នាពេលបច្ចុប្បន្ននេះ មានមនុស្សមិនតិចឡើយមានបញ្ហាដំណេក។ ការគេងមិនលក់អាចមកពីកត្តាផ្សេងៗគ្នា ប្រ​សិន​បើអ្នកមានដំណើរគេងមិនលក់ អ្នកគួរតែឆាប់ស្វែងរកដំណោះស្រាយឲ្យបានឆាប់រហ័ស។ ថ្ងៃនេះ ប្រិយ​មិត្តនឹងបានដឹងពីដំណោះស្រាយបញ្ហាគេងមិនលក់បានយ៉ាងមានប្រសិទ្ធភាពតាមវិធី ៨ នេះ។ ការ​គេង​មិ​ន​លក់អាចបែងចែកជា ៣ ប្រភេទផ្សេងៗគ្នាដូចជា ការគេងមិនលក់ដំណាក់កាលខ្លី ដំណាក់​កាល​គេង​មិន​លក់ និងការគេងមិនលក់រុំារ៉ៃ។ ដូច្នោះ​សូម​អានដោយយកចិត្តទុកដាក់ដូចខាងក្រោម៖

១. រៀបចំបន្ទប់គេង

អ្នកគួររៀបចំសម្អាតបន្ទប់គេងឲ្យបានស្អាតនិងមានផាសុកភាព។ ត្រូវចៀសវាងកុំឲ្យមាន​សំលេង​ចេញ​ចូល​និង​លាន់​ឲ្យសោះ ក្រៅពីនេះអ្នកក៏ត្រូវពិនិត្យមើលសីតុណ្ហភាពកុំឲ្យត្រជាក់ពេកនិ​ងក្តៅ​ពេក។ នៅពេលគេង បន្ទប់គេងរបស់អ្នកគួរតែងងឹតស្លប់ទើបល្អ។

២. ចៀសវាងកាហ្វេអ៊ីន

អ្នកគួរចៀសវាងទទួលទានភេសជ្ជផ្ទុកជាតិកាហ្វេអ៊ីន។ មិនគួរបរិភោគនៅពេលថ្ងៃឡើយ ព្រោះ​វាអាច​ប៉ះ​ពាល់​ដល់​ដំណេកអ្នកនៅពេលយប់ជាក់ជាមិនខាន។

៣. ទទួលទានទឹកដោះគោ

ចៀសវាងការទទួលទានជាតិកាហ្វេអ៊ីន អ្នកគប្បីទទួលទានទឹកដោះគោមួយកែវមុនចូលគេង។ អ្នកនឹងមាន​អារ​ម្មណ៍​ស្រួលខ្លួននៅពេលទទួលទានទឹកដោះគោមុនចូលគេង។

៤. កាត់បន្ថយការគេងថ្ងៃ

ប្រសិនជាអាចអ្នកគប្បីកាត់បន្ថយការគេងនៅពេលថ្ងៃត្រង់ ដើម្បីកុំឲ្យប៉ះពាល់ដល់ដំណេកនៅពេលយប់។ អ្នក​អាច​ពិសោធន៍ខ្លួនឯងបាន ថាបើអ្នកគេងថ្ងៃអ្នកនឹងមិនងងុយនៅពេលយប់។

៥. កុំគេងយូរពេក

ជារឿយៗ ប្រសិនបើអ្នកដឹងខ្លួននៅពេលព្រឹកតែបែរជាមិនក្រោកឡើងនោះ អ្នកនឹងប៉ះ​ពាល់​ទៅ​នឹង​ការ​គេង​មិន​លក់​ដូច​គ្នា។ ដូច្នោះ ពេលភ្ញាក់ពីគេងនៅពេលព្រឹក អ្នកត្រូវតែហាត់ប្រាណ ដើរស្រូប​យក​ខ្យល់​អាកាស​ជា​ដើម។

៦. ចូលគេង និង ក្រោកឲ្យទៀងពេល

អ្នកត្រូវតែកំណត់ការចូលគេងនៅពេលយប់ឲ្យបានច្បាស់និងការក្រោកពីគេងពេលព្រឹកឲ្យបានច្បាស់ដែរ។ បើពុំនោះទេ ទម្លាប់បែបនេះនឹងប៉ះពាល់ដំណើរគេងមិនលក់។

៧. ស្វែងរកសកម្មភាពបន្ថែម

ក្នុងករណីអ្នកគេងមិនលក់រយៈពេលពី ១៥ ទៅ ២០ នាទី អ្នកគួរតែស្វែងរកសកម្មភាពសម្រាប់ធ្វើដូចជា ស្តាប់​ចម្រៀង អានសៀវភៅ ស្តាប់ធម៌។ ប៉ុន្តែអ្នកត្រូវចៀសវាងលេងទូរស័ព្ទ ប្រើកុំព្យូទ័រ ដែល​ងាយ​នឹង​ធ្វើឲ្យ​ប៉ះ​ពាល់​ដំណេកអ្នកវិញ។

៨. ធ្វើលំហាត់ប្រាណ

វិធីសាស្ត្រចុងក្រោយនោះគឺហាត់ប្រាណ។ ក្នុងមួយសប្តាហ៍ អ្នកគួរហាត់ប្រាណឲ្យបាន ៣ ទៅ ៤ ថ្ងៃ រយៈ​ពេល ៣០ ទៅ ៤៥ នាទីដើម្បីបណ្តេញជាតិពុលក្នុងរាងកាយ ពិសេសកាត់បន្ថយភាពតានតឹង។

ដើម្បីកាត់បន្ថយបញ្ហាគេងមិនលក់នេះបាន អ្នកគប្បីអនុវត្ត​តាមចំណុច​ខាង​លើដើម្បី​ទទួលទាន​ដំណេក​លក់​ស្រួល​ស្កប់ស្កល់៕

រូបភាព៖ Pinterest

ចុចអានបន្ត៖

អ្នកនឹងគ្មានថ្ងៃស្គមងាយឡើយ ប្រសិនបើនៅបន្តទម្លាប់ទំាង ៥ យ៉ាងនេះ