ពីផ្ទះចាស់សល់ពីសម័យបុរាណស្ទើរមើលលែងយល់ ក្លាយជាប្រណិតដូចវីឡាលំដាប់ខ្ពស់

2020-04-29 07:50:00
ចំនួនមតិ 0 | ចំនួនចែករំលែក 0

ដោយសារតែពូកែខាងតុបតែងផ្ទះ ធ្វើឲ្យមនុស្សជាច្រើនភ្ញាក់ផ្អើលមិនធម្មតា ព្រោះតែផ្ទះចាស់មួយខ្នងមិនថ្លៃពេកនោះទេ តែពេលរៀបចំឡើងវិញបែរជាក្លាយដូចវីឡាប្រណិតទៅវិញ។

មិនបាច់ទៅទិញវីឡា អាផាតមិន ឬវីឡាកូនកាត់អីឡើយ ព្រោះសូម្បីផ្ទះមួយខ្នងចាស់ដូចសល់ពីសម័យបុរាណក៏អាចក្លាយជាផ្ទះស្អាតពិតប្រាកដបានដែរ។ នៅពេលបច្ចុប្បន្ននេះ ទំនោរជួសជុលផ្ទះ គឺទទួលបានការចាប់អារម្មណ៍ពីមនុស្សច្រើនណាស់។ ផ្តើមចេញពីផ្ទះកញ្ចាស់ រញ៉េរញ៉ៃ ជញ្ជាំងឡើងមើលលែងយល់ ប្រែក្លាយជាស្រស់ស្អាត មានរបៀបរៀបចំ ដោយការរចនាយ៉ាងប្រណិត។

អ្នកស្រី Tran Thi Thu ម្ចាស់ផ្ទះនេះឲ្យដឹងថា បានចំណាយលុយដោយទិញគ្រឿងសង្ហារិមថ្មី និងសម្ភារៈមួយចំនួន ដោយចាយពេលតុបតែងអស់ពេលជាង២ខែ។ ផ្ទះនេះមានទំហំ ៥០ m2 ដោយមានបន្ទប់គេង២ បន្ទប់ធ្វើការ១ បន្ទប់ផ្លាស់សម្លៀកបំពាក់១ កន្លែងទទួលភ្ញៀវ ផ្ទះបាយ និងបន្ទប់ទឹក។ ក្រោយពីជួសជុលផ្ទះចាស់រួច ពេលនេះផ្ទះនេះប្រែក្លាយជាធំទូលាយ ប្រណិត អមដោយគ្រឿងសង្ហារឹមប្រៀបដូចជាអាផាតមិនលំដាប់ថ្នាក់ខ្ពស់ដូច្នោះដែរ។ ក្រៅពីនេះ ម្ចាស់ផ្ទះក៏បានជ្រើសរើសឥដ្ឋការ៉ូពណ៌ប្រផេះ -ស ឲ្យមើលទៅឆ្លុះនិងទាក់ទាញ។

អ្នកអាចសង្កេតមើលឃើញថាគ្រប់ការរចនា បន្ថែមរសជាតិដល់អ្នកស្នាក់នៅឲ្យមានអារម្មណ៍ធូរស្រាល ការរៀបចំមានសណ្ដាប់ធ្នាប់ ដែលលក្ខណៈនេះមិនធ្វើឲ្យអ្នករស់នៅធុញទ្រាន់និងស្មុគចិត្តនោះទេ៕