ឡូយម្យ៉ាងម្នាក់! ហ៊ិន ច័ន្ទនីរ័ត្ន និងវី ឌីណែត បញ្ចេញក្បាច់រាំ Kiki Challenge

2018-08-08 08:01:23
ចំនួនមតិ 0 | ចំនួនចែករំលែក 0

ពិធីការនីរូបស្រស់ ហ៊ិន ច័ន្ទនីរ័ត្ន និងតារាចម្រៀងសំឡេងពិរោះ វី ឌីណែត បានបង្ហោះវីដេអូ បញ្ចេញក្បាច់រាំដែលមានឈ្មោះថា Kiki Challenge នៅក្នុងបណ្តាញសង្គមហ្វេសបុកកាលពីថ្មីៗនេះ។

វីដេអូរបស់អ្នកទាំងពីរទទួលបានការចាប់អារម្មណ៍យ៉ាងខ្លាំង ពីសំណាក់អ្នកគាំទ្រនៅក្នុងបណ្តាញសង្គម ដោយសារតែមួយបទនេះ កំពុងតែពេញនិយមនៅលើពិភពលោក ដែលជាបទ In My Feelings របស់តារាចម្រៀងកាណាដា Drake។ ចំណែកឯការបង្កើតក្បាច់រាំ Kiki Challenge នេះឡើងមុនដំបូងគេបង្អស់ គឺតារាកំប្លែងឈ្មោះថា Shiggy ដែលបានបង្ហោះនៅក្នុង Instagram របស់ខ្លួន ហើយក៏មានការសាយភាយពាសពេញពិភពលោក មិនមែននៅតែប្រទេសខ្មែរនោះទេ។

គួរបញ្ជាក់ដែរថា ប៉ូលីសនៅបរទេសក៏មានការព្រួយបារម្ភខ្លះៗពីសុវត្ថិភាព អ្នកដែលចូលរួមក្នុងក្បាច់រាំមួយនេះ ព្រោះខ្លាចត្រូវរងរបួស ឬគ្រោះថ្នាក់ដល់ជីវិត ដោយសារតែមានអ្នកខ្លះលោតចុះពីលើឡានស្របពេលដែលឡានកំពុងតែទៅមុខក្នុងល្បឿនលឿន។

យ៉ាងណាមិញ ចង់ដឹងថាតារាខ្មែរពីរដួង បញ្ចេញក្បាច់រាំឡូយប៉ុនណា ទៅទស្សនាវីដេអូទាំងអស់គ្នា។

ចុចអានបន្ត៖