រឿង១០យ៉ាងនេះនឹងកើតឡើងចំពោះរាងកាយអ្នក បើអ្នកញ៉ាំគ្រាប់ឈីសមួយពែងរាល់ថ្ងៃ
- 2019-07-30 08:10:00
- ចំនួនមតិ 0 | ចំនួនចែករំលែក 0
រឿង១០យ៉ាងនេះនឹងកើតឡើងចំពោះរាងកាយអ្នក បើអ្នកញ៉ាំគ្រាប់ឈីសមួយពែងរាល់ថ្ងៃ
គ្រាប់ឈីសជាប្រភពរុក្ខជាតិសម្បូរជាតិសរសៃដែលផ្ទុកជាតិខ្លាញ់មានប្រយោជន៍សម្រាប់រាងកាយ។ ជាងនេះទៅទៀត វាផ្ទុកជាតិកាបូនអ៉ីដ្រាតដែលមានតួនាទីយ៉ាងច្រើនក្នុងសារពាង្គកាយមានជីវិត និងជាអ្នកដឹកបញ្ជូនថាមពលទៅក្នុងរាងកាយ។
ក្នុងនោះ គ្រាប់ឈីស ក៏មានផ្ទុកជាតិរ៉ែ និង វីតាមីនជាច្រើនទៀត។ ដោយសារគ្រាប់ឈីសមានផ្ទុកជាតិប្រូតេអ៉ីនខ្ពស់ អីច៊ឹងហើយ វាជាអាហារដ៏សំខាន់សម្រាប់អ្នកញ៉ាំអាហារបួស និងអ្នកតមសាច់។ ខាងក្រោមនេះជាអត្ថប្រយោជន៏ដ៏ច្រើននៃគ្រាប់ឈីស ៖
១ សម្រកទម្ងន់
ប្រូតេអ៉ីននិងជាតិសរសៃដែលមានក្នុងគ្រាប់ឈីស អាចធ្វើឲ្យការរំលាយអាហារថយចុះនិង ធ្វើឲ្យអ្នកមានអារម្មណ៍ឆ្អែត។ គ្រាប់ឈីស ក៏ធ្វើឲ្យអ្នកកាត់បន្ថយចំណង់អាហារនិងការញ៉ាំចំណីដែលអាចជួយអ្នកឲ្យស្រកទម្ងន់។
២ ឆ្អឹងរ៉ឹងមាំ
គ្រាប់ឈីស ជាប្រភពដ៏ល្អនៃ ម៉ង់ហ្កាណែល( manganese) កាល់ស្យូម ជាតិដែក ម៉ាញ៉េស្យូម ស័ង្កសី វីតាមីន K និង A។ សារធាតុទាំងអស់នេះ មានសារៈសំខាន់ដល់ការលូតលាស់ឆ្អឹង រ៉ែឆ្អឹង និង បង្កើនកូឡាជែន( collagen)។
៣ សុខភាពស្បែកកាន់តែល្អប្រសើរ
វីតាមីន C, E និង K ដែលមានក្នុងគ្រាប់ឈីស មានចំណុចសំខាន់ណាស់សម្រាប់ថែសុខភាពស្បែកឲ្យភ្លឺថ្លា។ វាជួយព្យាបាលស្នាមរបួស បំបាត់ភាពជ្រៀវជ្រួញ ការពារស្បែកស្ងួត និង ការពារស្បែកពីពន្លឺព្រះអាទិត្យ។
៤ កាត់បន្ថយការឡើងកម្រិតជាតិស្ករ
គ្រាប់ឈីស មានកម្រិតប្រូតេអ៉ីននិងជាតិសរសៃខ្ពស់។ វាជួយការពារកុំឲ្យកម្រិតជាតិស្ករក្នុងឈាមឡើងខ្ពស់ក្រោយពេលបរិភោគអាហារ ហើយក៏មានតូនាទីក្នុងការគ្រប់គ្រងជំងឺទឹកនោមផ្អែមផងដែរ។ សារធាតុរ៉ែមួយចំនួនដូចជា ម៉ាញ៉េស្យូមនិងស័ង្កសី អាចកាត់បន្ថយហានិភ័យនៃជំងឺទឹកនោមផ្អែមប្រភេទ២ បាន។
៥ រំលាយអាហារបានល្អ
ជាតិសរសៃនៃគ្រាប់ឈីសក៏ជូយធ្វើឲ្យការរំលាយអាហារមានភាពល្អប្រសើរ។ កាត់បន្ថយហានិភ័យនៃការឆាប់ខឹង និងការពារការទល់លាមក។
៦ កាត់ន្ថយការឡើងសម្ពាធឈាម និង សម្ពាធបេះដូង
សារធាតុម៉ាញ៉េស្យូមនិងប៉ូតាស្យូមក្នុងគ្រាប់ឈីស ជួយការពារការឡើងសម្ពាធឈាម។ វាជួយកាត់បន្ថយការដាច់សរសៃឈាមខួក្បាលឬគាំងបេះដូង។ ជាងនេះទៅទៀត វាជួយកាត់បន្ថយជាតិកូលេស្តេរ៉ុលអាក្រក់ពីសារពាង្គកាយ។
៧ ទប់ស្កាត់ការជ្រុះសក់
ប្រូតេអ៉ីន វីតាមីន A និង C សារធាតុផ្សេងទៀតក្នុងគ្រាប់ឈីស ជួយការពារកុំឲ្យជ្រុះសក់ និងជួយបណ្ដុះសក់បន្ថែម។
៨ ជួយឲ្យភ្នែកភ្លឺ
គ្រាប់ឈីសមានផ្ទុកវីតាមីន A ដែលជួយការពារភ្នែក ជួយឲ្យភ្នែកភ្លឺ និង ទប់ស្កាត់ការលាក។
៩ ជួយឲ្យខូរក្បាលអភិវឌ្ឍន៍៍
Choline ដែលមានក្នុងឲ្យគ្រាប់ឈីស ជួយបង្កើនឲ្យមានការចងចាំបានខ្ពស់។
១០ ការពារជំងឹមហារីក
គ្រាប់ឈីសអាចជួយកាត់បន្ថយហានិភ័យប្រភេទនៃជំងឺមហារីក។ ការផលិត Butyrate ដែលមានសក្ដានុពលក្នុងការកាត់បន្ថយការរលាកនៅក្នុងកោសិកាពោះវៀន និង ទប់ស្កាត់ហានិភ័យមហារីកពោះវៀនធំ។
វាក៏មានផ្ទុកសារធាតុ Saponins ជួយទប់ស្កាត់ការលូតលាស់ដុំសាច់ ។ ជាពិសេស សារធាតុរ៉ែនិងវីតាមីនផ្សេងទៀត តូយ៉ាងវីតាមីន B ជួយកាត់បន្ថយហានិភ័យនៃជំងឺមហារីកសុដន់និងសួត។
ចុចអានបន្ត៖ទឹកដោះម្ដាយ អាចជួយទារកឲ្យកើនពិន្ទុ IQ រហូតដល់ ២.៦២ ពិន្ទុឯណោះ