សាន់ឆាយឲ្យគេហួសចិត្ត បរិច្ចាគជួយអ្នកឈឺកូរ៉ូណាជាង២០០ដុល្លារ បែរជះលុយទិញនំជាង១០០០ដុល្លារ

2020-02-04 02:55:00
ចំនួនមតិ 0 | ចំនួនចែករំលែក 0

ចំនួនទឹកប្រាក់ដែលតារាសម្ដែងស្រីកំពុងឡើងកូដចិន បរិច្ចាគដើម្បីជួយដល់ជនរងគ្រោះនៃវីរុសកូរ៉ូណានោះ បានធ្វើឲ្យគេហួសចិត្តស្មានមិនដល់។

ដោយសារវីរុសចម្លងកូរ៉ូណាកំពុងតែវិវដ្តកាន់តែស្មុគស្មាញនោះ អ្នកជំនួញ ក៏ដូចជាសិល្បៈករ សិល្បការិនីជាច្រើនបានរួបរួមដៃគ្នា បរិច្ចាគថវិកាផ្ទាល់ខ្លួនដើម្បីជួយទិញម៉ាសបិទមុខ ទឹកលាងដៃ ក៏ដូចជាសម្ភាៈពេទ្យជាច្រើនទៀត។

ខណៈតារាជាច្រើន បានហ៊ានចំណាយលុយដល់ទៅរាប់លានយាន់ (ជាង១០ម៉ឺនដុល្លារ) ដូចជា Jay Chou, Jolin Tsai នោះ ក៏ស្រាប់តែមានតារាស្រីម្នាក់បានធ្វើឲ្យភ្ញាក់ព្រើតនៅពេលបរិច្ចាគថវិកាតែ ២០០០យាន់ (២៨៥ដុល្លារ)។ តារាស្រីនោះគឺ ស្រីស្អាតកំពុងឡើងកូដខ្លាំង Shen Yue តួឯករឿង F4 ស៊េរីថ្មី។ នេះគឺជាតួលេខតូចខ្លាំងបំផុត សម្រាប់សិល្បករមកពីប្រទេសចិន ដ្បិតតម្លៃខ្លួនរបស់គេខ្ពស់កប់ពពក។

អ្វីដែលទស្សនិកជនទប់អារម្មណ៍មិនឈ្នះនោះគឺ តួសាន់ ឆាយមួយនេះធ្លាប់ចំណាយលុយដល់ទៅ១ម៉ឺនយាន់ (១៤២៥ដុល្លារ) ទិញនំខេកមួយដែលល្បីឈ្មោះលើអ៊ីនធឺណិតកាលពីមុន ។ មនុស្សជាច្រើនបានលាន់មាត់ថា តួរឿង F4 ស៊េរីថ្មីអាត្មានិយមពេកហើយ ដោយគិតតែខ្លួនឯង មិនគិតដល់សុខទុក្ខប្រជាជនទាំងឡាយ។ ទោះបីជាប្រឈមមុខនឹងពាក្យរិះគន់ខ្លាំងៗមែនពិត តែស្រីស្អាតរូបនេះមិនបានចេញមុខបកស្រាយអ្វីឡើយ៕

អានបន្ត៖ បរិច្ចាគ៣ម៉ឺនដុល្លារឲ្យអ្នកឆ្លងវីរុសកូរ៉ូណ ប្ដីប្រពន្ធ Angelababy ត្រូវគេរិះគន់ថា រិះថាំហួសហេតុ

ប្រភព៖ Kenh14 ប្រែសម្រួល៖ Caramel