របៀប Makeup បែបស្រទន់ កំពុងពេញនិយមខ្លាំងនៅកូរ៉េនិងជប៉ុន ក្នុងរដូវធ្លាក់ខ្យល់រងា
- 2019-12-05 11:00:00
- ចំនួនមតិ 0 | ចំនួនចែករំលែក 0
របៀប Makeup បែបស្រទន់ កំពុងពេញនិយមខ្លាំងនៅកូរ៉េនិងជប៉ុន ក្នុងរដូវធ្លាក់ខ្យល់រងា
ក្នុងខែធ្លាក់ខ្យល់រដូវរងានេះ ស្ទីលផាត់មុខបែបស្រាលស្រទន់ ពិតជាពេញនិយមខ្លាំងណាស់ ទាំងនៅប្រទេសកូរ៉េនិងជប៉ុន។ តើមិត្តៗនារីដឹងទេថា គួរត្រៀមអ្វីខ្លះ ទើបទទួលបានស្ទីលផាត់មុខដ៏ស្រស់ស្អាតបែបនេះ?
តិចនិកទី១៖ មិនប្រើម្សៅហ៊ុយ
ដោយសារតែរដូវរងាអាចបណ្តាលឲ្យស្បែកប្រេះស្ងួត កកម្សៅលើមុខ ដូច្នេះហើយទើបបានជាត្រូវប្រើម្សៅទ្រនាប់ ប្រភេទរាវនិងមានពណ៌ស្រាលជំនួសវិញ។
តិចនិកទី២៖ ប្រើម្សៅទ្រនាប់ប្រភេទរលោងចែងចាំងផ្តល់សំណើមបានយូរ
ជ្រើសរើសម្សៅទ្រនាប់ឲ្យបានត្រឹមត្រូវ ទើបអាចជាប់នៅលើស្បែកមុខបានយូរប៉ុន្តែមិនក្រាស់ពេកឬស្តើងពេក ប៉ុន្តែមានភាពរលោងចែងចាំង ទើបស័ក្តិសមជាមួយនឹងស្ទីលមួយនេះ។
តិចនិកទី៣៖ ផាត់ថ្ពាល់ពណ៌ស្រស់
ពណ៌ផ្កាឈូក ទឹកក្រូច ឬពណ៌ដែលស្រស់មិនក្រមៅ និងផាត់ត្រង់បរិវេណឆ្អឹងថ្ពាល់អូសមកដល់ក្រោមភ្នែក។
តិចនិកទី៤៖ គូរខ្ទង់ច្រមុះពណ៌សូកូឡា
បន្ថែមដោយគូល័រជក់ឬទៀន ដើម្បីឲ្យទម្រង់ច្រមុះមើលឃើញតូចជាងមុន និងកាន់តែលេចធ្លោទាក់ទាញ។
តិចនិកទី៥៖ បន្ថែមហាយឡាយ
ផាត់ហាយឡាយនៅលើឆ្អឹងថ្ពាល់ ទ្រនុងច្រមុះ ចង្កា និងផ្នែកកណ្តាលនៃថ្ងាស នោះការផាត់មុខរបស់អ្នក នឹងស្អាតចែងចាំងតែម្តង។
តិចនិកទី៦៖ ផាត់ភ្នែកពីរពណ៌
ត្រូវជ្រើសរើសពណ៌ដែលស្រដៀងគ្នា ដោយផាត់ពណ៌ស្រាលមុនគេ សឹមបន្ថែមពណ៌ក្រមៅឬពណ៌ភ្លឺផ្លេកពីលើជាការស្រេច។
តិចនិកទី៧៖ លាបក្រែមស្រដៀងនឹងពណ៌មាត់
អាចលាបក្រែមពណ៌សាច់ ឬស្រដៀងទៅនឹងស្បែកមាត់ ជាប្រភេទស្ងួតល្មមមិនរលើបរលោងពេក និងស្រដៀងទៅនឹងពណ៌ភ្នែកឬថ្ពាល់ កាន់តែសមឥតទាស៕
ចុចអានបន្ត៖ កំហុស៤យ៉ាង ស្រីៗច្រើនធ្វើពេលបិទម៉ាស ដូចបំផ្លាញស្បែកមុខដោយមិនដឹងខ្លួន
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
