របៀបជ្រើសរើសរាងចិញ្ចើមឲ្យស៊ីនឹងទម្រង់មុខ
- 2018-06-20 10:11:30
- ចំនួនមតិ 0 | ចំនួនចែករំលែក 0
របៀបជ្រើសរើសរាងចិញ្ចើមឲ្យស៊ីនឹងទម្រង់មុខ
វាជារឿងសំខាន់បំផុត ដែលត្រូវជ្រើសរើសរាងចិញ្ចើមឲ្យមើលទៅស័ក្ដិសមជាមួយទម្រង់មុខ។ បើអ្នកចេះតែគូសវាសផ្តេសផ្តាស វានឹងធ្វើឲ្យអ្នកអាក្រក់មើលជាងពេល មិនទាន់គូរទៅទៀត។ ដូចនេះហើយអ្នកត្រូវយល់ច្បាស់ពីទម្រង់មុខខ្លួនឯងសិន។
១. មុខមូល
បើអ្នកមានមុខមូល ត្រូវគូរឲ្យកោងឡើងខ្ពស់ហើយជ្រុងបន្តិច ដើម្បីជួយលើកមុខឲ្យឃើញវែងមុន ហើយជៀសវាងការគូរកោងស្មើ ព្រោះវានឹងធ្វើមុខអ្នកមើលទៅកាន់តែមូលខ្លាំង។
២. មុខវែង
ដើម្បីកុំឲ្យទម្រង់មុខមើលទៅវែងពេក អ្នកត្រូវជ្រើសរើសរាងចិញ្ចើមត្រង់ស្មើល្មម ស្របទៅនឹងទម្រង់ភ្នែក ហើយមិនត្រូវគូរកោងពេកនោះទេ។
៣. មុខពងក្រពើ
មុខពងក្រពើមានទម្រង់ស្អាតស្រាប់ ប៉ុន្តែដើម្បីបង្កើននូវភាពទាក់ទាញមួយកម្រិតទៀត អ្នកគួរធ្វើការគូរលើកឲ្យខ្ពស់ហើយកោងទម្លាក់ចុះក្រោម នៅផ្នែកកន្ទុយចិញ្ចើម។
៤. មុខជ្រុង
ចំពោះអ្នកដែលមានមុខជ្រុង ឆ្អឹងថ្គាមមានភាពលេចធ្លោ ដូច្នេះដើម្បីជួយបិទបាំងបានខ្លះ អ្នកត្រូវគូរផ្នែកនៃគល់ចិញ្ចើម ឲ្យដិតក្រាស់បន្តិច និងមានរាងជ្រុង។
៥. មុខទម្រង់បេះដូង
ទម្រង់មុខបេះដូង គឺមានចង្ហារាងស្រួចនិងថ្ងាសទូលាយ។ ចិញ្ចើមដែលស័ក្ដិសមបំផុត ត្រូវមានរាងមូលហើយកោងល្មម។
៦. មុខទម្រង់គ្រាប់ពេជ្រ
ទម្រង់មុខបែបនេះ មានឆ្អឹងសៀតផ្កាលាតចេញមកខាងក្រៅ ដូចនេះត្រូវគូរចិញ្ចើមឲ្យមានរាងកោងដូចធ្នូ ដើម្បីកុំឲ្យមុខមើលទៅធំពេក។
ចុចអានបន្ត៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
