មនុស្សស្រីរស់ដោយខ្លួនទីពឹងខ្លួនគឺប្រពៃ តែប្រាកដជាឯកាខ្លាំងណាស់

2020-04-23 02:10:00
ចំនួនមតិ 0 | ចំនួនចែករំលែក 0

មនុស្សគ្រប់គ្នានិយាយពិតជាមិនខុសមែន អ្វីៗនៅលើលោកនេះសុទ្ធតែមានដឺឡេទាំងអស់ បូករួមទាំងមនោសញ្ចេតនារបស់មនុស្សផងដែរ។ ពេលទើបផ្ដើមស្រលាញ់ សម្ដីមនុស្សប្រុសប្រៀបដូចទឹកឃ្មុំ ហើយចុងក្រោយនៃការស្រលាញ់ក៏ប្រែទៅជាទឹកខ្មេះទៅវិញ។

រូបតំណាង

ថ្ងៃណាឡើងអ៊ីនធឺណិតលេងក៏ឃើញតែគេចែករំលែកថា៖ មនុស្សស្រីត្រូវរឹងមាំ ត្រូវឯករាជ្យរឿងលុយកាក់ ព្រោះកាន់តែពឹងផ្អែកលើមនុស្សប្រុសនឹងកាន់តែអត់សុភមង្គលជាដើម”។ ពេលឃើញដំបូងៗ ក៏អូសរំលង ដោយមិនសូវជាចាប់អារម្មណ៍ប៉ុន្មាន ប៉ុន្តែនៅពេលជួបផ្ទាល់ទើបដឹងថា អ្នកដែលផុសរឿងទាំងនេះ ប្រាកដជាបានឆ្លងកាត់ខ្លួនឯងផ្ទាល់ហើយ ទើបចង់ចែករំលែកបែបនេះ។

តាមការពិតទៅ គ្មានមនុស្សស្រីដែលកើតមកភ្លាម ហើយមានមានចរិតឯករាជ្យ មាំទាំពីនាយណាស់មកទេ បើមានក៏តិចដែរ។ ភាគច្រើនពួកគេសុទ្ធតែឆ្លងកាត់រឿងមិនសប្បាយចិត្តណាមួយ ធ្វើឲ្យវាដិតដាមក្នុងចិត្ត ទើបប្ដេជ្ញាចិត្ត រស់ដោយខ្លួនឯង ដោយមិនពឹងលើអ្នកណាទាំងអស់។

ជាក់ស្ដែង មនុស្សស្រីមួយចំនួន នៅពេលកំពុងផ្អែមល្ហែមជាមួយស្នេហា ត្រូវបានគេផ្ដល់ឲ្យគ្រប់បែបយ៉ាង ក៏មិនសូវជាគិតរឿងអនាគតខ្លួនឯងច្រើន ដោយរំពឹងថា គូអនាគតនឹងជាអ្នកផ្គត់ផ្គង់ឲ្យយើង។ យ៉ាងណាក្ដី នៅពេលដែលគេដឹងថា ដឺឡេនៃការស្រលាញ់របស់មនុស្សក៏មានការកំណត់នោះ ទើបគេភ្ញាក់ខ្លួនថា តាមការពិតនៅលើលោកនេះគ្មានអ្វីជានិរន្តឡើយ។

រូបតំណាង

នៅពេលដឹងខ្លួនបែបនេះ ពួកគេក៏បន្តដើរលើវិថីខ្លួនឯងដោយគ្មានស្រមោលរបស់មនុស្សម្នាក់ទៀត ដែលធ្លាប់គិតថានឹងដើរជាមួយគ្នាដល់ចាស់។ ពេលដំបូងក៏មានអារម្មណ៍ថា ព្រោះស្រីខ្លួនតែមួយ មានដែលស្គាល់ពាក្យថាចេញក្រៅសង្គមយ៉ាងម៉េចឯណា។ បន្ទាប់មកក៏ទម្លាប់បាន។

យ៉ាងណាក្ដី នៅពេលដែលទម្លាប់ហើយ ក៏នឹងមានរឿងមួយទៀតគួរឲ្យគិតដល់។ នោះគឺ នាងលែងចង់បាននរណាម្នាក់មកនៅក្បែរ ព្រោះរបួសចាស់នៅធ្វើឲ្យនាងខ្លាចមនោសញ្ចេតនានៅឡើយ។

រូបតំណាង

ការរស់ដោយខ្លួនទីពឹងខ្លួន គឺគ្មានសម្ពាធ មានប៉ុណ្ណា ចាយប៉ុណ្ណឹង យូរៗក៏ស៊ាំទៅហើយ។ តែនឹងមានពេលខ្លះ ដូចជាភ្លៀងធ្លាក់ ឬចូលខែត្រជាក់ រដូវបុណ្យទាន នៅពេលឃើញគេគ្រប់គ្នាកៀកដៃគ្នា ដើរលេង យើងនឹងមានកូនចិត្តថាឯកា ទាំងដែលការពិត យើងជាអ្នកមិនទទួលមនោសញ្ចេតនាចូលមកជីវិតមួយនេះដោយខ្លួនឯង៕

អានបន្ត៖ គ្មានស្នេហាយូរឆ្នាំហើយក៏គ្មាននរណាជឿ ដោយសារហេតុផលធំៗ ៤ នេះ

ប្រភព៖ Guu ប្រែសម្រួល៖ Caramel