ម្ដាយយកឈើដែកវាយកូនស្រីហូរឈាម ព្រោះអាយុ៣០តែនៅគ្មានប្ដី និងរកលុយមិនបាន

2019-11-15 06:50:00
ចំនួនមតិ 0 | ចំនួនចែករំលែក 0

នារីជាម្ដាយត្រូវបានសមត្ថកិច្ចឃាត់ខ្លួន ក្រោយពេលវាយកូនស្រីធំដោយឈើដែក ធ្វើឲ្យកូនស្រីហូរឈាម ដោយសារតែនាងអាយុ៣០ហើយ តែនៅមិនទាន់មានគ្រួសារ។

ហេតុការណ៍ខាងលើបានកើតឡើងក្នុងខេត្ត Jiangsu ប្រទេសចិន បើតាមការរាយការណ៍របស់បណ្ដាញព័ត៌មាន South China Morning Post។ ជនរងគ្រោះមានត្រកូល Lin បានទៅប្ដឹងប៉ូលិស ពីហេតុការណ៍ដែលខ្លួនត្រូវទទួលអំពើហិង្សាបែបនេះ។ នៅលើដងខ្លួនរបស់ជនរងគ្រោះ គឺមានហូរឈាមច្រើន និងជាំជាច្រើនកន្លែង។

ភ្លាមៗក្រោយនោះ អ្នកម្ដាយដែលមានត្រកូល Wang ត្រូវបានប៉ូលិសកោះហៅដើម្បីមកបំភ្លឺពីសាច់រឿង។ ទោះបីជាមិនព្រមឡើងប៉ុស្ត៍ តែនារីរូបនេះទទួលស្គាល់ថា ខ្លួនពិតជាបានវាយលើនាង Lin ពិតមែន។

យោងតាមការផ្ដល់ចម្លើយរបស់ជនរងគ្រោះ នាងតែងត្រូវម្ដាយវាយដោយឈើដែកជាញឺកញាប់ ព្រោះដោយសារខ្លួនគ្មានប្ដី ហើយរកលុយមិនបានច្រើន។ មុននោះដែរ នាងបានដាក់ពាក្យបណ្ដឹង២ដងហើយ តែលើកមុនៗស្នាមរបួសមិនធ្ងន់ដូចលើកនេះ។ ក្រោយពេលត្រូវបានសាច់ញាតិផ្ដល់យោបល់ថាឲ្យលើកលែងចំពោះម្ដាយ នារីខាងលើបានព្រមឲ្យប៉ូលិសដោះលែងម្ដាយដោយមិនមានបង់លុយអ្វីទាំងអស់៕

ចុចអាន៖ វេរលុយឲ្យមិត្តស្រីអនឡាញ១ម៉ឺន៥ពាន់ដុល្លារ ដល់ជួបខាងក្រៅ បុរសម្នាក់ស្ដាយក្រោយលែងទាន់

ប្រភព៖ news.zing.vn ប្រែសម្រួល៖ Caramel