អវយវៈដែលអ្នកសម្អាតមុនគេ ពេលងូតទឹក អាចបង្ហាញពីអត្តចរិតរបស់អ្នកបានយ៉ាងច្បាស់
- 2020-04-21 02:30:00
- ចំនួនមតិ 0 | ចំនួនចែករំលែក 0
អវយវៈដែលអ្នកសម្អាតមុនគេ ពេលងូតទឹក អាចបង្ហាញពីអត្តចរិតរបស់អ្នកបានយ៉ាងច្បាស់
ជាការពិត មនុស្សម្នាក់ៗមានរបៀបងូតទឹកផ្សេងៗគ្នា ជាពិសេសការជ្រើសរើសផ្នែកណាមួយនៅលើដងខ្លួនដើម្បីសម្អាតមុនគេ។ អ្វីដែលនឹកស្មានមិនដល់នោះគឺ គ្រាន់តែការលាងសម្អាតផ្នែកណាមួយនៃខ្លួនប្រាណមុនគេ ក៏អាចបង្កប់នូវអត្តចរិតរបស់អ្នកបានដែរ។ តោះ! មកដឹងពីការអត្ថន័យបង្កប់នៃរបៀបងូតទឹករបស់អ្នក៖
**១. មុខ៖** បើអ្នកជ្រើសរើសលាងមុខមុនគេ ពេលចូលងូតទឹក នោះមានន័យថា អ្នកជាមនុស្សដែលតែងតែខ្វល់ខ្វាយពីទស្សនៈ និង ការមើលឃើញរបស់អ្នកដទៃ ឬមនុស្សជុំវិញខ្លួន។ អ្នកបារម្ភពីរូបរាងខាងក្រៅ ជាពិសេសមុខមាត់ ព្រោះជាផ្នែកដែលគេមើលឃើញមុនគេ។
២. ដៃ និង ជើង៖ សម្រាប់អ្នកដែលដុសសម្អាតដៃ និង ជើងមុនគេ ពេលងូតទឹក អ្នកជាមនុស្សចូលចិត្តដាក់ខ្លួន និង គ្មានអំនួតផ្ដេសផ្ដាសឡើយ។ អ្នកជាមនុស្សពូកែនិយាយ ហើយ តែងនិយាយចេញពីចិត្ត ថែមទាំងចូលចិត្តប្រើប្រាស់កាយវិការទៀតផង។
៣. កន្លែងសំខាន់៖ បើអ្នកជ្រើសរើសលាងសម្អាតកន្លែងសំខាន់ទាំង២ មុនផ្នែកផ្សេងៗ នោះបញ្ជាក់ថាអ្នកគឺជាមនុស្សមានការអៀនខ្មាសច្រើន តែជានិច្ចកាលតែងធ្វើឲ្យគ្រប់គ្នាសប្បាយអបអរនឹងវត្តមានរបស់អ្នក។
៤. ដើមទ្រូង៖ អ្នកដែលចូលចិត្តដុសសម្អាតដើមទ្រូងមុនគេ គឺជាមនុស្សដែលពោរពេញដោយភាពជឿជាក់លើខ្លួនឯង និង ចូលចិត្តនិយាយត្រង់ៗ។ ក្រៅពីនេះ អ្នកក៏ជាមនុស្សដែលមានភាពឯករាជ្យ និង ឆន្ទៈខ្ពស់ ដែលតែងតែខិតខំសម្រេចនូវគោលដៅរបស់ខ្លួន។
៥. សក់៖ សម្រាប់អ្នកដែលចូលងូតទឹកភ្លាម ចាប់ផ្ដើមកក់សក់ភ្លាម អ្នកជាមនុស្សដែលគោរពនូវសណ្ដាប់ធ្នាប់ វិន័យ និង រចនាសម្ព័ន្ធ។ អ្នកជឿជាក់ថា គំនិត និង ស្មារតីរបស់អ្នកនឹងនាំអ្នកទៅរកភាពជោគជ័យ ហើយ មិនដែលរាថយក្នុងការបញ្ចេញមតិ យោបល់ទៅកាន់គេឯងឡើយ។
៦. ស្មា និង ក៖ អ្នកជាមនុស្សឧស្សាហ៍ព្យាយាមបំផុតក្នុងការងារ ហើយ ក៏មានការប្រកួតប្រជែងខ្ពស់ដែរ តែងតាំងចិត្តយកឈ្នះរាល់ឧបសគ្គ។
៧. ខ្នង៖ អ្នកដែលដុសសម្អាតខ្នងមុនគេ ជាមនុស្សដែលមិនងាយជឿអ្នកណា ក្រៅពីខ្លួនឯង ហើយក៏មិនងាយអនុញ្ញាតឲ្យនរណាម្នាក់ចូលមកក្នុងជីវិតដែរ អាចមកពីបទពិសោធន៍មិនល្អកន្លងមក។ យ៉ាងណាមិញ អ្នកជាមនុស្សឯករាជ្យ ដែលមានទំនុកចិត្តខ្ពស់លើខ្លួនឯង មិនងាយត្រូវការជំនួយពីអ្នកផ្សេងឡើយ៕
ចុចអានបន្ត៖ ច្បាស់ៗ! មើលដឹងថា អ្នកអៀនបុ៉នណាតាមប្រភេទឈាម