តិចនិកជ្រើសរើសពណ៌ផាត់ភ្នែក ជួយលើកមុខឲ្យសស្អាតដូចតារាកូរ៉េ

2018-06-12 08:06:19
ចំនួនមតិ 0 | ចំនួនចែករំលែក 0

ការរើសពណ៌ភ្នែកមកផាត់ត្រូវ អាចជួយឲ្យសម្រស់នារីៗកាន់តែស្អាតមួយកម្រិតទៀត ទោះជាផាត់ម្សៅស្ដើងៗក៏ដោយ។ ប្រសិនបើអ្នកចង់ឲ្យការផាត់ពណ៌ភ្នែក ស្អាតដូចតារាកូរ៉េទាំង ៥ រូបនេះ អាចអនុវត្តតិចនិកដូចខាងក្រោមបាន៖

១.Jennie

ត្របកភ្នែកតែមួយជាន់មិនមែនជាឧបសគ្គទេ សម្រាប់ Jennie។ នាងតែងតែមើលទៅមានភាពទាក់ទាញ ដោយសារក្រសែភ្នែក ព្រោះប្រើពណ៌ត្នោតខ្ចី។ ជាជំហានដំបូងគ្រាន់តែយកពណ៌គូល័រផាត់ភ្នែកស្រាលភ្លឺផ្លេកមកគូរឲ្យពេញត្របកភ្នែកទាំងស្រុង បន្ទាប់មកបន្ថែមពណ៌ត្នោតលើភ្នែក កន្ទុយ និងពីក្រោមកន្ទុយភ្នែកបន្តិច។ ដើម្បីឲ្យស៊ីគ្នាគួរគូរចិញ្ចើមពណ៌ត្នោត ធ្វើឲ្យភ្នែកកាន់តែមុតស្រួច។

២.Irene

ភ្នែករបស់ Irene ជាញឹកញាប់ផាត់ដោយពណ៌ផ្កាកុលាប ពណ៌ផ្កាឈូកខ្ចី ទើបមើលទៅស្រទន់ខ្លាំងណាស់។ ចង់មានភ្នែកដូចជា Irene ដំបូងអ្នកគ្រាន់តែយកពណ៌ទឹកក្រូចមកផាត់ជុំវិញត្របកភ្នែក។ បន្ទាប់មកបន្ថែមពណ៌ផ្កាឈូក ដោយគ្រាន់តែវាសចុងជក់ទៅកន្ទុយភ្នែកបន្តិច ដើម្បីបង្កើនជម្រៅ។ អ្នកក៏អាចប្រើគែមស្រាលដោយពណ៌ត្នោត ដើម្បីឲ្យភ្នែករបស់អ្នកមើលទៅកាន់តែស្រើបស្រាល។ កុំភ្លេចផាត់ត្របកភ្នែកខាងក្រោម ហើយម៉ាស្ការ៉ាគួរតែជ្រើសរើសពណ៌ត្នោតចាស់បន្តិច។

៣.Lee Sung Kyung

ពណ៌ផ្កាឈូកខ្ចី អាចជួយលើកសម្រស់មុខនារីឲ្យកាន់តែស និងស្រស់ស្អាតជាងមុន។ បើអ្នកស្រលាញ់ style មួយនេះ អាចធ្វើបាន ដោយគ្រាន់តែផាត់ពណ៌ផ្កាឈូកពេញភ្នែក ហើយយកពណ៌ឈូកចាស់បន្តិចមកគូរពីលើរោមភ្នែក និងកន្ទុយ។

៤.Hani

សម្រស់ផ្ទៃមុខតារាកូរ៉េរូបនេះស្រទន់ខ្លាំងណាស់ នោះមកពីនាងចេះផាត់ភ្នែក និងលាបក្រែមបានស៊ីគ្នា។ ការផាត់ភ្នែករបៀបនាងមាន ៣ ពណ៌ ទី១ ពណ៌ផ្កាឈូក ទី២ ពណ៌សាច់ និងទី ៣ ពណ៌កូឡាប។ ដំបូងយកពណ៌សាច់មកវាសជុំវិញភ្នែក ហើយបន្ថែមពណ៌ឈូកនៅកន្ទុយ ជាចុងក្រោយផាត់ពណ៌កូឡាបពីក្រោមកន្ទុយភ្នែកតែម្ដង។

៥.Sun Mi

Sun Mi មានស្ទីលប្លែក ព្រោះការពណ៌ផាត់ភ្នែកនាង មានពណ៌មិនស៊ីគ្នាដូចអ្នកផ្សេងៗឡើយ។ នាងប្រើពណ៌ផ្កាឈូក និងពណ៌ស៊ីលៀប ដោយ ប្រើពណ៌ផ្កាឈូកផាត់ពេញត្របកភ្នែក ហើយយកពណ៌ស៊ីលៀបមកគូរដូច eyeliner៕