ចង់បានស្បែកភ្លឺចាំងពីខាងក្នុង មករៀនធ្វើភេសជ្ជៈក្រឡុកនៅផ្ទះទាំងអស់គ្នា
- 2019-04-01 07:30:00
- ចំនួនមតិ 0 | ចំនួនចែករំលែក 0
ចង់បានស្បែកភ្លឺចាំងពីខាងក្នុង មករៀនធ្វើភេសជ្ជៈក្រឡុកនៅផ្ទះទាំងអស់គ្នា
នេះគឺជារូបមន្ត ធ្វើភេសជ្ជៈក្រឡុកជំនួយស្បែកសភ្លឺចែងចាំងពីខាងក្នុង នៅផ្ទះដោយខ្លួនឯង។ ក្រៅពីធ្វើឲ្យស្បែកស្អាត វាក៏អាចជួយផ្តល់ថាមពលដល់រាងកាយ និងមានរសជាតិឆ្ងាញ់ទៀតផង។
គ្រឿងផ្សំមានដូចជា៖
ទឹកដូងកន្លះកែវ
ចេកទុំដាក់ក្លាសេឲ្យកក ២ផ្លែ
ម្នាស់ចិតតូចៗ (ដាក់ស្រស់ក៏បានឬក្លាសេក៏បាន)
ស្វាយចិតតូចៗ (ដាក់ស្រស់ក៏បានឬក្លាសេក៏បាន)
កូនស្ពៃ២កូនចាន
ផ្លែបឺរចិតស្តើងៗ១ចំហៀង
វិធីធ្វើ
១. ត្រូវប្រើម៉ាស៊ីនក្រឡុកដែលមានកម្លាំងខ្លាំង ឬប្រើលេខខ្លាំងបំផុតដើម្បីឲ្យកិនម៉ដ្ឋសព្វសាច់ល្អ។
២. ដាក់គ្រឿងផ្សំទាំងអស់បញ្ចូលគ្នា ធ្វើការកិនឲ្យបានយ៉ាងហោចណាស់៣នាទី ឬរហូតដល់ម៉ដ្ឋល្អ។ ប្រសិនបើទឹកក្រឡុកមើលទៅខាប់ពេក អ្នកអាចថែមទឹកដូងបាន។
៣. ប្រសិនបើអ្នកមិនចង់ដាក់ទឹកដូងទេ អាចប្រើទឹកស្អាតធម្មតា ទឹកដោះគោអាល់ម៉ុន ឬភេសជ្ជៈដែលអ្នកចូលចិត្តមកជំនួសក៏បាន។ គ្រាន់តែទឹកដូង មានប្រសិទ្ធភាពខ្ពស់ សម្រាប់សុខភាពស្បែក។
ចំណាំ៖ អ្នកក៏អាចដាក់បន្ថែមនូវពពួកបន្លែផ្លែឈើណាដែលជំនួយដល់ស្បែកចូលពីលើក៏បាន ដូចជា ឃីវី ស្រ្តប៊េរី...តាមចំណូលចិត្ត។ ប៉ុន្តែហាមមិនឲ្យដាក់ស្ករនោះទេ។
ប្រសិនបើអ្នកព្យាយាមផឹកជារៀងរាល់ថ្ងៃ ត្រឹមរយៈពេលមួយខែ អ្នកនឹងឃើញថាស្បែករបស់អ្នកពិតជាមានសភាពភ្លឺស្អាតប្លែក ជាងការប្រើប្រាស់ផលិតផលគ្រឿងសម្អាងទៅទៀត៕
ចុចអានបន្ត៖