ងាយៗ! របៀបធ្វើ "ជ្រក់ជើងមាន់"ដោយខ្លួនឯង ឆ្ងាញ់លិឍដៃ

2020-04-08 09:40:00
ចំនួនមតិ 0 | ចំនួនចែករំលែក 0

ប្រិយមិត្តមួយចំនួនធំប្រហែលជាធ្លាប់សាកល្បងញ៉ាំនូវជ្រក់ជើងមាន់ដែលកំពុងទទួលបានការពេញនិយមខ្លាំង ជាពិសេសនាពេលបច្ចុប្បន្ន។ សម្រាប់អ្នកដែលចង់ជ្រាបច្បាស់ពីរសជាតិដ៏ឈ្ងុយឆ្ងាញ់ជាប់មាត់នៃមុខម្ហូបមួយនេះ សូមតាមដាននៅវិធីធ្វើ និង គ្រឿងផ្សំដែលកញ្ញានឹងចែករំលែកជូនដូចតទៅ៖

ជើងមាន់ជ្រក់

**គ្រឿងផ្សំ៖**

ទឹកត្រី អំបិល ប៊ីចេង
ស្ករត្នោត ២ ស្លាបព្រាបាយ
ជើងមាន់ ១ គីឡូ
ក្រូចឆ្មារ ៥ ផ្លែ (អាចថែមឬ ថយតាមចំណង់ចំណូលចិត្ត)
គល់ស្លឹកគ្រៃ ៥ ទៅ ៧ ដើម
រំដេង មួយកំណាត់តូច
ស្លឹកក្រូចសើច ៤ ទៅ ៥សន្លឹក (តាមចូលចិត្ត)
ម្ទេសស្រស់មួយចាន
ខ្ទឹមស ៣ ទៅ ៤មើម
ទឹកដោះគោខាប់ ឬ ស្ករស

រូបតំណាង

របៀបធ្វើ៖

១. កាប់ជើងមាន់ជាបំណែកតូចៗ ស្រួលកាន់ញ៉ាំ និង ងាយចូលជាតិ

២. ហាន់គល់ស្លឹកគ្រៃ ស្លឹកក្រូចសើច និង រំដេងជាចំណិតស្ដើងៗ រួចបង់ចូលក្នុងទឹកក្ដៅដាំពុះ បន្ទាប់មកចាក់ជើងមាន់ចូលឆ្នាំងជាមួយគ្នា ហើយ បង់អំបិលចូលបន្ដិច ទុកចោលប្រមាណ២០នាទី

៣. លាយទឹកត្រីម្ទេស ដោយបុកខ្ទឹមស និង ម្ទេសចូលគ្នាឲ្យម៉ដ្ឋល្មម រួចលាយ ស្ករត្នោត ២ ស្លាបព្រាបាយ ទឹកត្រី ៣ ស្លាបព្រាបាយ ប៊ីចេង១ស្លាបព្រាបាយ ទឹកដោះគោខាប់ ១ ស្លាបព្រាបាយ និង ក្រូចឆ្មា ៥ ផ្លែ រួចចាក់ទឹកក្តៅ១ កូនចាន ហើយកូរចូលគ្នាឲ្យសព្វ