រូបមន្តពិសេសបណ្ដុះចិញ្ចើមប្រើតែគ្រឿងផ្សំពីរមុខ អស់លុយតិចបំផុត

2018-12-24 04:56:23
ចំនួនមតិ 0 | ចំនួនចែករំលែក 0

អត់សូវមានរោមចិញ្ចើមមែន? ពេលនេះស្រីៗយើងមិនបាច់បារម្ភទៅរកទិញគ្រឿងសម្អាងថ្លៃៗ ហើយចំណាយពេលគូរចិញ្ចើម ឬអ្នកដែលមិនចង់ទៅប៉ាក់ ឬសាក់ចិញ្ចើម អាចប្រើវិធីសាស្ត្រងាយស្រួលដោយខ្លួនឯងបាន ព្រោះពេលនេះ កញ្ញាបានរកឃើញវិធីធម្មជាតិប្រើគ្រឿងផ្សំផ្ទះបាយ២មុខ គឺខ្ញី និងខ្ទឹមបារាំង។

ខ្ញី

ខ្ញីជារុក្ខជាតិដែលមានជាតិហឹរ ប្រើជាគ្រឿងផ្សំសម្រាប់ការចម្អិនអាហារឬបន្លែ និងសម្រាប់រូបមន្តរក្សាសុខភាពនិងសម្រស់បានផង។ សារសំខាន់របស់ខ្ញីគឺសម្រួលចរន្តឈាម ធ្វើឱ្យស្បែកស្អាតពីក្នុង និងជំនួយសក់ជាដើម។ ក្រៅពីនេះសម្រាប់អ្នកដែលចង់បានរោមចិញ្ចើមក្រាស់ ខ្មៅស្អាតដូចធម្មជាតិក៏អាចប្រើខ្ញីបានដែរ។

វិធីធ្វើគឺលាងមើមខ្ញីឱ្យស្អាត ចិតស្ដើងៗ ហើយយកមកជូតលើចិញ្ចើមចុះឡើងប្រហែល២នាទី ដើម្បីឱ្យសារធាតុចិញ្ចឹមជ្រៀតចូលបានសព្វ ហើយចូលគេង។ វិធីមួយទៀត អ្នកអាចដំខ្ញីឱ្យបែក ពូតយកទឹក យកសំឡីជ្រលក់លាបលើចិញ្ចឹមឱ្យសព្វ។ ក្រោយលាបរួច អ្នកអាចយកដៃមកម៉ាស្សាថ្នមៗដើម្បីឱ្យទឹកខ្ញីជ្រៀតចូលបានល្អ។

ខ្ទឹមបារាំងនិងទឹកឃ្មុំ

វិធីធ្វើគឺប្រើខ្ទឹមបារាំង១/៣ ដាក់ក្រឡុកក្នុងម៉ាស៊ីនឱ្យម៉ដ្ឋ រួចចាក់ចូលចានដោយមានតម្រងត្រងកាកចេញ។ បន្ទាប់ពីបានទឹកខ្ទឹមបារាំងក្រឡុករួច ចាក់ទឹកឃ្មុំកន្លះស្លាបព្រាកាហ្វេចូលកូរឱ្យសព្វ។

មុននឹងប្រើ អ្នកត្រូវជូតតំបន់ភ្នែក និងចិញ្ចើមឱ្យបានស្អាតដោយប្រើទឹកក្ដៅឧណ្ហៗ ដើម្បីបើករន្ធរោម បន្ទាប់មកយកសំឡីជ្រលក់ទឹកខ្ទឹមបារាំងខាងលើមកលាបលើចិញ្ចើមពីគល់ដល់ចុងរោម។ ទុកចោលមួយយប់ដូចគ្នា សឹមលាងចេញនៅពេលព្រឹកជាមួយទឹកត្រជាក់។