គួរធ្វើយ៉ាងណាទើបឈប់នឹក ពេលគេមិននៅក្បែរអ្នក?

2019-10-01 05:00:00
ចំនួនមតិ 0 | ចំនួនចែករំលែក 0

តើអ្នកធ្លាប់នឹកគេពេលគេមិននៅក្បែរអ្នកឬទេ? ចុះបើអ្នកនឹកគិតពីគេ តើគួរធ្វើបែបណាទើបបំភ្លេចបាន? មានតែអ្នកមានស្នេហាទេទើបយល់អារម្មណ៍មួយនេះ! ជារឿងធម្មតាទៅហើយសម្រាប់គូស្នេហ៍តែងនឹកនាគ្នាទៅវិញទៅមក ពេលនរណាម្នាក់ទៅឆ្ងាយឬមិនជិតអ្នក។ ឧទាហរណ៍អ្នកធ្លាប់តែជួបមុខគ្នារាល់ថ្ងៃ ប៉ុន្តែសប្តាហ៍នេះអ្នកខានជួបមុខគេពេញមួយអាទិត្យឬរាប់ខែក៏មាន តើអ្នកចង់បំបាត់ការនឹកដល់រូបគេទេ? ងាយៗតាមវិធីខាងក្រោមរួមមាន៖

១. អានសៀវភៅ

គួរយកពេលនឹកគេមកកាន់សៀវភៅអានដើម្បីកែការអផ្សុក អានសៀវភៅប្រលោមលោក ប្រវត្តិសាស្ត្រ កំប្លែងអីជាដើម ព្រោះពេលអ្នកអានសៀវភៅអ្នកនឹងប្រមូលអារម្មណ៍ទៅលើការអាននោះតែមួយមុខ។

២. មើលរឿងណាធ្វើឲ្យអ្នកសប្បាយ

នៅពេលចង់ឈប់នឹកគិតពីគេ អ្នកគួរចេះជ្រើសរើសរកការកំសាន្តនៅក្នុងដៃអ្នក មើលរឿងកំប្លែងៗ រឿងភាគណាធ្វើឲ្យអ្នកសើចសប្បាយ ដូច្នេះអ្នកនឹងឈប់គិតពីគេបានហើយ។

៣. ជជែកជាមួយមិត្តភក្តិ

នឹកគេខ្លាំងពេកហើយមើលទៅពេលគេមិននៅជិតអ្នក? ចុះមិត្តភក្តិរបស់អ្នកទុកឲ្យពួកគេនៅទំនេរធ្វើអី? អ្នកអាចជួបជុំគេនៅខាងក្រៅ ទៅជជែកគ្នាពីនេះពីនោះ ឬទៅដើរលេងជាមួយមិត្តភក្តិជាដើម។ សាកធ្វើមើល៍ ដឹងតែភ្លេចនឹកម្នាក់នោះតែម្តង។

៤. រកអីញុំាឬចំអិនអាហារនៅផ្ទះ

ក្រៅពីជជែកលេងជាមួយមិត្តភក្តិរបស់អ្នក អ្នកគួរតែធ្វើម្ហូប នំចំណីខ្លួនឯងនៅផ្ទះ។ ប្រសិនបើអ្នកខ្ជិល អ្នកក៏អាចចេញទៅក្រៅរកអ្វីញុំាឆ្ងាញ់ ទៅរកកាហ្វេឈ្ងុយៗជាដើម។

៥. គេងលក់ឲ្យស្រួលអាចដោះស្រាយបាន

មិនជឿក៏ត្រូវតែជឿ ការគេងពិតជាព្យាបាលផ្លូវកាយនិងផ្លូវចិត្តបានមែន។ ពីព្រោះថានៅពេលអ្នកគេង វាប្រៀបដូចជាសាកថ្មឲ្យរាងកាយរបស់អ្នកមានថាមពលអញ្ចឹង ផ្អាកពីការគិតរឿងអីផ្សេងៗទាំងឡាយ។

៦. លេងកីឡាឬហាត់ប្រាណ

ក្រៅពីចេញទៅក្រៅដើរលេង អ្នកក៏អាចជ្រើសរើសការហាត់ប្រាណឬលេងកីឡាដើម្បីបំភ្លេចរូបគេ។ អ្នកអាចជ្រើសរើសលេងបាល់បោះ បាល់ទាត់ ជាមួយមិត្តភក្ត័ ឬទៅក្លឹបហាត់ប្រាណដើម្បីឲ្យរាងកាយបានបញ្ចេញជាតិពុលឲ្យអស់។