នៅថ្ងៃតារាចម្រៀងដ៏ស្រស់សោភា អេនជី ចូលរោងការនាង និងស្វាមី ដែលជាអ្នកជំនួញវ័យក្មេងបានបង្ហើបប្រាប់ កញ្ញា ពីទំនាក់ទំនងស្នេហារបស់ពួកគេទាំងពីរ។ ការ​​ស្គាល់​គ្នារហូត​បាន​ចូល​រោងជ័យនេះ មាន​រយៈពេល ៧ ឆ្នាំហើយ ដោយ​ពីដំបូង គឺគ្រាន់តែឃើញមុខធម្មតា មិនមានអ្វីធំដុំទេ ទើបតែ ៤ ឆ្នាំចុងក្រោយមុនរៀបការនេះ ពួកគេ​បានទាក់ទងយល់ចិត្តគ្នា រហូតបានភ្ជាប់់ពាក្យក្នុងឆ្នាំ ២០១៤។ កូន​ក្រមុំ បានបញ្ជាក់ទៀតថា ទំនាក់ទំនងនាង និងស្វាមី ចាប់ផ្តើមតាមរយៈបណ្តាញសង្គមហ្វេសបុក ដោយគាត់បានឆាតមកជូនពរនាង នៅ​ថ្ងៃឆ្លងឆ្នាំ។ ម្យ៉ាងទៀត​នាងក៏ធ្លាប់ឃើញគាត់នៅខាងក្រៅដែរ ព្រោះគាត់ជាម្ចាស់ហាង រ៉ាយុទ្ធ ហើយនាងឧស្សាហ៍ទៅយកសម្លៀកបំពាក់នៅទីនោះ កាលនៅជាតារាចម្រៀង។ ចំណែកឯកូនកម្លោះរូបសង្ហា ក៏បានប្រាប់មក​ដែរថា គាត់ចាប់អារម្មណ៏ ហើយលង់ស្រលាញ់ អេនជី ដោយសារ​នាងមាន​ ៤ ចំណុចធំៗខាងក្រោមនេះ៖

១. យល់ចិត្ត៖ «នាងយល់ចិត្តខ្ញុំណាស់ សឹងតែ ១០០ ភាគរយទៅហើយ ដែលធ្វើឲ្យទំនាក់ទំនងមួយនេះមិនសូវជាជួបនូវឧបសគ្គអ្វីច្រើន រហូតពួកយើងអាចកាន់ដៃគ្នាមកដល់សព្វថ្ងៃនេះ»។  

២. ចូលចិត្តរកស៊ី៖ «អេនជី មិនបោះបង់ចោលនូវវិថី​សិល្បៈ​ទេ ប៉ុន្តែដោយសារតែនាងចូលចិត្តរកស៊ី ទើបសម្រេចចិត្តផ្អាកពីសិល្បៈមួយរយៈសិន​  ដើម្បីមកផ្តោតលើរបររកស៊ីជាមួយខ្ញុំ»។  

៣. ចេះទុកដាក់៖ «នាងជាមនុស្សចេះទុកដាក់លុយកាក់ត្រឹមត្រូវ មិនចាយវាយផ្តេសផ្តាស ដែលធ្វើឲ្យខ្ញុំកាន់តែស្រលាញ់នាងទ្វេរដង»។  

៤. អត្តចរិតល្អ៖ «រូបសម្បត្តិជារឿងបន្ទាប់បន្សំ ប៉ុន្តែសំខាន់នាងមានចរិតល្អ ស្មោះត្រង់ ដែលធ្វើឲ្យខ្ញុំសម្រេចចិត្តជ្រើសរើសរូបនាងមកធ្វើជាភរិយា​ និងរៀបការតាមទំនៀមទម្លាប់ប្រពៃណីខ្មែរតែម្តង»។ នេះគឺជាសម្តីពិតចេញពីមាត់របស់ស្វាមីអេនជី ក្នុងថ្ងៃអាពាហ៍ពិពាហ៍៕

ជាចុងក្រោយ កញ្ញា សូមជូនពរស្វាមីភរិយាថ្មីមួយគូនេះឲ្យស្រលាញ់គ្នាដល់ចាស់កោងខ្នង!      ចុចអាន៖អេនជី ចូល​រោង​ការ​ជាមួយ​អ្នក​ជំនួញ​​វ័យ​ក្មេង ចំណាយ​លុយ​​ជា​ច្រើន​ម៉ឺន​ដុល្លារ