Kylie សេដ្ឋីនីក្មេងជាងគេលើពិភពលោក ចែករំលែកគំនិតល្អៗនៃភាពជោគជ័យ

2019-09-05 11:00:00
ចំនួនមតិ 0 | ចំនួនចែករំលែក 0

Kylie Jenner បានក្លាយជាសេដ្ឋីនីមួយរូប ដែលអាចរកលុយបានដោយឯងនិងមានវ័យក្មេងជាងគេលើពិភពលោក។ នាងធ្លាប់បានបង្ហាញខ្លួន ជាលើកដំបូងក្នុងកម្មវិធីទូរទស្សន៍មួយដែលនិយាយអំពីក្រុមគ្រួសារ Kardashian-Jenner មិននឹកស្មានថាក្មេងស្រីអាយុ ៩ឆ្នាំ នាពេលនោះ មិនត្រឹមតែជោគជ័យផ្នែកបង្ហាញម៉ូដ ជាតារា Instragram ប៉ុណ្ណោះទេ ថែមទាំងក្លាយជាអ្នកបង្កើតស្ទីលប្រចាំសហស្សវត្សរ៍ទៀតផង ត្រឹមវ័យ១៨ឆ្នាំ។

តើអ្វីទៅដែលនៅពីក្រោយភាពជោគជ័យរបស់ Kylie Jenner?

ដោយសារទទួលបានចំណាប់អារម្មណ៍ពីមនុស្សជាច្រើនជុំវិញពិភពលោកមកលើ Instagram របស់នាង ទើបធ្វើឲ្យប្រជាប្រិយភាពកើនឡើងគួរឲ្យកត់សម្គាល់ និងមានចំនួនអ្នកតាមដានគាំទ្រ (Follower) រហូតដល់ទៅ ១៤៥លាននាក់។ ប្រជាប្រិយភាព ដែលបានមកពីការបង្ហោះរូប និងនៅក្នុង Story ស្តាប់ទៅហាក់ដូចជារឿងធម្មតា ប៉ុន្តែវាបង្កប់ទៅដោយភាពវៃឆ្លាតនិងគន្លឹះផ្ទាល់ខ្លួន ដែលអាចក្លាយទៅជាឱកាសល្អសម្រាប់បង្កើតលុយ ដោយការផ្សព្វផ្សាយលក់ផលិតផលយីហោផ្ទាល់ខ្លួនរួមទាំងម៉ាកដទៃជាច្រើនទៀត។

ចំណុចពិសេសដែលធ្វើឲ្យអ្នកម្តាយកូនមួយរូបនេះ កាន់តែទាក់ទាញទ្វេដង គឺនាងតែងតែបង្ហាញជីវិតរស់នៅប្រចាំថ្ងៃដោយបើកចំហ បង្ហាញពីផលិតផលដែលនាងប្រើប្រាស់ តិចនិកនៃការស្លៀកពាក់ ភាពស៊ីវិល័យ ស្ទីលថ្មីប្លែកៗ និងរូបរាងដ៏ស្រស់ស្អាត ព្រមទាំងការចូលរួមលើកទឹកចិត្តដល់អ្នកដែលមានវ័យប្រហាក់ប្រហែកគ្នា ឲ្យចេះប្រើសេចក្តីស្រលាញ់ ធ្វើអ្វីដែលខ្លួនឯងពេញចិត្តរីករាយជាមួយ ដើម្បីសម្រេចក្តីសុបិន។ នេះជាមូលហេតុមួយ ដែលធ្វើឲ្យអ្នកតាមដាន មើលហើយចង់បានរាល់ផលិតផលយកមកប្រើដូចជានាងដែរ។

ទន្ទឹមនឹងភាពជោគជ័យ សេដ្ឋីនីវ័យ២២ឆ្នាំរូបនេះ ក៏បានបង្កើតសម្រង់សម្តីមួយចំនួន ផ្តែផ្តាំមនុស្សគ្រប់គ្នា ដើម្បីអាចពង្រឹងអំណាច ជឿជាក់លើខ្លួនឯង និងមិនខ្វល់ពីអ្នកដែលស្អប់យើង។

គ្មានអ្វីអាចយកឈ្នះភាពជាខ្លួនឯងនោះទេ បើអ្នកផ្សេងមិនអាចទទួលយកបាន វាជារឿងរបស់គេ។
អ្នកដែលមិនសូវស្គាល់យើងច្បាស់ គឺជាមនុស្សដែលឆាប់វាយតម្លៃយើងបំផុត។
ខ្ញុំដឹងថាកំហុសគឺជាអ្វីមេរៀន ប៉ុន្តែវាផ្ទុយពីគំនិតរបស់ខ្ញុំ តាំងពីធំដឹងក្តី ខ្ញុំមិនដែលធ្វើអ្វីឲ្យខុសទេ ព្រោះមានភ្នែកច្រើនណាស់កំពុងមើលខ្ញុំគ្រប់រឿងទាំងអស់។
មនុស្សមួយចំនួនចូលចិត្តវាយតម្លៃគេច្បាស់ណាស់ គ្រាន់តែឃើញវីដេអូ ៤នាទី នៅលើ Snapchat Blogs ក្លែងក្លាយ Stories ឬនៅលើគម្របទស្សនាវដ្ដីជាដើម។ តាមការពិតមានតែក្រុមគ្រួសារ មិត្តជិតស្និទ្ធតែប៉ុណ្ណោះ ទើបដឹងថាអ្នកជានរណាពិតប្រាកដ។
ពេលខ្លះខ្ញុំភ្ញាក់ស្ទុះឡើងភ្លាមៗ គិតពីនេះពីនោះមិនឈប់ឈរ ប៉ុន្តែត្រូវចាំថា អ្នកមិនគួរបណ្តោយឲ្យខ្លួនឯងកើតទុក្ខដោយសាររឿងកំប៉ិកកំប៉ុកទាំងនោះដាច់ខាត ព្រោះនៅទីបំផុតវាគ្មានបានអ្វីមកវិញទេ។
គ្រប់យ៉ាងដែលខ្ញុំធ្វើ មិនថាពណ៌សក់ ការតុបតែងមុខ ឬអ្វីផ្សេងៗទៀត តែងតែមានគេ ចង់ធ្វើតាមច្រើន ទាំងដែលពេលខ្លះ ខ្ញុំមិនបានកត់សម្គាល់ថា ខ្ញុំពិតជាមានឥទ្ធិពលខ្លាំងយ៉ាងនេះសោះ។

ខ្ញុំមិនដែលមានសម្ពាធ ក្នុងការធ្វើជាគំរូល្អដល់គេទេ។ ខ្ញុំតែងព្យាយាមធ្វើរឿងល្អនិងត្រឹមត្រូវ ដើម្បីឲ្យគេយកគំរូតាម ប៉ុន្តែជីវិតរបស់ខ្ញុំមិនមែនរស់នៅសម្រាប់តែធ្វើជាគំរូរហូតទេ ខ្ញុំក៏ត្រូវការបំពេញចិត្តខ្លួនឯងដែរ។
ក្តីសុខអាចកើតឡើងបាន លុះត្រាតែអ្នកមិនយកគំនិតអវិជ្ជមានរបស់អ្នកដទៃមកដាក់ក្នុងចិត្ត។

គួរបញ្ជាក់ដែរថា Kylie Jenner អាចរកចំណូលប្រចាំឆ្នាំសរុបបានដល់ទៅ ៩០០រយលានដុល្លារអាមេរិក ក្នុងឆ្នាំ២០១៩៕