មកដឹងពីគុណវិបត្តិធំៗ ២ យ៉ាង និងដំណោះស្រាយ នៅពេលដែលប្រើជែលលាងដៃច្រើនពេក

2020-04-30 06:55:00
ចំនួនមតិ 0 | ចំនួនចែករំលែក 0

ដោយសារត្រូវការពារពីការឆ្លងមេរោគ និងរក្សាអនាម័យក្នុងការរស់នៅឲ្យបានល្អ ទើបមនុស្សគ្រប់គ្នាត្រូវប្រើជែលដែលមានជាតិអាល់កុលសម្រាប់លាងដៃ។ យ៉ាងណាមិញការប្រើប្រាស់វាញឹកញាប់ពេក អាចនឹងមានគុណវិបត្តិសម្រាប់ប្រភេទស្បែកមួយចំនួន។

១. ធ្វើឲ្យស្បែកស្ងួតខ្លាំង

ជែលដែលមានជាតិអាល់កុលសម្លាប់មេរោគ ធ្វើឲ្យអ្នកមានអារម្មណ៍ត្រជាក់និងស្អាតដៃ បន្ទាប់ពីប្រើរួច ប៉ុន្តែវាក៏អាចបណ្តាលឲ្យស្បែកប្រែទៅជាស្ងួតប្រេះផងដែរ។ ដោយសារជាតិអាល់កុល បានជ្រាបនិងស្រូបយកកម្តៅនៅក្នុងស្បែក ដូច្នេះហើយគួរប្រើឲ្យបានសមរម្យតែពេលចាំបាច់តែប៉ុណ្ណោះ។

រូបតំណាង

**២. ប្រឈមនឹងប្រតិកម្ម**

មានមនុស្សមួយចំនួនដែលអាចប្រតិកម្មជាមួយនឹងជាតិអាល់កុល។ អាចសាកល្បងលាបលើស្បែកនៅក្រោមដើមដៃជាមុនសិន ហើយទុករយៈពេល២៤ម៉ោង ដើម្បីដឹងថាអ្នកមានអាល្សែកស្សីឬក៏អត់។

រូបតំណាង

ដំណោះស្រាយសម្រាប់អ្នកមានស្បែលប្រតិកម្មជាមួយអាល់កុលលាងដៃ

លាងដៃជាមួយសាប៊ូ៖ នេះជាវិធីល្អដែលងាយស្រួលប្រសិនបើអ្នកនៅផ្ទះ។ នៅពេលចេញទៅខាងក្រៅ អ្នកអាចចាក់សាប៊ូចូលទៅក្នុងដបតូចៗ និងរកបន្ទប់ទឹកដើម្បីលាងសម្អាតដៃ។

ឆ្លាស់គ្នារវាងជែលនិងសាប៊ូ៖ ការលាងដៃដោយប្រើជែលមានភាពរហ័សនិងងាយស្រួល ប៉ុន្តែបើអ្នកមានស្បែកប្រតិកម្ម គួរជំនួសមកវិញដោយការប្រើប្រាស់សាប៊ូខ្លះទើបល្អ។

រូបតំណាង

លាបឡេផ្តល់សំណើមដល់ស្បែកដៃ៖ មិនចំពោះតែស្បែកប្រតិកម្មប៉ុណ្ណោះទេ សូម្បីតែប្រភេទស្បែកធម្មតា ក៏អាចប្រែទៅជាស្ងួតប្រេះបានដែរ។ ហេតុនេះហើយគួរប្រើឡេណាដែលជួយផ្តល់សំណើមដល់ស្បែកដៃ និងគ្មានជាតិទឹកអប់ ដើម្បីជួយឲ្យដៃទន់រលោងបានយូរ។

មេរោគអាចទុំជាប់នៅគ្រប់ទីកន្លែងទាំងអស់ ដូច្នោះហើយមិនត្រូវប្រហែសដាច់ខាត ក្នុងការរក្សាអនាម័យលាងសម្អាតឲ្យបានស្អាតជានិច្ច៕

ចុចអានបន្ត៖ ទម្លាប់បំផ្លាញស្បែកកាលពីនៅក្មេង ពេលចាស់ទៅអ្នកនឹងស្ដាយក្រោយ

ប្រភព៖ akerufeed ប្រែសម្រួល៖ ដេត ឈុនអ៉ី