ស្ក្រាប់ខាត់រូបមន្តអំបិល និងកាហ្វេ ជួយឲ្យស្បែកសភ្លឺថ្លាបែបធម្មជាតិ
- 2018-06-06 06:00:00
- ចំនួនមតិ 0 | ចំនួនចែករំលែក 0
ស្ក្រាប់ខាត់រូបមន្តអំបិល និងកាហ្វេ ជួយឲ្យស្បែកសភ្លឺថ្លាបែបធម្មជាតិ
ស្បែកសខ្ចីភ្លឺចែងចាំងគឺជាបំណងរបស់មនុស្សស្រីមួយចំនួនធំ ព្រោះស្បែកសជួយបង្កើនសម្រស់ឲ្យមើលទៅស្អាត និងទាក់ទាញមួយកម្រិតទៀត។ ដូចនេះហើយបានជាស្រីៗព្យាយាមរកគ្រប់មធ្យោបាយ ដើម្បីធ្វើយ៉ាងណាឲ្យទទួលបានសភាពស្បែកសម៉ត់រលោងនោះរហូរ។ កញ្ញា សូមណែនាំវិធីសាស្រ្តមួយ គឺខាត់ស្បែកជាមួយ ស្ក្រាប់អំបិល និងកាហ្វេ។
ប្រភេទស្ក្រាប់ខាត់ស្បែកនេះល្អ និងមានសុវត្ថិភាពជាងស្ក្រាប់ដែលមានលក់តាមទីផ្សារ ព្រោះវាផ្សំឡើងពីធម្មជាតិពិតៗ។ អត្ថប្រយោជន៍របស់ស្ក្រាប់ធម្មជាតិ គឺវាមានតម្លៃថោកជាង ហើយងាយស្រួលលាយ។ ម៉្យាងទៀតល្បាយគ្រឿងផ្សំស្ក្រាប់នេះមាននាទី ជួយបំប៉នស្បែកឲ្យសតាមរបៀបធម្មជាតិ និងគ្មានជាតិកាត់។ នៅចាំអីទៀត ទៅរៀនពីវិធីធ្វើទាំងអស់គ្នា៖
គ្រឿងផ្សំ៖
១. កាហ្វេកិនម៉ត់មួយ ១/៤ ពែង
២. អំបិល ១/៤ ពែង
៣. ប្រេងអូលីវ (Extra Virgin Olive Oil)
៤. វីតាមីន E ៣គ្រាប់
វីធីប្រើ៖
១. លាយគ្រឿងផ្សំចូលគ្នាកូរឲ្យសព្វ
២. លាងសម្អាតខ្លួនជាមុនសិនមុនពេលលាបល្បាយ
៣. លាបពេញខ្លូនហើយម៉ាស្សាជារង្វង់ឲ្យសព្វស្បែក ដែលមួយផ្នែកៗ ម៉ាស្សា ២ ទៅ ៣ នាទី។
៤. ទុក ១០ ទៅ ១៥ នាទីសឹមលាងទឹកចេញ។
អ្នកអាចធ្វើក្នុងមួយអាទិត្យធ្វើ ៣ ដង ហើយនឹងទទួលបានលទ្ធផលខ្ពស់គួរជាទីពេញចិត្ត៕
ចុចអាន៖ម៉ាសបិទមុខធម្មជាតិ ៣មុខ ងាយធ្វើ ហើយថែមទាំងជួយឲ្យមុខស្អាត រលោងយ៉ាងគាប់ចិត្ត
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
