៧ យ៉ាងបញ្ជាក់ថាគេជាមនុស្សប្រុសចាស់ចិត្ត ចាស់គំនិត អាចយកជាគូអនាគតបាន
- 2018-11-12 02:00:54
- ចំនួនមតិ 0 | ចំនួនចែករំលែក 0
៧ យ៉ាងបញ្ជាក់ថាគេជាមនុស្សប្រុសចាស់ចិត្ត ចាស់គំនិត អាចយកជាគូអនាគតបាន
ពេលខ្លះអ្នកអាចស្ដាយក្រោយដោយសារតែការងប់ងុលស្រឡាញ់លើអ្នកណាម្នាក់ ដោយមិនបានគិតពិចារណាច្បាស់លាស់។ ដូច្នេះអ្នកគួរសង្កេតមនុស្សប្រុសដែលមានចរិតចាស់ទុំអាចផ្ញើជីវិតបានបាន តាមរយៈរឿងទាំង ៧ ខាងក្រោមនេះ៖
១. មិនរិះគន់ទៅលើរូបសម្បត្តិអ្នក
គាត់អត់ដែលបង្អាប់អ្នកថា មិនស្អាតនេះ មិនស្អាតនោះ ឡើយ ព្រោះគាត់មិនចង់បង្អាប់អ្នកដើម្បីផ្គាប់ចិត្តគាត់ អ្នកចង់ធ្វើយ៉ាងណាវាជាសិទ្ធិអ្នកឲ្យតែអ្នកគិតថាសម និងរីករាយ។
**២. មិនប៉ះពាល់របស់ផ្ទាល់ខ្លួនរបស់អ្នក**
ទោះបីជាស្រឡាញ់គ្នា ទុកចិត្តគ្នាប៉ុណ្ណាក៏ដោយ ក៏គាត់មិនលូកលាន់ ឆែកឆេររបស់របរផ្ទាល់ខ្លួនឬ លួចមើលរឿងឯកជនរបស់អ្នកដោយគ្មានការអនុញ្ញាតឡើយ ព្រោះវាមិនមែនជារឿងត្រឹមត្រូវនោះទេ ទោះជាសង្សារគ្នាក៏ដោយ។
៣.មិនរត់ចោលគ្នាពេលជួបបញ្ហា
គាត់មិនដែលរត់គេចពីបញ្ហាដើម្បីសុខខ្លួនឯងនោះទេ គាត់នឹងព្យាយាមរកដំណោះស្រាយ និង ការពារអ្នក ហើយគាត់មានទំនួលខុសត្រូវក្នុងនាមជាកូនប្រុសម្នាក់។
៤.. មិនគិតតែមួយថ្ងៃ
គាត់មិនមែនជាមនុស្សដែលរស់មួយថ្ងៃគិតមួយថ្ងៃឡើយ គឺគាត់គិតគូពីអនាគត បារម្ភខ្លាចថ្ងៃក្រោយគាត់មើលថែអ្នកមិនបានល្អ ខ្លាចគ្មានអីឲ្យអ្នករស់នៅដោយសុខសាន្ត ដូច្នេះគាត់ធ្វើអីសុទ្ធតែគិតគូរវែងឆ្ងាយ។
៥. មិនធ្វើឲ្យអ្នកលំបាកចិត្តពេលគាត់ចេញទៅណា
មនុស្សប្រុសតែងមានការជួបជុំ សប្បាយជាមួយមិត្តភ័ក្ដិជៀសមិនរួចទេ ប៉ុន្តែមនុស្សប្រុសដែលចាស់ទុំគឺគាត់ទៅណាមកណាដឹងខុសត្រូវណាស់ មិនមែនឲ្យអ្នកខ្វល់ខ្វាយច្រើននោះទេ ដូចជាការផឹកជ្រុល ដើរដាច់យប់ជាដើម។
៦. មិនចោលទំនាក់ទំនងពីគ្រួសារ
គាត់មិនដែលភ្លេចគ្រួសាររបស់គាត់ទេ គឺគាត់តែងតែឆ្លៀតចំណាយពេលជាមួយគ្រួសារជានិច្ច ទោះបីពេលខ្លះរវល់ជាមួយការងារ ឬក៏ជាមួយអ្នកក៏ដោយ។
៧. មិនប្រើអំពើហិង្សាលើអ្នក
ទៅមានរឿងអី ឬខឹងខ្លាំងយ៉ាងណាក៏ដោយក៏គាត់មិនប្រើដៃប្រើជើងជាមួយអ្នកទេ ហើយក៏មិនបង្ខិតបង្ខំអ្នកឲ្យធ្វើអីដែលអ្នកមិនចង់ធ្វើឡើយ។
រឿងអនាគតគ្រួសារសម្រាប់មនុស្សស្រីគឺសំខាន់បំផុត បើបានខុសគឺទឹកភ្នែកដេកពិបាកចិត្តហើយ៕
ចុចអាន៖នៅពេលមនុស្សម្នាក់ស្រឡាញ់អ្នកពិតប្រាកដ គេនឹងមានចំណុចបែបនេះ