ត្រូវ crush បដិសេធព្រោះតែរាងធាត់ នារីម្នាក់ប្ដេជ្ញាចិត្តធ្វើឲ្យ crush ស្ដាយក្រោយ
- 2019-11-18 02:55:00
- ចំនួនមតិ 0 | ចំនួនចែករំលែក 0
ត្រូវ crush បដិសេធព្រោះតែរាងធាត់ នារីម្នាក់ប្ដេជ្ញាចិត្តធ្វើឲ្យ crush ស្ដាយក្រោយ
ចឹងបានគេថា ព្យាយាមគង់បានសម្រេចពិតជាមិនខុសឡើយ ត្បិតដោយសារតែត្រូវមនុស្សដែលខ្លួនលួចស្រលាញ់បដិសេធដោយសារមានរាងធាត់ បានធ្វើឲ្យនារីម្នាក់ពុះពាររហូតដល់ក្លាយជាស្រីស្អាតម្នាក់។
គេតែងនិយាយតៗគ្នាថា កុំធ្វើឲ្យមនុស្សស្រីឈឺចាប់ឲ្យសោះ ព្រោះនាងនឹងធ្វើឲ្យអ្នកឈឺជាងនាងដែលធ្លាប់ឆ្លងកាត់ទៅទៀត។ ក្នុងរយពេលកន្លងមក គេបានសង្កេតឃើញករណីផ្លាស់ប្ដូរខ្លួនឯងជាច្រើនមកហើយ ពីអាក្រក់មកស្អាត ក៏ដូចជាពីធាត់មកស្គមដោយសារត្រូវមនុស្សដែលខ្លួនស្រលាញ់បដិសេធ។ តាមនោះដែរ គេយើងអាចឃើញបានយ៉ាងច្បាស់ថា ការឈឺចាប់ផ្លូវចិត្តគឺជាកំលាំងចិត្តដ៏ខ្លាំងដើម្បីយើងជម្នះខ្លួនឯង ក្លាយជាមនុស្សថ្មីមួយទៀត។
ដូចនឹងករណីជាច្រើនដែលបានរៀបរាប់ខាងលើ ស្រីស្អាតម្នាក់ឈ្មោះ Bao Tu មកពីប្រទេសចិនបានធ្វើឲ្យមនុស្សជាច្រើនមិនសរសើរមិនបានពីដំណើរប្រែពីធាត់មកស្គមស្អាតរបស់ខ្លួន។ គ្មានអ្នកណាដឹងឡើយថា មុនពេលក្លាយជាមនុស្សម្នាក់ដែលមានឈ្មោះល្បីគួរសមលើបណ្ដាញសង្គម នារីរូបនេះ ធ្លាប់ត្រូវមនុស្សដែលខ្លួនលួចស្រលាញ់ផ្ទាល់ បដិសេធយ៉ាងសាហាវ។
“ទោះបីជាដឹងថា វាជារឿងធម្មតានៅពេលត្រូវគេបដិសេធ ប៉ុន្តែអ្វីដែលធ្វើឲ្យខ្ញុំឈឺគឺអ្វីដែលគេនិយាយមកខ្ញុំ។ គេថាខ្ញុំជាមនុស្សស្រី តែមិនចេះមើលថែទាំខ្លួនឯង បណ្ដោយឲ្យធាត់ហួសកំរិត ចាំស្រកគីឡូឲ្យបានសិនទៅ ហើយចង់ស្រលាញ់អ្នកណា ក៏ស្រលាញ់ទៅ” Bao Tu រំលឹកឡើងវិញ។
ក្រោយពេលត្រូវគេបោះសំដីចុកបែបនេះ ស្រីស្អាតមកពីសៀងហៃ បានសម្រេចចិត្តតមអាហារ គួបផ្សំនឹងហាត់ប្រាណជារៀងរាល់ថ្ងៃ ហើយសឹងតែប្រែជាមនុស្សថ្មីមួយទៀតគេមិនស្គាល់ ពេលនាងស្រកគីឡូបានសម្រេចពិតមែន។ ខណៈគីឡូស្រកនោះ ចំនួនអ្នកគាំទ្ររបស់នាងលើបណ្ដាញសង្គមក៏ចាប់ផ្ដើមកើនយ៉ាងលឿន។ ប៉ុន្តែនៅពេលស្អាតហើយ សម៉ីខ្លួនផ្ទាល់បែរជាលែងគិតរឿងមនោសញ្ចេតនាទៅវិញ ដែលធ្វើឲ្យមនុស្សប្រុសជាច្រើននឹកស្ដាយក្រោយ៕
ចុចអានបន្ត៖ ម្ដាយយកឈើដែកវាយកូនស្រីហូរឈាម ព្រោះអាយុ៣០តែនៅគ្មានប្ដី និងរកលុយមិនបាន