មុខកំពុងឡើងមុនខ្លាំង កុំធ្វើរឿងទាំងនេះ បើមិនចង់ឲ្យយ៉ាប់លើសដើម

2019-02-25 10:00:00
ចំនួនមតិ 0 | ចំនួនចែករំលែក 0

ទម្លាប់អាក្រក់ទាំងប៉ុន្មាននេះ នឹងធ្វើឲ្យមុនលើមុខរបស់អ្នក រាលដាលរឹតតែខ្លាំងប្រសិនបើអ្នកនៅតែបន្តសកម្មភាពទាំងនេះ។ មុនខ្ទុះ មុនអង្កាម មុនក្បាលខ្មៅ សុទ្ធតែជាភាពភ័យខ្លាចសម្រាប់មនុស្សជាច្រើន។ ប្រសិនបើថែទាំមិនត្រូវតាមក្បួនសាស្ត្រនោះ មិនត្រឹមតែមិនស្រកទេ គឺមានតែឡើងខ្លាំងជាងមុន។ ខាងក្រោមនេះ គឺជាសកម្មភាពនានា ដែលនឹងធ្វើឲ្យមុនលើមុខអ្នករាលកាន់តែខ្លាំង។

១. ផាត់ម្សៅបិទបាំង

នៅពេលឡើងមុនហើយ អ្នកគួរជៀសវាងការផាត់មុខ ព្រោះវាកាន់តែធ្វើឲ្យមុនកាន់តែហើម និងយូរជាជាងមុនទៅទៀត។ ភាគច្រើន មិត្តៗនារីតែងលាបម្សៅស្អិត ឬម្សៅផាត់ក្រាស់ដើម្បីបាំងមុន តែប្រការនេះនឹងធ្វើឲ្យផ្ចិតរន្ធរោមញើស ធ្វើឲ្យមុនកាន់តែហើម និងឡើងលើសដើម។

រូបតំណាង

**២. ញិចមុន**

នេះគឺជាទម្លាប់របស់មនុស្សភាគច្រើននៅពេលមុខឡើងមុនម្ដងៗ។ ការញិចមុនដែលមិនទាន់ក្រៀម អាចឆ្លងមេរោគ និងធ្វើឲ្យមុនកប់ជ្រៅជាងមុន ឬនាំឲ្យហើម រហូតកកើតជាខ្ទុះ។ មិនត្រឹមប៉ុណ្ណោះ ការញិចបែបនេះ គឺធានាថានឹងបន្សល់ស្នាមមុនច្បាស់តែម្ដង។

រូបតំណាង

៣. ញ៉ាំអាហារសម្បូរជាតិអ៊ីយ៉ូត

អាហារសម្បូរជាតិអ៊ីយ៉ូត ជាពិសេសគឺគ្រឿងសមុទ្រដូចជា បង្គារ ក្ដាម ត្រីសមុទ្រ គឺជាប្រភេទអាហារដែលមិនគួរញ៉ាំពេលឡើងមុន។ ព្រោះជាតិអ៊ីយ៉ូតនៅក្នុងគ្រឿងសមុទ្រ នឹងធ្វើឲ្យស្នូរមុនឡើងហើម ហើយមានជាតិខ្ទុះច្រើន។

រូបតំណាង

៤. យកដៃស្ទាបមុន

អ្នកមានដឹងទេថា ដៃគឺជាជាផ្នែកដែលផ្ទុកមេរោគច្រើនបំផុតនៅលើរាងកាយមនុស្ស។ ដោយសារតែមេរោគនេះហើយ ប្រសិនបើអ្នកយកមកស្ទាបលើមុខ នោះវានឹងឆ្លងទៅមុនលើមុខ បណ្ដាលឲ្យមុនរាលដាលយ៉ាងឆាប់រហ័ស។ ដូចនេះ ពេលកំពុងឡើងមុន ហាមដាច់ខាតយកដៃស្ទាបមុខ។

៥. យកថ្នាំដុះធ្មេញលាបលើមុន

គេតែងប្រាប់តៗគ្នាថា យកថ្នាំដុះធ្មេញលាបលើមុន នឹងឆាប់ជា តែតាមការពិតថ្នាំដុះធ្មេញមិនអាចព្យាបាលមុនបានឡើង។ បន្ថែមពីនេះ ថ្នាំដុះធ្មេញមានសារជាតិ Sodium Lauryl Sulfate ដែលអាចធ្វើឲ្យរលាកស្បែក និងផ្ចិតរន្ធរោមញើស៕