ឃើញសួនផ្កាទាំង១០នេះ គូស្នេហ៍ណាក៏ស្រមៃចង់ទៅដែរ

2019-07-30 11:00:00
ចំនួនមតិ 0 | ចំនួនចែករំលែក 0

ធ្លាប់ទេ? ស្រមៃថាបានទៅលេងកន្លែងពោរពេញទៅដោយផ្ការីកយ៉ាងស្រស់ស្អាត ហើយបានថតជាមួយគូស្នេហ៍? នេះជាសុបិនមួយអាចសម្រេចបានព្រោះកន្លែងទាំងនោះមិនមែនមានតែក្នុងរឿងទេ តែមានពិតនៅលើផែនដីនេះ។ ខាងក្រោមនេះគឺជាសួនផ្កាទាំង១០ដែលស្រស់ស្អាតដូចក្នុងគំនូរអញ្ចឹង៖

១. សួនផ្កា Tulip នៅ Amsterdam៖ មានប្រភេទផ្កាTulip ស្រស់ស្អាតជាច្រើនដែលមើលទៅពិតជាអស្ចារ្យមែនទែន។ វាជាកន្លែងដែលល្បីល្បាញបំផុតមួយលើពិភពលោក។

២. ឧទ្យាន Anza Borrego Desert State រដ្ឋកាលីហ្វ័រញ៉ា សហរដ្ឋអាមេរិក៖ ជាកន្លែងពោរពេញទៅដោយផ្កាព្រៃជាច្រើនរីកខុសៗគ្នាទៅតាមរដូវនីមួយៗ។ មិនថាអ្នកទៅទស្សនាពេលណានោះទេគឺមិនខកបំណងឡើយ។

៣. តំបន់ភ្នំភ្លើង Osorno ប្រទេសឈីលី៖ ស្រដៀងទៅនឹងភ្នំ Fuji នៅជប៉ុនដែរ។ វាជាកន្លែងដ៏ស្រស់ស្អាតបំផុតមួយដែលអាចទាក់ទាញភ្ញៀវទេសចរណ៍ជាច្រើនទៅលេងជាពិសេសនៅដើមរដូវផ្ការីក។

៤. សួន Singapore-Botanical នៅសិង្ហបុរី៖ វាមានអាយុជាង ១៥០ឆ្នាំមកហើយ ថែមទាំងត្រូវបានចាត់បញ្ចូលទៅក្នុងសម្បត្តិបេតិកភណ្ឌពិភពលោករបស់ UNESCO ទៀតផង។ អ្នកអាចទស្សនាផ្កាជាច្រើនប្រភេទនៅទីនោះដូចជា ផ្កាអ័រគីដេ និងផ្កាចម្រុះផ្សេងៗទៀតជាច្រើន។

៥. ឧទ្យាន Hitsujiyama ប្រទេសជប៉ុន៖ វានឹងគ្របដណ្ដប់ទៅដោយពណ៌ផ្កាឈូកនៅរដូវផ្ការីក។ ជាមួយទេសភាពដ៏ស្រស់ស្អាតនៃភ្នំ Fuji យើងអាចឃើញផ្កាយ៉ាងស្រស់ស្អាតវែងអន្លាយដាច់កន្ទុយភ្នែក។

៦. Provence Lavender Fields នៅប្រទេសបារាំង៖ ផ្កានឹងរីកយ៉ាងស្អាតនៅចន្លោះខែកក្កដាដល់សីហា ដែលតែងទាក់ទាញភ្ញៀវទេសចរណ៍ជាច្រើនទៅលេងទីនោះ។ បន្ថែមពីលើនោះក៏មានការប្រារព្ធពិធីសប្បាយៗជាច្រើនទៀតផងដែរ។

៧. សួន Monet’s Garden នៅជប៉ុន៖ បើកឲ្យចូលទស្សនាពីចុងខែមីនាដល់ដើមខែវិច្ឆិកា។ អ្នកអាចឃើញផ្កាកុលាប សួនទឹក ដើមឈើល្អៗ នឹងផ្កាស្រស់ស្អាតជាច្រើនប្រភេទទៀត។