កុំទាន់អាលបោះចោល! ច្រាសដុះធ្មេញចាស់ៗ មានប្រយោជន៍ជាច្រើនទៀតនឹកស្មានមិនដល់

  • 2019-08-28 05:10:00
  • ចំនួនមតិ 0 | ចំនួនចែករំលែក 0

ជា​ធម្មតា​ច្រាសដុះធ្មេញ​ត្រូវ​ផ្លាស់​ប្តូរ​ថ្មី​រាល់​ ៣​ខែ​ម្តង​។ ដោយ​សារ​តែ​ច្រាស​ចាស់​ៗ​កាន់​តែ​ច្រើន​ឡើង​ៗ​ ដូច្នេះ​​ហើយ​​កុំ​ឲ្យ​ខាត អ្នក​គួរ​​យក​មក​​​ប្រើ​ប្រាស់​​ឡើង​វិញ​ ព្រោះ​វា​​មាន​ប្រយោជន៍​​ជា​ច្រើន​ផ្សង​ទៀត​​នឹក​ស្មាន​មិន​ដល់​។​

១. លាង​សម្អាត​ត្រង់​​កន្លែង​បង្ហូរ​ទឹក

មិន​ថា​នៅ​ក្នុង​បន្ទប់​ទឹក​ឬ​កន្លែង​លាង​ដៃ តែង​មាន​រន្ធ​បង្ហូរ​ទឹក ដែល​ពិបាក​ធ្វើ​ការ​លាង​សម្អាត​។ ​​ដើម្បី​ឲ្យ​មាន​ភាព​ងាយ​ស្រួល​ជាង​នេះ អ្នក​អាច​យក​ច្រាសដុះធ្មេញ​ចាស់​ៗ​២ ដាក់​ទល់​ខ្នង​គ្នា​ហើយ​ចង​ឲ្យ​ជាប់​ បន្ទាប់​មក​​យក​​វា​ដុះ​សម្អាត​និង​អាច​បង្វិល​ចុះ​ឡើង​ ជា​ការ​ស្រេច​។ វា​​ក៏មិន​ធ្វើឲ្យអ្នកមុតដៃផងដែរ។

២. លាង​សម្អាត​បាត​កែវ​ឬ​ពែង

ភាគ​ច្រើន​នៅ​ពេល​ដែល​អ្នក​លាង​កែវ​ឬ​ពែង មិន​សូវ​បាន​​ទៅ​ដល់​គ្រប់​​​កន្លៀត​អស់​ទេ​ជា​ពិសេស​នៅ​​ត្រង់​បាត​។ ដំណោះ​ស្រាយ​គឺ​អ្នក​​អាច​ប្រើ​ច្រាសដុះធ្មេញ បន្ទាប់​មក​ប្រើ​ដែក​កេះ​អុជ​ផ្នែក​ខាង​លើ ដើម្បី​អាច​ទាញ​ឲ្យ​កោង​ទៅ​ក្រោយ​​​បន្តិច ទើប​ងាយ​ស្រួល​ក្នុង​ការ​សម្អាត​។

៣. សម្អាត​ម៉ាស៊ីន​ផ្លុំ​សក់

បើ​អ្នក​មាន​អារម្មណ៍​ថា ម៉ាស៊ីន​ផ្លុំ​សក់​នៅ​ផ្ទះ​​​ចុះ​ថយ​ថាមពល​ អាច​ប្រើ​ច្រាសដុះធ្មេញ​ចាស់​ៗ មក​ដុះ​សម្អាត​នៅ​ផ្នែក​ខាង​ក្រោយ​ម៉ាស៊ីន​ នោះ​ខ្យល់​នឹង​ចេញ​ខ្លាំង​ជាមុន ហើយ​អ្នក​ក៏​អាច​សន្សំ​សំចៃ​ភ្លើង​បាន​ទៀត។

៤. ដុស​លាង​ចាន​បង្គន់

ផ្នែក​គន្លាក់​​​ជុំ​វិញ​ចាន​បង្គន់​ជា​បណ្ដុំ​នៃ​មេរោគ​និង​ពិបាក​សម្អាត​ណាស់​។ ហេតុ​នេះ​ហើយ អ្នក​អាច​ប្រើ​ច្រាស​ដុះ​ធ្មេញ​ដូច​បាន​បង្ហាញ​​ក្នុង​រូប​ភាព​។​

៥. សម្អាត​បង្អួច

ងាយៗ​គ្រាន់​តែ​យក​ច្រាស​ដុះ​ធ្មេញ​មក​ចង​ផ្អោប​ចូល​គ្នា អ្នក​នឹង​អាច​សម្អាត​ដែក​បង្អួត​បាន​រហ័ស​ទាន់​ចិត្ត​តែ​ម្តង៕​

ចុះ​អ្នកវិញ ចូល​ចិត្ត​យក​ច្រាស​ដុះ​ធ្មេញ​ចាស់ៗ​ទៅ​ធ្វើ​អ្វី​ខ្លះ​ទៅ​?

ចុចអានបន្ត៖ ជា​នារី​ដែល​​គួរឲ្យស្រឡាញ់ និង​មើលទៅមានទំនុកចិត្តខ្ពស់ គួរ​កុំ​ឲ្យ​មាន​ចំណុច​នេះ

ប្រភព៖ liekr ប្រែ​សម្រួល៖ ដេត ឈុនអ៉ី

អត្ថបទពេញនិយម