ដាំ​បាយ​ ៣ វិធីនេះ ទោះ​​ញ៉ាំ​ច្រើន​យ៉ាង​ណា​ក៏​មិន​ធាត់ ថែម​ទាំង​បាន​សុខភាព​ទៀត​

  • 2018-06-08 08:30:00
  • ចំនួនមតិ 0 | ចំនួនចែករំលែក 0

បាយ​គឺ​ជា​អាហារ​ថាមពល​របស់​ប្រជាជន​ខ្មែរ​ ឬ​ប្រជាជន​អាស៊ី។​ បាយ​គឺ​ជា​អាហារ​ចាំ​បាច់​មួយ​ដែល​ត្រូវ​តែ​មាន​រាល់​ពេល​ក្នុង​របប​អាហារ​។​ ប៉ុន្តែ​បាយ​ផ្ទុក​ជាតិ​ស្ករ​ច្រើន​ដែល​ជា​កត្តា​ធំ​មួយ​ដែល​បណ្ដាល​ឲ្យ​ធាត់​លើស​ទម្ងន់​ឬ​លើស​ជាតិ​ស្ករ​ជា​ដើម។​ ដូច្នេះ​អ្នក​ដែល​ចង់​មាន​រាង​ស្អាត​ស្រក​ទម្ងន់​ភាគ​ច្រើន​តម​បាយ​ ប៉ុន្តែ​បើ​ចេះ​តិចនិក​ចម្អិន​ ៣​វិធី​នេះ​នឹង​ធ្វើ​ឲ្យ​អ្នក​ញ៉ាំ​បាយ​ច្រើន​តែ​មិន​ឡើង​ទម្ងន់​ថែម​ទាំង​ផ្ដល់​គុណ​ប្រយោជន៍​ដល់​សុខភាព​ទៀត​ផង៖

១.​ ដាំ​បាយ​លាយ​ល្ពៅ​

ល្ពៅ​ជួយ​បម្លែង​ជាតិ​ស្ករ​ក្នុង​បាយ​ដែល​ធ្វើ​កាឡូរី​កាត់​​បន្ថយ។​ ការ​ចម្អិន​ល្ពៅ​ក្នុង​បាយ​ក៏​ងាយ​ស្រួល​ហើយ​មាន​រសជាតិ​ឆ្ងាញ់​ទៀត​ផង​។​

គ្រឿង​ផ្សំ

អង្ករ​ ២​ កំប៉ុង ល្ពៅ​តូច​ល្មម​១​ផ្លែ​ហាន់​ដុំ​ៗ អំបិល​១​ស្លាបព្រា​កាហ្វេ។​

វិធី​ធ្វើ​៖​

លាង​អង្ក​និង​ត្រាំ​ទឹក​រយះ​ពេល​កន្លះ​ម៉ោង​សិន​ដើម្បី​ធ្វើ​ឲ្យ​អង្ក​រីក​ដាំ​ឆាប់​ឆ្អិន។​

បង់​ល្ពៅ​ចូល​ក្នុង​អង្ក​ត្រាំ​ទឹក​នោះ​រួច​ដាក់​ដាំ​ដោយ​មិន​គ្រប​គម្រប។​

ពេល​ពុះ​បន្ថយ​ភ្លើង​ ហើយ​គ្រប​គម្រប​វិញ​ចំហុយ​រហូត​បាយ​ឆ្អិន​ ជា​ការ​ស្រេច។​

២.​ ដាំ​បាយ​លាយ​ដំឡូង​ជ្វា

មិន​ត្រឹម​តែ​ឆ្ងាញ់​ប៉ុណ្ណោះ​ទេ​ តែ​ផ្ដល់​គុណ​ប្រយោជន៍​ដល់​សុខភាព​ខ្លាំង​ណាស់​ ព្រោះ​ដំឡូង​មាន​ជាតិ​កាក​សរសៃ​ដែល​ជួយ​ឲ្យ​ញ៉ាំ​ហើយ​ញ៉ាំ​ឆាប់​ឆ្អែត​ និង​ក្រ​ឃ្លាន​ទៀត​ផង​។​

គ្រឿង​ផ្សំ​

ដំឡូង​ជ្វា​មួយ​មើម​ អង្ក​ពីរ​កំប៉ុង។​

វិធី​ធ្វើ​៖​

លាង​ដំឡូង​ជ្វា​ឲ្យ​ស្អាត​ចិត្ត​សំបក​ចេញ​ ហាន់​ជា​ដុំ​ៗ​ ដាក់​លាយ​ជា​មួយ​អង្ក​ដូច​ដាំ​បាយ​ធម្មតា។​

៣.​ ដាំ​បាយ​លាយ​សណ្ដែក​ក្រហម

សណ្ដែក​ក្រហម​ផ្ទុក​ជាតិ​កាក​សរសៃ​ខ្ពស់​ដែល​អាច​ជួយ​កាត់​បន្ថយ​កាលេស្តេរ៉ូល​ ក្នុង​ឈាម​បាន​យ៉ាង​ប្រសើរ។​ ដែល​ជា​អាហារ​មួយ​ល្អ​បំផុត​សម្រាប់​អ្នក​មិន​ចង់​ឡើង​ទម្ងន់​។​

គ្រឿង​ផ្សំ​

អង្ក​ពីរ​កំប៉ុង​ សណ្ដែក​ក្រហម​ ១​កំប៉ុង​

វិធី​ធ្វើ​

ត្រាំ​សណ្ដែក​ក្រហម​ ១​ ម៉ោង​ឲ្យ​វា​រីក​ដើម្បី​ងាយ​ឆ្អិន​។​ លាយ​ជា​មួយ​អង្ករ​រួច​ដាក់​ដាំ​ឲ្យ​ឆ្អិន​ធម្មតា៕

ចុចអាន៖អ្នកណា​ចូល​ចិត្ត​ញ៉ាំ​ពោត​ខ្លះ? អ៊ីចឹងគួរ​តែ​ដឹង​​ពី​អត្ថ​ប្រយោជន៍​ទាំងនេះ

ប្រភព៖ Eva ប្រែ​សម្រួល៖ Pencharm