍ត្រួតពិនិត្យមើលថាជ័រកៅស៊ូទ្វារទូទឹកកកថាមានហើប មិនជាប់ឬអត់។ អាហារមិនគួរផ្ទុកច្រើនពេកឡើយ ដែលនឹងធ្វើឲ្យទូទឹកកកប្រើកម្លាំងលើសប្រក្រតី។ ទូទឹកកកត្រូវដាក់ឆ្ងាយពីចង្ក្រាន ឬឧបករណ៍អេឡិចត្រូនិកនានាដែលបញ្ចេញកម្ដៅ។

ម៉ាស៊ីនត្រជាក់

សម្រាប់ការជ្រើសយកម៉ាស៊ីនត្រជាក់ អ្នកគួរប្រើប្រេនមួយណាដែលមានភ្ជាប់មកជាមួយនូវកម្មវិធីកាត់បន្ថយថាមពលស្រាប់ ដើម្បីសន្សំថ្លៃភ្លើង។ លើសពីនេះ សីតុណ្ហភាពគួរដាក់ត្រឹម ២៦ ទៅ២៧នៅពេលថ្ងៃ និង ២៧ ទៅ២៩នៅពេលយប់ (ថែម១អង្សារ គឺជួយសន្សំបាន១០%ភ្លើង)។

ឆ្នាំងអ៊ុត

រាល់ការប្រើប្រាស់ឆ្នាំងអ៊ុតខោអាវ គួរប្រមូលផ្ដុំខោអាវមកអ៊ុតក្នុងពេលតែមួយដើម្បីសន្សំភ្លើង។ ដ្បិតរាល់ពេលដោតឆ្នាំងអ៊ុតដំបូង វានឹងរត់កម្លាំងខ្លាំងជាងពេលក្ដៅ ២០០%។ ដូចនេះហើយ ប្រសិនបើអ្នកឧស្សាហ៍ដកដោត នោះនឹងប្រើថាមពលច្រើនជាងការអ៊ុតច្រើនក្នុងពេលតែមួយ។ ជាមួយគ្នាផងដែរ ដោយសារតែខែក្ដៅ ដូចនេះខ្សែភ្លើងក៏ងាយពុកផុយជាងធម្មតា ដូចនេះអ្នកគួរចៀសវាងប្រើឧបករណ៍ច្រើនពេកក្នុងពេលតែមួយ និងមិនត្រូវដោតឧបករណ៍ច្រើនលើព្រីភ្លើងតែមួយឡើយ ចៀសវាងការទុះសេខ្សែភ្លើង៕

អានបន្ត៖ កុំឆ្លៀតពេលតែលេងហ្គេម ឬគេងយូរម៉ោង ងាកមកធ្វើការងារប៉ុន្មានមុខនេះចំណេញជាង

ប្រភព៖ icon.com.vn ប្រែសម្រួល៖ Caramel