សម្ដី sweet sweet ១០ ឃ្លា អាចនិយាយជំនួសពាក្យ «អូនស្រលាញ់បង» ទៅកាន់ស្វាមី

2019-07-26 12:00:00
ចំនួនមតិ 0 | ចំនួនចែករំលែក 0

ដើម្បីបង្កើនភាពផ្អែមល្ហែមជាមួយស្វាមី យើងជាភរិយាគួរចេះប្រើពាក្យ «អូនស្រលាញ់បង» និយាយទៅកាន់គាត់ជារឿងរាល់ថ្ងៃ។ ដូចនេះវិធី វិធី cute cute ១០ យ៉ាងនេះជួយឲ្យស្នេហាស្អិតល្មួតទ្វេដង៖

១.ប្រសិនបើគាត់កំពុងរៀបចំខ្លួនទៅធ្វើការ ខណៈដែលយើងកំពុងគេងលើគ្រែនៅឡើយ គួរនិយាយថា «អរុណសួស្ដីប្ដីសម្លាញ់ចិត្តអូន ជូនពរឲ្យធ្វើកិច្ចការបានជោគជ័យ»។

២.តែបើយើងជាអ្នកទៅធ្វើការមុន ហើយគាត់មិនទាន់ភ្ញាក់ពីគេង គួររៀបចំអាហារពេលព្រឹក រួចសរសេរក្រដាសបិទលើគម្របអាហារថា «សូមប្ដីសម្លាញ់ញ៉ាំអាហារឲ្យឆ្ងាញ់ណា នេះជាទឹកចិត្តបន្តិចបន្តួចសម្រាប់ថ្ងៃថ្មី ពីប្រពន្ធសំណព្វចិត្តបង»។

៣.រៀនចម្អិនម្ហូបអាហារសំណព្វគាត់ ហើយប្រាប់គាត់ថាយើងខំប្រឹងរៀនធ្វើម្ហូបមួយមុខនេះ ព្រោះតែយើងស្រឡាញ់គាត់ខ្លាំង និងចង់ឃើញគាត់សប្បាយចិត្ត។

៤.ខណៈពេលដែលគាត់ទើបទៅដល់កន្លែងធ្វើការ យើងឆ្លៀតផ្ញើសាថា «អូនស្រលាញ់បងបំផុត ខំប្រឹងប្រែងធ្វើការណាម្ចាស់ចិត្ត»។

៥.មុនចូលគេងយើងអាចរំលឹកគ្រាសាងស្នេហ៍ជាសង្សារនឹងគ្នា ហើយប្រាប់មូលហេតុដែលធ្វើឲ្យយើងធ្លាក់ក្នុងអន្លង់ស្នេហ៍គាត់។

៦.និយាយរឿងបែបបំប្លែងៗទាក់ទងនឹងមូលហេតុដែលធ្វើឲ្យយើងតែងប្រច័ណ្ឌពេលឃើញគាត់នៅជាមួយស្រីផ្សេងថា «មកពីអូនស្រលាញ់បងខ្លាំងបំផុត ទើបអូនប្រច័ណ្ឌ»។

៧.ពេលឃើញគាត់ស្លៀកពាក់សំលៀកបំពាក់ដដែលតាំងពីពេលនៅស្រលាញ់គ្នាជាសង្សារ យើងគួរនិយយាថា «កាលនោះបងស្លៀកខោអាវនឹងពិតជាសង្ហាខ្លាំងណាស់ ហើយជាពេលអូនលង់ស្នេហ៍បងដកខ្លួនមិនរួចដែរ»។

៨.វិធីមួយទៀតដែលអាចនិយាយពាក្យ «អូនស្រលាញ់បង» ទៅកាន់ស្វាមីនោះ គឺច្រៀងចម្រៀងស្នេហាមួយបទ ហើយពាក្យមួយឃ្លាចុងក្រោយគឺ «ជាតិនេះអូនមិនអាចរស់នៅខ្វះបងបានឡើយ»។

៩.ប្រសិនបើយើងអៀនមិនហ៊ាននិយាយត្រង់ៗថា «អូនស្រលាញ់បង» អាចសរសេរជាសំបុត្រ មួយច្បាប់រៀបរាប់ពីពេលវេលាដែលគាត់ចាប់ផ្ដើមចូលមកក្នុងជីវិតយើងថា «តាំងពីបងចូលមករស់នៅក្នុងពិភពដ៏ងងឹតរបស់អូន បងក៏នាំពន្លឺមកជាមួយ ដែលធ្វើឲ្យអូនយល់បានថា ពេលណាបងដើរចេញ ភពនេះនឹងរលាយទៅតាមនឹងដែរ»។

១០.ប្រាប់គាត់ពីរឿងមួយថា «មានបុរសជាច្រើនដែលល្អ និងសង្ហាជាងបងមកសុំស្រលាញ់អូន តែអូនមិនព្រម។ ព្រោះអូនស្រលាញ់តែបង»៕