របៀបជ្រើសរើសមួកពាក់ ឲ្យស័ក្ដិសមនឹងទម្រង់មុខ

2018-07-02 00:30:00
ចំនួនមតិ 0 | ចំនួនចែករំលែក 0

អ្វីក៏ដោយឲ្យតែពាក់ព័ន្ធជាមួយនឹងទម្រង់មុខ មិនថាម៉ូដសក់ វែនតាឬក៏ទម្រង់ចិញ្ចើមនោះទេ អ្នកត្រូវចេះត្រួតពិនិត្យជ្រើសរើសឲ្យបានល្អ ដើម្បីឲ្យស័ក្តសមនឹងទម្រង់មុខរបស់ខ្លួន។ ដូច្នេះហើយថ្ងៃនេះដែរ កញ្ញា នឹងបង្ហាញពីការជ្រើសរើសមួកឲ្យបានត្រឹមត្រូវ ស៊ីនឹងទម្រង់មុខនិងអាចជួយលើកសម្រស់អ្នកបានមួយកម្រិតទៀត។

១. មុខមូល

អ្នកគួរជ្រើសមួកដែលមានកំពូលរាងខ្ពស់បន្តិច ដើម្បីឲ្យទម្រង់មុខមូលរបស់អ្នកឃើញវែងជាងមុន ជៀសវាងមួកណា ដែលមានកំពូលទាប។

២. មុខពងក្រពើ

អ្នកមិនចាំបាច់ក្នុងការជ្រើសរើសនោះទេ ប៉ុន្តែដើម្បីឲ្យមើលទៅកាន់តែទាក់ទាញមានទំនុកចិត្ត មួកដែលស័ក្តសមបំផុតនោះគឺ មួកគ្មានឆាងធំ ព្រោះវាអាចជួយបង្ហាញទម្រង់មុខអ្នកកាន់តែច្បាស់។

៣. មុខវែងស្មើ

អ្នកគួររើសមួកដែលមានទទឹងតូចល្មម មានកំពូលទាប នោះវាអាចជួយបិទបាំងកុំឃើញវែងពេក។

៤. មុខជ្រុង

មួកដែលមានរាងមូល ហើយមានឆាងធំ គឺស័ក្តសមឥតខ្ចោះ សម្រាប់អ្នកមានមុខជ្រុង ថែមទាំងអាចជួយបិទបាំង ត្រង់កន្លែងថ្គាមខ្លាបានទៀតផង។

៥. មុខបេះដូង

មួកដែលមានកំពូលមិនខ្ពស់ពេក មិនខ្លីពេក គឺជាអ្វីដែលអ្នកត្រូវការ ដើម្បីជួយការពារផ្នែកថ្ងាស មិនឲ្យឃើញធំទូលាយខ្លាំង ដូចពេលមិនទាន់ពាក់។

ចុចអានបន្ត៖

ប្រភព៖ marieclaire ប្រែសម្រួល៖ ដេត ឈុនអ៉ី