បើមុខកំពុងមានមុនហើយ កុំញ៉ាំផ្លែឈើទាំងនេះទៀត ព្រោះរឹតតែកើនឡើងទ្វេដង

2018-04-24 05:00:00
ចំនួនមតិ 0 | ចំនួនចែករំលែក 0

ផ្លែឈើមិនត្រឹមតែជាប្រភពដ៏ល្អនៃសារធាតុចិញ្ចឹម សារធាតុរ៉ែ ជាតិសរសៃ វីតាមីនសម្រាប់សុខភាព និងសម្រស់ប៉ុណ្ណោះទេ។ ទោះជាយ៉ាងណាក៏ដោយផ្លែឈើខ្លះ មានធាតុក្ដៅច្រើនពេក បណ្ដាលឲ្យស្បែកក្លាយទៅជាខ្មៅ និងមានមុន។ ខាងក្រោមនេះជាបញ្ជីឈ្មោះ ផ្លែឈើដែលអ្នកត្រូវយកចិត្តទុកដាក់ ព្រោះនាំឲ្យកើតមុន៖

១.ធូរេន

គេហៅថា "ស្ដេចផ្លែឈើ" បរិមាណប្រូតេអ៊ីន ជាតិស្ករ ជាតិខ្លាញ់ សារធាតុរ៉ែ និងតម្លៃវាគឺខ្ពស់ជាងផ្លែឈើផ្សេងទៀត។ ដូចនេះហើយអ្នកមិនគួរញ៉ាំច្រើនពេកទេ ព្រោះវាមានជាតិស្ករខ្ពស់ ទើបអាចបណ្ដាលឲ្យក្ដៅក្នុង ហើយងាយបង្កជាមុន។

២.សាវម៉ាវ

ការញ៉ាំសាវម៉ាវច្រើនពេកប្រៀបដូចជានាំធាតុក្ដៅចូលក្នុងខ្លួន។ ដូចនេះហើយទើបវាងាយនឹងបង្កឲ្យមុនចេញពាសវាលពាសកាលលើមុខ។

៣.ខ្នុរ

ខ្នុរក៏ជាផ្លែឈើកំពូលៗ ដែលអាចបណ្ដាលឲ្យស្បែកក្ដៅ និងស្បែកឆាប់ចាស់ដែរ។ ដូច្នេះគួរញ៉ាំខ្នុរក្នុងចំនួនសមល្មម និងយូរៗម្ដង ហើយក្នុងពេលមានអាកាសធាតុក្ដៅរឹតតែមិនគួរញ៉ាំច្រើន។

៤.មៀន

វាមានរសជាតិឆ្ងាញ់ ផ្អែម និងជាផ្លែឈើសំណព្វចិត្តរបស់មនុស្សជាច្រើន។ ទោះជាយ៉ាងណាក៏ដោយផ្លែឈើនេះក៏បណ្ដាលឲ្យកើតមុននៅលើមុខរបស់អ្នកដែរ ព្រោះជាតិស្ករច្រើនលើសលប់របស់វា។

៥.ស្វាយទុំ

ទោះជាវាមិនមែនជាហេតុបង្កឲ្យកើតមុនច្រើនដូចផ្លែឈើដទៃក៏ដោយ តែវាបង្កឲ្យក្ដៅខ្លួន ហើមកូន កណ្ដុរជាដើម។

៦.ទៀបបាយ

រសជាតិផ្អែមឆ្ងាញ់ និងមានប្រជាប្រិយភាពដោយសារតែដាំ។ តែទោះជាយ៉ាងណាវាត្រូវបានគេចាត់ទុកថាជាផ្នែកមួយនៃផ្លែឈើដែលមានធាតុក្ដៅច្រើនសម្រាប់រាងកាយ ហើយការបង្កកម្ដៅក្នុងខ្លួននោះហើយ អាចបណ្ដាលឲ្យកើតមានមុនលើមុខ។

៧.ផ្លែទឹកដោះ

ពេលអ្នកញ៉ាំផ្លែទឹកដោះច្រើនពេកគឺមិនល្អសម្រាប់ស្បែកនោះទេ។

៨.គូលែន

ផ្លែឈើនេះមានជាតិស្ករខ្ពស់ ដូច្នេះវាមិនល្អសម្រាប់ស្ត្រីដែលមានជំងឺទឹកនោមផ្អែម និងកំពុងមានផ្ទៃពោះទេ។ លើសពីនេះទៀតនៅពេលអ្នកញ៉ាំគូលែនច្រើន ស្បែករបស់អ្នកក៏មានហានិភ័យឡើងក្រហម និងមុនដែរ។

៩.ត្របែក

ផ្លែឈើនេះស្ទើរតែទូទាំងពិភពលោកហើយដែលមនុស្សចូលចិត្តញ៉ាំ។ វាមាន វីតាមីនបន្ថែមជួយឲ្យរាងកាយរបស់អ្នកមានភាពប្រសើរឡើង តែការញ៉ាំផ្លែត្របែករៀងរាល់ថ្ងៃមិនត្រឹមតែផលិតកម្ដៅក្នុងខ្លួនប៉ុណ្ណោះទេ វាជាមូលហេតុធ្វើឲ្យកើតមុន និងទល់លាមក៕

ចុចអាន៖មិនបាច់ទៅសាឡនឬប្រើគ្រឿងសម្អាងថ្លៃៗក៏អាចស្អាតបាន ដោយតិចនិកទាំង ៦នេះ

ប្រភព៖ bestie ប្រែសម្រួល៖ ទ្រី រ៉ាវី