តិចនិកសម្រាប់ស្រីៗចង់ស្លៀករ៉ូបវាលក វាលខ្នង មិនបាច់ភ័យឃើញអាវទ្រនាប់

2018-05-06 04:27:45
ចំនួនមតិ 0 | ចំនួនចែករំលែក 0

នារីៗមិនតិចនាក់ទេដែលស្រលាញ់រ៉ូបម៉ូដសិចស៊ីដែលអាចបញ្ចេញសាច់ខ្នងដ៏សខ្ចី និងវាលក ប៉ុន្តែបញ្ហាតែមួយគត់ គឺរ៉ូបទាំងនោះវាលពេករហូតហួសអាវទ្រនាប់ដែលពាក់រាល់ថ្ងៃ។ ដូច្នេះបើអ្នកកំពុងពិបាកចិត្តរឿងមិនអាចស្លៀករ៉ូបទាំងនេះបាន ថ្ងៃនេះ កញ្ញា សូមបង្ហាញតិចនិកមួយចំនួនដែលអាចឱ្យមិត្តនារីស្លៀករ៉ូបដែលខ្លួនស្រលាញ់ដោយមានទំនុកចិត្ត។

រ៉ូបវាលខ្នងស្រួចចុះក្រោម

ចង់ទិញរ៉ូបម៉ូដនេះ សូមចុចទីនេះ

សម្រាប់រ៉ូបម៉ូដនេះ អ្នកគួរតែជ្រើសរើសអាវទ្រនាប់ដែលមានខ្សែដៃវែង ឬមានក្រវាត់ដែលអាចវាត់ខ្វែងពីខាងក្រោយដើម្បីកុំឱ្យមើលឃើញ ពេលស្លៀករ៉ូបនេះ។ វាងាយស្រួល ទោះអ្នកធ្វើចលនាបែបណាក៏អាវក្នុងនេះមិនរត់ឡើងលើឃើញពាក់កណ្ដាលរ៉ូបដែរ។

ប្រភេទរ៉ូបអត់ដៃ

ចង់ទិញរ៉ូបម៉ូដនេះ សូមចុចទីនេះ

អ្នកគួរជ្រើសរើសអាវទ្រនាប់អត់ដៃ សម្រាប់រ៉ូបប្រភេទនេះ តែដោយសារអាវទ្រនាប់ដែលអាចដោះដៃបានមួយចំនួននឹងធ្វើឱ្យឃើញរលុងឃុងត្រង់តំបន់សុដន់ (គឺមិនឃ្លិបនឹងដើមទ្រូង) អ្នកគួរតែពិនិត្យ ឬលជាមុនដើម្បីកុំឱ្យពិបាក ព្រោះបើអាវទ្រនាប់នៅមិនឃ្លិបជាមួយដើមទ្រូង វានឹងធ្វើឱ្យអ្នកពាក់រ៉ូបនេះមិនសម ឬអាចធ្វើឱ្យអាវនោះរបូតចុះក្រោមដោយមិនដឹងខ្លួន។ ជម្រើសល្អមួយទៀតគឺ ទិញអាវហ្កេនដែលអត់ដៃ ព្រោះអ្នកមិនបាច់ភ័យខ្លាចថាអាវនោះធ្លាក់ចុះក្រោម ហើយវាអាចជួយទ្រដើមទ្រូងរបស់អ្នកមិនឱ្យឃើញយារធ្លាក់បាន។

រ៉ូបវាលកស្រួចខ្លាំង

ចង់ទិញរ៉ូបម៉ូដនេះ សូមចុចទីនេះ

មានអាវទ្រនាប់ប្រភេទម្យ៉ាងទៀតដែលមានរូបរាងដូចរូបខាងក្រោមនេះ គឺសក្ដិសមសម្រាប់អ្នកស្លៀករ៉ូប ឬពាក់អាវវាលកខ្លាំងចុះមកដល់ដើមទ្រូង។ ជាមួយអាវទ្រនាប់ប្រភេទនេះ អ្នកនឹងមិនភ័យខ្លាចថាគេអាចមើលឃើញគែមអាវទ្រនាប់ពីចំហៀងឡើយ ព្រោះវាវាលខ្លាំង ហើយក៏នៅតែអាចទ្រដើមទ្រូងរបស់អ្នកឱ្យមូលក្លំស្អាតដដែល។

រ៉ូបវាលកផង វាលខ្នងផង ហើយដៃតូចទៀត

ចង់តិញរ៉ូបម៉ូដនេះ សូមចុចទីនេះ

ម៉ូដនេះសម្រាប់អ្នកចូលចិត្តសិចស៊ីខ្លាំង ហើយក៏ពិបាករកអាវទ្រនាប់ឱ្យត្រូវណាស់ដែរ។ ប៉ុន្តែសម័យនេះ គេមានវិធីមួយដែលវាមិនមែនជាអាវទ្រនាប់ តែជាបន្ទះជ័រទន់ ឬជាប៉ុងដែលអាចបិទជាប់សុដន់របស់នារី ហើយវាប្រភេទខ្លះអាចជួយលើកដើមទ្រូងកុំឱ្យឃើញយារធ្លាក់បាន៕

ចុចអាន៖ ប្រយ័ត្នគេនិយាយដើមថាភ្លាវ បើសម្លៀកបំពាក់ និងស្បែកជើងអត់ស៊ីគ្នាបែបនេះ

អត្ថបទ៖ សរ សុគន្ធី