បើ​ឃើញ​ខ្លួន​ឯង​លេច​ចេញ​នូវ​រឿង​នេះ​មក ដល់​ពេល​ផ្លាស់ប្ដូរ​ជីវិត​ហើយ

  • 2020-05-13 01:00:00
  • ចំនួនមតិ 0 | ចំនួនចែករំលែក 0

ជីវិត​គឺ​មិន​មាន​ពេល​ច្រើន​ប៉ុន្មាន​ឡើយ អ្វី​ដែល​ត្រូវ​ធ្វើ​អ្នក​គួរ​តែ​ធ្វើ​កុំ​ឲ្យ​មាន​ការ​សោកស្ដាយ។ ជីវិត​គឺ​ជា​ការ​រុករក​នូវ​អ្វី​ដែល​ថ្មី ព្រោះ​មនុស្ស​យើង​មិន​គួរ​ណា​ចំណាយ​ពេល​ពេញ​មួយ​ជីវិត​នៅ​កន្លែង​ដដែល​នោះ​ទេ។ បើ​មក​ដល់​ពេល​នេះ អ្នក​ឃើញ​ខ្លួន​ឯង​លេច​ចេញ​នូវ​រឿង​នេះ​មក ដល់​ពេល​ផ្លាស់ប្ដូរ​ជីវិត​ហើយ៖​

១. អស់​កម្លាំង​ចិត្ត

បើ​ដល់​ពេល​មួយ​ដែល​អ្នក​អស់​កម្លាំង​ចិត្ត និង​មាន​អារម្មណ៍​ថា​ហត់នឿយ​នឹង​ជីវិត​ខ្លួន​ឯង​មែន​ទែន​ហើយ អ្នក​មិន​គួរ​បន្ត​ជីវិត​ដូច​រាល់​ថ្ងៃ​ទៀត​ទេ។ ចាប់ផ្ដើម​រៀបចំ​គម្រោង​ជីវិត​ថ្មី ហើយ​ត្រូវ​ផ្លាស់ប្ដូរ​ឲ្យ​បាន​លឿន​បំផុត​មុន​ពេល​ដែល​អ្នក​កាន់​តែ​ដុនដាប​ខ្លាំង​ជាង​នេះ។

២. មួយ​អាទិត្យ​ពិបាក​ចិត្ត​ម្ដង​ឬ​លើស​ពីនេះ

បើ​អ្នក​សង្កេត​ឃើញ​ថា​ខ្លួន​ឯង​ឧស្សាហ៍​ពិបាក​ចិត្ត ឬ​ជួន​កាល​គ្មាន​រឿង​អី​សោះ​ក៏​បែរ​ជា​មាន​អារម្មណ៍​មិន​ល្អ​នោះ មាន​ន័យ​ថា​ជីវិត​រាល់​ថ្ងៃ​អ្នក​លែង​មាន​ន័យ​ទៀត​ហើយ។ បើ​បន្ត​បែប​នេះ​ទៀត​អ្នក​អាច​នឹង​មាន​ជំងឺ​ផ្លូវ​ចិត្ត​បាន ដូច្នេះ​អ្នក​រឿង​ផ្លាស់ប្ដូរ​ជីវិត​ខ្លួន​ឯង ដោយ​បង្កើត​បរិយាកាស​ថ្មី របៀប​រស់​នៅ​ថ្មី​ រាប់​អាន​មនុស្ស​ថ្មី និង​មាន​ការ​ដើរ​កម្សាន្ត​ឲ្យ​បាន​ច្រើន​ជាង​នេះ។

៣. មនុស្ស​ជុំវិញ​អ្នក​បាន​ផ្លាស់ប្ដូរ

បើ​អ្នក​សង្កេត​ឃើញ​ថា​មនុស្ស​ជុំវិញ​អ្នក​ គេ​ប្រែប្រួល​ចរិត និង​ទង្វើ​មក​លើ​អ្នក​នោះ វា​ក៏​ដល់​ពេល​ដែល​អ្នក​ត្រូវ​ផ្លាស់ប្ដូរ​ដូច​គ្នា។ កុំ​ព្យាយាម​ផ្ដល់​តម្លៃ​ទៅ​លើ​មនុស្ស​ដែល​មិន​សក្ដិសម​នឹង​ទទួល​តម្លៃ​នោះ ព្រោះ​នាំ​តែ​ខាត​ពេល និង​ធ្វើ​ឲ្យ​ខ្លួន​ឯង​ខាតពេល ខាត​តម្លៃ។ គេ​ប្រែប្រួល​ដាក់​អ្នក​បែប​ណា​ជា​រឿង​របស់​គេ តែ​អ្វី​ដែល​អ្នក​ត្រូវ​ធ្វើ​គឺ​ធ្វើ​ឲ្យ​ជីវិត​ខ្លួន​ឯង​ប្រសើរ​ជាង​គេ។

៤. អ្នក​ចាប់​ផ្ដើម​ធុញ​ទ្រាន់​នឹង​អ្វី​ដែល​អ្នក​កំពុង​ធ្វើ

បើ​អ្នក​ធុញ​នឹង​ការងារ​ដែល​អ្នក​មាន ចូរ​កុំ​​បង្ខំ​ខ្លួន​ឯង​បន្តទៀត​អី​ព្រោះ​នោះ​ពិត​ជា​រឿង​ដែល​ខុស​ខ្លាំង​បំផុត​លើ​ខ្លួន​ឯង។ ចូល​ផ្លាស់ប្ដូរ​រក​អ្វី​ដែល​អ្នក​ចូលចិត្ត រក​អ្វី​ដែល​អ្នក​មាន​កម្លាំង​ចិត្ត​នឹង​ធ្វើ ព្រោះ​នៅ​ពេល​ដែល​អ្នក​ស្រឡាញ់​វា​អ្នក​នឹង​​គ្មាន​អារម្មណ៍​ថា​ធុញ​ទ្រាន់​ឡើយ។

៥. អ្នក​ភ័យ​ខ្លាច

បើ​អ្នក​ចេះ​តែ​មាន​អារម្មណ៍​ថា​ខ្លាច​​បច្ចុប្បន្ន​ដែល​អ្នក​មាន គួរ​តែ​រៀប​ចំ​ជីវិត​ជា​ថ្មី​ហើយ ព្រោះ​បើ​នៅ​តែ​បែប​នេះ​ទៀត​អ្នក​នឹង​ខាត​ពេល​សម្រាប់​អ្វី​ដែល​ល្អ​ជាង​នេះ។ រក​អ្វី​ដែល​ធ្វើ​ឲ្យ​ខ្លួន​ឯង​រីករាយ និង​មិន​មាន​សម្ពាធ ហើយ​រីកចម្រើន​ទៅ​មុខ៕

ចុចអាន៖នៅ​ពេល​មាន​គំនិត​ចាស់​ទុំ​មែនទែន អ្នក​នឹង​​មាន​ការ​គិត​ខុស​ប្លែក​ពី​មុន ៥យ៉ាង​នេះ

ប្រភព៖ lifehack

អត្ថបទពេញនិយម