ម៉ាសបិទមុខធម្មជាតិ ៣មុខ ងាយធ្វើ ហើយថែមទាំងជួយឲ្យមុខស្អាត រលោងយ៉ាងគាប់ចិត្ត

2018-06-05 06:56:00
ចំនួនមតិ 0 | ចំនួនចែករំលែក 0

មុខស រលោងគ្មានស្នាម គ្មានមុន មនុស្សស្រីណាក៏ចង់បានដែរ តែពេលខ្លះនកត្តាជាច្រើនដែលរាំងស្ទះមិនឲ្យមុខអ្នកស្អាតបាន។ សម្រាប់នារីដែលស្រឡាញ់ផ្ទៃមុខខ្លាំង និងអាចឆ្លៀតថែរក្សាបាននោះ កញ្ញាសូមណែនាំម៉ាសធម្មជាតិ ៣មុខដែលងាយស្រួលធ្វើ និងមានប្រសិទ្ធភាពខ្ពស់ក្នុងការជួយឲ្យស្បែកមុខស្អាត រលោង ដូចស្បែកមុខកូនក្មេងអីចឹង។ តោះ!អីចឹងទៅមើលរូបន្តខងក្រោមទាំងអស់គ្នា៖

១. ម៉ាសចេក

កិនចេកមួយផ្លែឲ្យម៉ត់ ហើយលាប និងម៉ាស្សាលើមុខថ្នមៗ។ បើសិនជាស្បែកមុខអ្នកមានសភាពស្ងួតខ្លាំង អ្នកអាចបន្ថែមគ្រឿងផ្សំ ដូចជាក្រែមផ្ដល់សំណើម ទឹកដោះគោបាន។ ទុករយៈពេល ១៥ ទៅ២០នាទីសឹមលាងសម្អាតជាមួយទឹកត្រជាក់។

អ្នកអាចធ្វើបែបនេះ ២ ទៅ៣ដងក្នុងមួយអាទិត្យ ដើម្បីឲ្យកាន់តែមានប្រសិទ្ធភាពខ្ពស់។

២. ម៉ាសការ៉ុត

ចំហុយការ៉ុតឲ្យទន់ រួចកិនវាឲ្យម៉ត់ រួចបន្ថែមពងមាន់១គ្រាប់កូរចូលគ្នាឲ្យបានសព្វ។ លាបវានៅលើមុខ ទុករយៈពេលប្រមាណជា៣០នាទីសឹមលាងទឹកឲ្យស្អាត។

អាចប្រើវាមួយសប្ដាហ៍ ៣ដងបាន។ បន្ទាប់ពី១អាទិត្យមកអ្នកនឹងឃើញលទ្ធផលពីភាពខុសគ្នាជាមិនខាន។

៣. ម៉ាសដំឡូងបារាំង

ចំហុយដំឡូងបារាំងឲ្យទន់ រួចកិនវាឲ្យម៉ត់។ អ្នកអាចបន្ថែមទឹកដោះគោឆៅបាន ឬមិនបាច់ក៏បាន។ លាបវាលើមុខ រួចទុកចោល១៥ ទៅ២០នាទី សឹមលាងសម្អាតចេញ។ ការអនុវត្តអាចធ្វើបាន៣ដងក្នុងមួយអាទិត្យ។