គ្មានស្នេហាយូរឆ្នាំហើយក៏គ្មាននរណាជឿ ដោយសារហេតុផលធំៗ ៤ នេះ

2020-04-22 07:15:00
ចំនួនមតិ 0 | ចំនួនចែករំលែក 0

កុំថាឡើយដល់មនុស្សដែលមិនស្គាល់គ្នា ពេលខ្លះសួម្បីតែមិត្តភ័ក្តិ ឬក្រុមគ្រួសារក៏មិនជឿដែរថា អ្នកគ្មានស្នេហានឹងគេពិតមែន។ ទោះខំបកស្រាយ និយាយពន្យល់យ៉ាងណា គ្រប់គ្នានៅតែយល់ច្រឡំ គិតថាអ្នកមិនមែននៅទំនេរទេឡើយ។ មកពីហេតុផលធំៗ ៤ យ៉ាង ទើបធ្វើគេឯង មានគំនិតបែបនេះចំពោះអ្នក។

១. គុណសម្បត្តិជាច្រើនដែលអ្នកមាន

រូបតំណាង

ដោយសារមានសម្រស់ស្រស់ស្អាតទាក់ទាញ ចរិតឫកពាក៏អំណោយទានគួរឲ្យស្រលាញ់ទៀត ទើបធ្វើឲ្យមនុស្សជុំវិញខ្លួន មិនអាចជឿបានថាអ្នកគ្មានស្នេហានោះទេ។ ចាត់ទុកថាជាសំណាងប្រសិនបើអ្នកមានកើតមកស្អាតស្រាប់ ប៉ុន្តែជួនកាលវាអាចជាឧបសគ្គ ដែលអាចបិទឱកាសរបស់អ្នកផងដែរ។

២. សប្បាយស្រស់ស្រាយគ្រប់ពេល

រូបតំណាង

មនុស្សភាគច្រើនយល់ថា នារីដែលនៅលីវមិនទាន់មានគូ ប្រាកដជាមានអារម្មណ៍ឯកោ ធុញថប់ ខ្វះអ្នកយល់ចិត្ត។ ផ្ទុយស្រឡះពីអ្នក ដែលតែងតែសប្បាយស្រស់ស្រាយគ្រប់ពេល។ ហេតុនេះហើយ អ្នកផ្សេងច្បាស់ជាគិតថាអ្នកកំពុងតែមានស្នេហា គ្រាន់តែមិនចង់បញ្ចេញ។

៣. ចុចទូរសព្ទហើយញញឹម

រូបតំណាង

បើអ្នកមានទម្លាប់ឱនឈ្ងោកចុចតែទូរសព្ទហើយញញឹម និងមិនចាប់អារម្មណ៍ពីមនុស្សនៅជិតខ្លួន គ្មានអ្វីចម្លែកទេ នៅពេលដែលគេប៉ាន់ស្មានថាអ្នក កំពុងតែឆាតលេងជាមួយសង្សារនោះ។ តាមការពិតគ្រាន់តែមិនសូវចេះនិយាយស្តី និងមើលវីដេអូកំប្លែងៗក្នុងទូរសព្ទសោះ ក៏បង្កឲ្យមានការភាន់ច្រឡំបែបនេះដេរ។

៤. វាយតម្លៃទៅលើបណ្តាញសង្គមរបស់អ្នក

រូបតំណាង

ដោយសារតែអ្នកបង្ហោះចម្រៀងស្នេហា ឬសរសេរសារដែលមើលទៅចាក់ដោតបន្តិចបន្តួច ធ្វើឲ្យមិត្តភ័ក្តិក្នុងបណ្តាញសង្គម វាយតម្លៃភ្លាមៗតែម្តង។ បើអ្នកបង្ហោះរូបភាពតែម្នាក់ឯង គេសង្ស័យចង់ដឹងអ្នកដែលថតឲ្យ ប៉ុន្តែបើបង្ហោះរូបជាក្រុម គេច្បាស់ជាតាមដានប៉ាន់ស្មានមនុស្សប្រុសដែលឈរក្បែរអ្នក។ និយាយរួមទៅ ធ្វើអ្វីក៏គ្មាននរណាជឿថាអ្នកនៅលីវនោះដែរ។ មានពេលវេលាប៉ុណ្ណោះ ទើបអាចលាតត្រដាងការពិតបាន៕

ចុចអានបន្ត៖ អាថ៌កំបាំង ៥ ធ្វើឲ្យនារីមិនមែនជាមនុស្សគួរឲ្យធុញទ្រាន់ ក្នុងក្រសែភ្នែកបុរស

ប្រភព៖ gangbeauty ប្រែសម្រួល៖ ដេត ឈុនអ៉ី