តួក្នុងរឿង Crash Landing on You ត្រូវគេបកអាក្រាតជាសិស្សពាល និងមានប្រវត្តមិនល្អ

2020-02-05 03:26:00
ចំនួនមតិ 0 | ចំនួនចែករំលែក 0

ហេតុការណ៍តារាសម្ដែងប្រុសកំពុងមានប្រជាប្រិយភាព Lee Sin Young ត្រូវគេបកអាក្រាតកំពុងតែធ្វើឲ្យពិភពសិល្បៈកូរ៉េរំជើបរជួលជាខ្លាំង ខណៈសមីខ្លួនមិនទាន់ចេញមុខបកស្រាយ។

កាលពីព្រឹកថ្ងៃទី៤ ខែកុម្ភៈ មុននេះបណ្ដាញព័ត៌មានតូចធំកូរ៉េបានចុះផ្សាយយ៉ាងព្រោងព្រាត ពីហេតុការណ៍តារាសម្ដែងប្រុស Lee Sin Young តួរឿង Crash Landing on You ត្រូវគេបកអាក្រាតពីអតីតកាលរបស់ប្រុសស្អាតមួយនេះ។

តាមនោះដែរ នៅលើគេហទំព័ររបស់សកលវិទ្យាល័យមួយ បុរសម្នាក់ដែលប្រាប់ថាជាមិត្តរួមអនុវិទ្យាល័យ Waegwan របស់ប្រុសស្អាតខាងលើ បានឲ្យដឹងថា ប្រុសស្អាតវ័យ២២ឆ្នាំ គឺជាសិស្សពាលចំតួ ដោយលោកបានប្រទះឃើញ៣ករណីដូចតទៅ។ ទី១ លោកបានវាយមិត្តរួមថ្នាក់ម្នាក់ដោយសារគេមើលលោក ហើយបាននាំបក្សពួករបស់ខ្លួនមកវាយសិស្សនេះ។ ទី២នោះគឺ លោកបាននាំបក្សពួករបស់ខ្លួន ហើយបង្ខំឲ្យសិស្សសម្រេចកាមដោយខ្លួនឯងនៅមុខខ្លួន ឲ្យគេមើលក្នុងបន្ទប់ទឹកហើយសើច។ ទី៣នោះគឺ លោកបានប្រមូលសិស្សដែលមានលំដាប់ដូចគ្នា ហើយទាត់ពួកគេ។

បុរសខាងលើបានបន្ថែមថា ក្នុងចំណោមសិស្សរួមជំនាន់ បើមានសិស្ស១០០នាក់ គឺមានដល់ទៅ៩៩នាក់ហើយ ដែលដឹងពីឈ្មោះអាក្រក់របស់ តួរឿង Crash Landing on You រូបនេះ។ ហើយលោកបានភ្ញាក់ព្រើតនៅពេលឃើញតារារូបនេះនៅលើទូរទស្សន៍។

ក្រោយពេលការបកអាក្រាតនេះត្រូវបានចុះផ្សាយទូលំទូលាយនោះ តួប្រុសនេះ ក៏ដូចជាផលិតកម្មរបស់លោក មិនទាន់ចេញមុខបកស្រាយឡើយ។ យ៉ាងណាក្ដី ទស្សនិកជនកំពុងផ្អៀង មកលើអ្នកបកអាក្រាតច្រើនជាង ត្បិតច្បាប់នៅប្រទេសកូរ៉េមានភាពតឹងខ្លាំង ចំពោះអ្នកបង្ខូចឈ្មោះអ្នកដទៃ ដូចនេះបុរសរូបនេះគ្មានហេតុផលអ្វីត្រូវប្រថុយនឹងការជាប់គុក ដោយនិយាយកុហកនោះឡើយ។

ទន្ទឹមនឹងនេះ ចាប់ផ្ដើមមានទស្សនិកជន ទាមទារឲ្យប្រុសស្អាតរូបនេះ ដកខ្លួនចេញពីរឿងភាគកំពុងល្បីខាងលើ ព្រមទាំងចេញពីវិថីសិល្បៈជារហូតផងដែរ៕