នេះគឺជាអ្វីដែលអ្នកនឹងទទួលបាន នៅពេលស្រាប់តែមិត្តជិតស្និទ្ធ Crush លើអ្នកណាម្នាក់

2019-08-21 02:45:00
ចំនួនមតិ 0 | ចំនួនចែករំលែក 0

មិត្តជិតស្និទ្ធគឺជាមនុស្សម្នាក់ដែលតែងយកចិត្តទុកដាក់នឹងអ្នកជាងគេ ហើយក៏ជាអ្នកដែលតែងនាំរឿងឲ្យអ្នកច្រើនជាងគេដូចគ្នា។ តែបើនាងចាប់ផ្ដើមមានចិត្តលើនរណាម្នាក់ នោះរឿងនឹងកាន់តែមានច្រើន និងស្មុគស្មាញជាងមុនឆ្ងាយណាស់។ ខាងក្រោមនេះគឺជារឿងដែលអ្នកនឹងជួបប្រទះបើសុខៗថ្ងៃមួយ មិត្តយើងលួចស្រលាញ់នរណាម្នាក់។

១. អ្នកនឹងត្រូវបះសក់ លស់ព្រលឹងរាល់ពេលដែលនាងប្រទះឃើញអ្នកដែលនាងលួចស្រលាញ់ដើរកាត់ ឬគ្រាន់តែគេក្រឡេកចុងភ្នែកប៉ះនាងប៉ុណ្ណោះ។ ២. មនុស្សម្នាក់ដែលមហាគម្រិះដូចជានាង ស្រាប់តែហ៊ានចាយលុយទូលាយ ដោយហ៊ានយកលុយទៅស៊កអ្នកដទៃ ដើម្បីគ្រាន់តែដឹងព័ត៌មានមនុស្សដែលខ្លួនលួចស្រលាញ់។

៣. មនុស្សដែលមិនសូវមានភាពច្នៃប្រឌិតដូចជាមិត្តយើងស្រាប់តែចេះគិតវែងឆ្ងាយគួរឲ្យចម្លែក។ ដោយគ្រាន់តែឃើញគេឆ្លើយតបសារវិញ ក៏ស្រាប់តែគិតដល់ថ្ងៃរៀបការជាមួយ crush ហើយថែមទាំងរកនឹកឈ្មោះកូនជាមួយគេទៀតផង។

៤. មានអារម្មណ៍មួយថា យើងលែងជាជម្រើសទី១របស់នាងទៀតហើយ ព្រោះពេលណាក៏នាងគិតដល់មនុស្សដែលខ្លួនលួចស្រលាញ់ ដល់ថ្នាក់យើងនិយាយអ្វី វាមិនស្ដាប់លឺផង។

៥. មានអារម្មណ៍តូចចិត្តម្ដងម្កាល នៅពេលស្រាប់តែត្រូវបុរសចម្លែកមុខម្នាក់មកឆក់មិត្តជិតស្និទ្ធរបស់ខ្លួនទៅបាត់ ទាំងដែលកាលពីមុន វាមានតែយើងសោះ។

៦. ក៏មានអារម្មណ៍សប្បាយចិត្តម្យ៉ាងនៅពេលឃើញមិត្តរកឃើញមនុស្សដែលខ្លួនស្រលាញ់ ហើយនឹងមិនសប្បាយចិត្តពេលឃើញត្រូវ crush មិនរវល់ជាមួយ ឬត្រូវគេធ្វើបាបជាដើម។ ព្រោះយ៉ាងណានាងក៏ជាមិត្តជិតស្និទ្ធរបស់យើង៕

ចុចអាន៖ ស្រលាញ់គ្នាមែនពិត ចាំបាច់ប្រកូកប្រកាសធ្វើអី ពីរនាក់យល់គ្នាគឺគ្រប់គ្រាន់ហើយ

ប្រភព៖ Kenh14 ប្រែសម្រួល៖ Caramel