នារីមានចរិយាសម្បត្តិ ៣ នេះធ្វើឲ្យមនុស្សប្រុសបាក់ចិត្តចង់រៀបការជាមួយ

2019-10-02 04:15:00
ចំនួនមតិ 0 | ចំនួនចែករំលែក 0

ដោយសារតែពេលវេលាចេះតែរំកិលទៅមុខ ដៃគូរស្នេហាណាមួយដែលពុំទាន់គិតគូររឿងមង្គលការ? មានដៃគូរស្នេហ៍មួយចំនួនទាក់ទងគ្នាបានមួយរយះខ្លីក៏ចាប់ផ្តើមមានបំណងរៀបអាពាហ៍ពិពាហ៍ ហើយក៏មានដៃគូរមួយចំនួនទៀតទាក់ទងគ្នាយូរៗទៅតែបែរជារៀបការជាមួយអ្នកផ្សេងទៅវិញ។ នៅខាងក្រោមនេះជា ៣ ចំណុចរបស់មនុស្សស្រីដែលមានចរិយាមាយាទធ្វើឲ្យបុរសចង់រៀបការជាមួយទៅថ្ងៃអនាគតរួមមាន៖

១ ធ្វើអ្វីឲ្យមានភាពសមរម្យនិងស្មើគ្នា

មនុស្សស្រលាញ់គ្នាតែងជួបរឿងសប្បាយនិងរឿងសោកាជាមួយគ្នា គ្មានអ្វីប្លែកឡើយ។ មានពេលខ្លះបើសិនជាស្ថិតក្នុងស្ថានការណ៍មិនល្អអ្នកគួរតែចេះអត់ឱនឲ្យគ្នា ព្យាយាមយល់ពីចិត្តរបស់គេតាមរយះការនិយាយ ព្រមស្តាប់នូវហេតុផលទាំងសងខាងទើបជាការគួរ។ ផ្ទុយទៅវិញ អ្នកមិនគួរយកការយំសោកមកដោះស្រាយបញ្ហាដែលកើតឡើងចំពោះមុខឡើយ។

២ ចេះធ្វើការងារផ្ទះ

មិនមែនប្រាកដថា ១០០% នារីគ្រប់រូបត្រូវតែធ្វើការងារមេផ្ទះទាំងអស់នោះទេ ប៉ុន្តែសាកស្រម៉ៃមើលទៅថា ប្រសិនបើអ្នកមិនចេះធ្វើអ្វីសោះ សូម្បីតែដាំបាយ លាងចាន តើគេនឹងគិតយ៉ាងណាចំពោះអ្នក? យ៉ាងហោចណាស់ ក៏អ្នកគួរចេះចម្អិនម្ហូបអាហារខ្លះសម្រាប់គេពេលគេត្រូវការ ព្រោះនៅពេលរៀបការជាមួយគ្នាអ្នកនឹងបានយល់កាន់តែច្បាស់ពីទំនាក់ទំនងមួយនេះរវាងគូរស្នេហ៍។

៣ យកចិត្តទុកដាក់និងផ្តល់កិត្តិយស

កុំប្រកាន់ថា អ្នកត្រូវតែឲ្យគេយកចិត្តទុកដាក់ ផ្តល់កិត្តិយសលើរូបអ្នកគ្រប់ពេលនោះ តែត្រូវតែចេះឲ្យតម្លៃ មើលថែគ្នាទៅវិញទៅមកឲ្យបានល្អ។ អ្នកត្រូវដឹងថានៅពេលអ្នករៀបការនឹងមានកូន ដូច្នេះអ្នកត្រូវចេះបង្កើនភាពផ្អែមល្ហែម ផ្តល់កិត្តិយស មិនតឹងតែងខ្លាំងពេកទៅលើរូបគេនោះទេ។ ទោះបីជាមនុស្សប្រុសមិនមានទម្លាប់ល្អ១០០% តែអ្នកក៏ត្រូវធ្វើឲ្យខ្លួនគេនិងអ្នកមានតម្លៃចំពោះគ្នាទៅវិញទៅមកទើបជាការប្រសើរ។