ស្រលាញ់គ្នាយូរប៉ុនណា អេនជីនៅតែទិញកាដូ Surprise ស្វាមី

2018-09-24 04:09:10
ចំនួនមតិ 0 | ចំនួនចែករំលែក 0

អតីតតារាចម្រៀងសំឡេងស្រទន់ អេនជី ជាមួយនឹងស្វាមីអ្នកជំនួញរូបសង្ហានៅតែបន្តភាពផ្អែមល្ហែម ទោះបីស្រលាញ់គ្នាយូរប៉ុនណាក៏ដោយ។

អ្នកទាំងពីរធ្លាប់បានផ្តល់បទសម្ភាសន៍ម្តងរួចហើយ មកកាន់វិបសាយ "កញ្ញា" ទាក់ទងទៅនឹងប្រវត្តិស្នេហា ការពុះពារឧបសគ្គជាមួយគ្នារហូតបានដល់ថ្ងៃរៀបការ។

ចុចអានបន្ត៖ ស្វាមី អេនជី ទម្លាយប្រវត្តិស្នេហ៍ផ្ដើមទាក់ទងគ្នាតាមហ្វេសបុក និងចំណុចពិសេស ៤ យ៉ាងរបស់ភរិយា

ទន្ទឹមគ្នានេះដែរ ថៅកែស្រីរូបស្រស់ បានទិញកាដូដើម្បី Surprise ស្វាមី ថែមទាំងភ្ជាប់ជាមួយសារខ្លីដែលសរសេរថា «ក្តីសុខកើតមានចំពោះមនុស្ស ២នាក់ចេះយល់ចិត្តគ្នា ការខិតខំប្រឹងប្រែងមិនធ្វើឲ្យយើងបរាជ័យទេ លើកនេះទិញ Surprise ប្តីម្តង»។

តាមអត្ថន័យនៃសារខ្លីមួយនេះ បញ្ជាក់ថា ស្វាមីរបស់នាងធ្លាប់បាន Surprise ប្រពន្ធបែបនេះពីមុនម្តងរួចហើយ ទើបធ្វើឲ្យនាងនៅមិនសុខចង់បង្ហាញក្តីស្រលាញ់តបទៅប្តីវិញ។

ប្តីប្រពន្ធមួយគូនេះ បើគិតចាប់ពីថ្ងៃស្គាល់គ្នា រហូតបានចូលរោងជ័យ មានរយៈពេល ៧ ឆ្នាំហើយ ដែលអាចសន្និដ្ឋានបានថា អ្នកពីរមានក្តីស្រលាញ់ធំធេង និិងរឹងមាំ ៕