ទប់ស្កាត់ហានិភ័យនៃការចាស់មុនអាយុ អ្នកគួរតែប្រកាន់យកទម្លាប់ទាំងនេះឲ្យបាន

2019-02-22 04:45:17
ចំនួនមតិ 0 | ចំនួនចែករំលែក 0

កុំចាំទាល់តែលេចស្នាមជ្រួញសិនបានប្រឹងរកវិធីទប់ស្កាត់ព្រោះពេលនោះប្រហែលជាយឺតពេលក៏ថាបាន។ ការចាស់មុនអាយុកើតមានឡើងឆាប់ដោយសារកត្តាជាច្រើនដូចជាកត្តាបរិស្ថាន ដែលរងពីពន្លឺព្រះអាទិត្យ ធូលី និងការបំភាយឧស្ម័ន ជាពិសេសបើអ្នកជារឿយៗមានភាពតានតឹងច្រើន ការគេងមិនគ្រប់គ្រាន់ ទម្លាប់រស់នៅមិនល្អ។ ខាងក្រោមនេះជាគន្លឹះពិសេសបំផុតសម្រាប់អ្នកដែលចង់បានសម្រស់ឲ្យក្មេងជាងវ័យដែលត្រូវប្រកាន់យក៖

១. ញ៉ាំផ្លែឈើ និងបន្លែរាល់ថ្ងៃ

នៅក្នុងអាហារទាំងនេះគឺមានវីតាមីននិងជាតិសរសៃជាច្រើន។ វាជួយការពារការបង្កើតរ៉ាឌីកាល់សេរីដែលជាមូលហេតុនៃភាពចាស់ ។ លើសពីនេះទៀតបើអ្នកមិនអាចញ៉ាំបន្លែនិងផ្លែឈើឱ្យបានគ្រប់គ្រាន់ប្រចាំថ្ងៃអ្នកអាចប្រើវីតាមីនបន្ថែម A, C, E ជំនួសបាន។

២. កម្រិតការញ៉ាំផ្អែមពេក ឬប្រៃពេក

ដើម្បីបងា្ករ ហានិភ័យចាស់មុនអាយុ អ្នកបោះបង់ទម្លាប់នៃការញ៉ាំជាតិប្រៃពេកឬផ្អែមពេក។ ក្នុងពេលជាមួយគ្នាអ្នកក៏គួរតែកំណត់ការចម្អិននិងចៀនដែលមានជាតិខ្លាញ់ផងដែរ ព្រោះវានឹងប៉ះពាល់ដល់កោសិកាស្បែកដែលធ្វើឱ្យស្បែកឆាប់ជ្រួញនិងឆាប់ចាស់បានយ៉ាងរហ័ស។

៣. លាបឡេការពារកម្តៅថ្ងៃមុនពេលចេញទៅក្រៅ

បើអ្នកគិតថាឡេការពារកម្តៅថ្ងៃមិនសំខាន់សម្រាប់អ្នកនោះគឺអ្នកគិតខុសហើយ។ ស្បែកគឺរងផលប៉ះពាល់ខ្លាំងណាស់ដោយសារកាំរស្មី UV ដែលបានមកពីព្រះអាទិត្យ ដូច្នេះបើអ្នកមិនបានប្រើឡេការពារកម្ដៅថ្ងៃមុនពេលចេញទៅក្រៅនោះ ស្បែកអ្នកនឹងងាយខូចខាត ហើយចាស់ជ្រីញជ្រួញផងដែរ។

៤. កុំប្រើបំពង់បឺតនៅពេលផឹកទឹក

ប្រហែលអ្នកគិតថាវាមិនបណ្តាលឱ្យមានបញ្ហាអ្វីទេ តែទម្លាប់នេះគឺជួយឲ្យមានស្នាមជ្រួញជុំវិញមាត់បានយ៉ាងងាយ។ នៅពេលដែលអ្នកប្រើវាដើម្បីផឹកទឹក សាច់ដុំមុខនឹងត្រូវធ្វើការជាបន្តទៀតស្នាមជ្រីវជ្រួញបង្កើតជាបណ្តើរ ៗ ។

៥. កម្រិតការ Make up

ការMake up នេះអាចជួយឱ្យអ្នកមានទំនុកចិត្តលើរូបរាងរបស់ខ្លួនក៏ពិតមែន ប៉ុន្តែវាក៏ជាមូលហេតុដែលធ្វើឲ្យអ្នកឆាប់ចាស់ដែរ។ ការទិញគ្រឿងសំអាងដែលមិនស្គាល់ប្រភព គ្មានគុណភាពក៏អាចជាកត្តាដែលបណ្តាលអោយមានផលអាក្រក់ដល់ស្បែកផងដែរ។ អ្នកត្រូវលាងសម្អាតមុខឲ្យស្អាតមុនពេលចូលគេងព្រោះបើមិនបែបនេះទេអ្នកនឹងអាចដេកស្ដាយស្បែកមុខអ្នកបាន៕