មនុស្សពេញវ័យមិនធ្វើទង្វើអន់ៗបែបនេះដាច់ខាតពេលបែកគ្នា

2019-05-10 03:18:14
ចំនួនមតិ 0 | ចំនួនចែករំលែក 0

អ្នកណាៗក៏ប្រាថ្នាចង់បានស្នេហាដែលស្រលាញ់គ្នាបានយូរអង្វែងដែរ។តែគូស្នេហ៍ទាំងអស់់មិនមែនសុទ្ធតែមានការបញ្ចប់ដូចក្នុងរឿងភាគនិទានទេ។ ម្នាក់ៗមានហេតុផលច្បាស់លាស់ក្នុងការបែកគ្នា ឬដោយសារតែការមិនយល់ចិត្តគ្នា ឬមកពីទម្លាប់អាក្រក់ណាមួយ។ ទោះបីជាស្នេហាត្រូវដើរដល់ផ្លូវទាល់បែបនេះក៏ដោយ ក្នុងនាមជាមនុស្សពេញវ័យយើងគួរតែបែកគ្នាដោយការលាគ្នាឲ្យបានគួរសមបំផុត នៅពេលដែលអ្នកគិតថាចង់បញ្ចប់ទំនាក់ទំនងមួយនេះ។ អ៊ីចឹងហើយទើបបញ្ហាអាចដោះស្រាយបានលឿន។

និយាយចេញមក កុំស្ងាត់ស្ងៀមយូរពេក

បើសិនជាអ្នកមិនស្រណុកចិត្តនឹងទំនាក់ទំនងមួយនេះ ឬគេធ្វើឲ្យអ្នកឈឺចាប់ គួរតែរកពេលល្អណាមួយនិយាយចេញមក កុំទុកក្នុងចិត្ត។

បើសម្រេចចិត្តថាបែកគ្នាហើយ មិនត្រូវការពេលគិតច្រើនទេ

តើស្នេហារបស់អ្នកចំពោះមនុស្សម្នាក់នោះបែបណា អ្នកប្រាកដជាយល់ច្បាស់ជាងគេ។ បើអ្នកអស់ក្តីស្រលាញ់ ហើយត្រូវការបញ្ចប់ ក្លាហាននិយាយវាចេញទៅមិនចាំបាច់គិតច្រើនទេ ព្រោះបើអ្នកនៅ បន្តអ្វីនឹងកាន់តែយ៉ាប់មិនខាន។

បើបែកគ្នាហើយ កុំទាក់ទងអ្នកចាស់

បន្ទាប់ពីបែកគ្នា អ្នកប្រាកដជាចង់មានអ្នកមកមើលថែរបួសដោយអាចទៅទាក់ទងអ្នកចាស់ ឬមិត្តភក្តិ។ យ៉ាងណាក៏ដោយស្នេហារវាងមនុស្សពីរនាក់បានក្លាយជាអតីតបាត់ទៅហើយ។ សូម្បីមេត្តាកុំរំខានអ្នកចាស់មកបញ្ឈឺអ្នកថ្មី។

កុំនិយាយពេកបែកគ្នាតាមរយៈសារ ឬឆាត

កុំផ្ញើសារទៅគេដោយគ្រាន់តែប្រាប់ថា «យើងបែកគ្នាទៅ»។ រាល់ថ្ងៃនេះការផ្ញើសារគឺមានភាពងាយស្រួលក្នុងការផ្ដល់ព័ត៌មានឲ្យគ្នាណាស់។ ទោះបីជាបែបហ្នឹងការបែកគ្នាតាមរបៀបនេះពិតជាអាក្រក់មើលខ្លាំងណាស់។ អ្នកគួរតែជួបគ្នាផ្ទាល់ហើយនិយាយផ្ទាល់មាត់វិញទើបប្រសើរ។

កុំបន្ទោសភាគីខាងណាឲ្យសោះពេលបែកគ្នា

ត្រូវចាំថាដៃបើទះតែម្ខាងក៏មិនលឺដែរ។ បើអ្នកទាំងពីរគិតថាអ្នកទាំងពីរមិនសមគ្នាហើយ ណាត់ជួបគ្នាហើយបញ្ចប់ទំនាក់ទំនងចោលដោយសន្តិភាពទៅ។ កុំទម្លាក់កំហុសឲ្យនរណាម្នាក់ឲ្យសោះ។