សុខចិត្តចំណាយលុយអស់រាប់ម៉ឺនដុល្លារ ឲ្យតែបានសម្រស់ក្មេងមកវិញ

2019-09-23 04:25:00
ចំនួនមតិ 0 | ចំនួនចែករំលែក 0

មនុស្សមួយចំនួនបានយល់ឃើញថា ការវះកាត់គឺអាចផ្លាស់ប្តូរជីវិតបានទាំងស្រុង។ សូម្បីតារាសម្តែងស្រីជនជាតិថៃម្នាក់ដែលមានឈ្មោះថា Mam-Wichuda ក៏បានសម្រេចចិត្ត ហោះហើរទៅកាន់ប្រទេសកូរ៉េ ដើម្បីធ្វើការវះកាត់លើកស្បែកមុខ ឲ្យតឹងណែន ក្មេងស្អាត ដោយមិនខ្វល់ថាត្រូវចំណាយអស់ប្រាក់ច្រើនប៉ុណ្ណានោះទេ។

កន្លែងដែលតារាស្រីរូបនេះបានកែកុនមានដូចជា ទម្រង់គែមបបូរមាត់ លើកសាច់ថ្ពាល់យារធ្លាក់ស្នាមដក់ប៉ោងក្រោមភ្នែក និងទម្រង់ថ្ងាស។ ទម្រាំបានដូចចិត្ត នាងបានឆ្លងកាត់ការវះកាត់រយៈពេល២លើក ហើយក្នុងមួយលើកៗត្រូវចំណាយអស់ប្រាក់ខុសៗគ្នាទៅតាមកន្លែងនិមួយៗ។

លើកមុខមិនឲ្យយារធ្លាក់ និងធ្វើឲ្យតូចជាងមុន ចំណាយអស់ប្រមាណជាង ៩ ពាន់ដុល្លារ។
ចាក់បណ្តុះសក់ ចំណាយអស់ប្រមាណជាង៨ ពាន់ដុល្លារ។
ចាក់រំលាយខ្លាញ់ ចំណាយអស់ប្រមាណ ជាង២ ពាន់ដុល្លារ។
លើកបន្តឹងកន្លែងស្បែកធ្លាក់ ចំណាយអស់ប្រមាណជាង ២ ពាន់ដុល្លារ។
ចាក់បំពេញកន្លែងផត ចំណាយអស់ប្រមាណជាង ១ ពាន់ដុល្លារ។
កែប្រែស្បែកមុខឲ្យស្រស់ថ្លា ចំណាយអស់ប្រមាណជិត ២ ពាន់ដុល្លារ។
ទាញស្បែកយារធ្លាក់ត្រង់ផ្នែកក ក្រោមចង្កា និងបរិវេណរោមចិញ្ចើម ចំណាយអស់ប្រមាណជាង ៣ ពាន់ដុល្លារ។

៥ខែក្រោយមកចូលដល់ដំណាក់កាលវះកាត់លើកទី២ ទៅលើផ្នែកផ្សេងទៀតដូចជា៖

ចាក់រំលាយខ្លាញ់ ចំណាយអស់ប្រមាណជាង ៣ ពាន់ដុល្លារ។
ទាញបន្តឹងស្បែកមុខ ចំណាយអស់ប្រមាណជាង ៥ ពាន់ដុល្លារ។
ចាក់ Botox នៅថ្ងាស ចំណាយអស់ប្រមាណជាង ៣ រយដុល្លារ។
ចាក់បំពេញកន្លែងផត ចំណាយអស់ប្រមាណជាង ១ ពាន់ដុល្លារ។
លើកបន្តឹងកន្លែងស្បែកធ្លាក់ ចំណាយអស់ប្រមាណជាង ២ ពាន់ដុល្លារ។
ចាញ់រំលាយខ្លាញ់ប៉ោងដក់ក្រោមភ្នែក ចំណាយអស់ប្រមាណជាង ៥ រយដុល្លារ។
បំបាត់ស្នាមជ្រីវជ្រួញក្រោមភ្នែក ចំណាយអស់ប្រមាណ ១៨០០ ដុល្លារ។

គិតមកទល់សព្វថ្ងៃ Mam-Wichuda ទទួលបានមុខមាត់ថ្មីរយៈពេល១ឆ្នាំហើយ។ នាងពិតជាពេញចិត្ត រីករាយដែលមានផ្ទៃមុខតឹងណែន អស់ស្នាមជ្រួញ និងអាចត្រលប់ទៅរកភាពក្មេងវ័យសាជាថ្មី។

យ៉ាងណាមិញការវះកាត់គឺជារឿងដ៏ប្រថុយប្រថានខ្លាំងណាស់ វាអាចកែប្រែអ្នកឲ្យស្រស់ស្អាតទាក់ទាញ ប៉ុន្តែវាក៏អាចធ្វើឲ្យអ្នកខកចិត្ត ប្រសិនបើដំណើរការវះកាត់មិនរលូន ឬការធ្វើដោយគ្មានជំនាញច្បាស់លាស់ត្រឹមត្រូវ៕