ចុងសប្ដាហ៍សម្រាប់គ្រួសារពិតជាសំខាន់ មើលរូប Sweet របស់តារាគូនេះហើយ ចាំនាំគ្នាដើរ

2019-07-27 06:46:26
ចំនួនមតិ 0 | ចំនួនចែករំលែក 0

ជារឿយៗ លោក ហង្ស ឈា អតីតតារាសម្ដែង តែងបានរំលេចរូបភាពកម្រងអនុស្សាវរីយ៍ជាមួយក្រុមគ្រួសារ ដែលរាល់ពេលបានឃើញហើយ ប្រិយមិត្តអ្នកគំាទ្រតែងសរសើរថា ក្រុមគ្រួសារនេះ ពិតជាមានសុភមង្គលណាស់។

ថ្មីៗនេះ កម្រងអនុស្សាវរីយ៍របស់គ្រួសារលោក ហង្ស ឈា បានលេចចេញម្ដងទៀត ដែលមើលទៅពិតជាគួរឲ្យកក់ក្ដៅ។ រូបភាពនោះ តាមអតីតតារាប្រុស គឺលោកបាននាំក្រុមគ្រួសារទៅកម្សាន្តលក្ខណៈឯកជននៅ ប៉ាហាម៉ាស់ដែនដីរបស់សហរដ្ឋអាមេរិក។ នេះជាដំណើរកម្សាន្តលក្ខណៈគ្រួសារថ្មីទៀត ក្រោយពីដំណើរកម្សាន្តជុំវិញអឺរ៉ុប និងតំបន់ផ្សេងៗនាពេលកន្លងមក។

ដំណើរកម្សាន្តនេះ បានកើតមានឡើងក្រោយពីលោក និងមិត្តភ័ក្ដិផ្សេងទៀត ទើបបានបញ្ចប់បេសកកម្មសិល្បៈ ដោយបានធានាក្រុមសិល្បៈរបស់លោក ព្រាប សុវត្ថិ ទាំងគ្រួសារមកសម្ដែងនៅសហរដ្ឋអាមេរិកជាង២ខែ ដោយចាប់ផ្ដើមតាំងពីមុនបុណ្យចូលឆ្នាំខ្មែរ។

លោក ហង្ស ឈា ឲ្យដឹងថា សកម្មភាពរឹតចំណងសុភមង្គលគ្រួសារបែបនេះ នឹងនៅបន្តទៀត ទៅតាមកាលៈទេសៈ និងលទ្ធភាពរបស់លោកដែលអាចធ្វើបានសម្រាប់គ្រួសារមួយនេះ៕

តោះ...ទស្សនាអនុស្សាវរីយផ្អែមល្ហែមមួយនេះទាំងអស់គ្នា!!!