មិនបាច់ទៅសាឡនឬប្រើគ្រឿងសម្អាងថ្លៃៗក៏អាចស្អាតបាន ដោយតិចនិកទាំង ៦នេះ

2018-04-19 03:50:00
ចំនួនមតិ 0 | ចំនួនចែករំលែក 0

អ្នកជំនាញខាងថែរក្សាសម្រស់ច្រើននិយាយថា អ្នកគួរតែញ៉ាំរបស់ដែលជំនួយដល់សុខភាព ឧស្សាហ៍ទៅជួបជាមួយអ្នកជំនាញ និងប្រើប្រាស់ផលិតផលរក្សាសម្រស់។ វាពិតជាត្រឹមត្រូវ ប៉ុន្តែ វិធីអស់ទាំងនេះមិនអាចជួយឱ្យអ្នកមើលទៅប្លែកខ្លាំងនោះទេ។ ទាំងនេះជាវិធីជួយឱ្យស្បែករបស់អ្នកភ្លឺថ្លាជាងមុន ភ្នែកមើលទៅស្រស់ស្អាត ក្រចក និងសក់រឹងមាំទ្វេដង៖

១. សម្រាប់រាងកាយអ្នក

គ្រីមជូរ និងអំបិលខាត់៖ លាយអំបិលជាមួយគ្រីមជូរ (Sour Cream) ឱ្យសព្វ រួចម៉ាស្សាវានៅលើស្បែកហើយលាងជាមួយទឹកក្តៅឧណ្ហៗ នៅពេលងូតទឹកពេលល្ងាចរួច។

អត្ថប្រយោជន៍៖ អំបិលជួយបំបាត់កោសិកាចាស់ៗ និងមុននៅលើដងខ្លួន។ គ្រីមជូរជួយកាត់បន្ថយការប៉ះពាល់របស់អំបិលលើស្បែកនៅពេលម៉ាស្សា និងជំនួយដល់កោសិកាស្បែក។

បម្រាម៖ ចំពោះស្បែកងាយរងប្រតិកម្ម មិនអាចប្រើអំបិលខាត់ស្បែកបានទេ។

២. សម្រាប់ក្រចក

វិធីដ៏ល្អបំផុតសម្រាប់ធ្វើឱ្យក្រចកដុសវែងលឿនហើយរឹងមាំ គឺចាប់ផ្តើមញាំគ្រាប់ធញ្ញជាតិឱ្យបានកន្លះខាំក្នុង១ថ្ងៃ។

អត្ថប្រយោជន៍៖ គ្រប់គ្រាប់ធញ្ញជាតិទាំងអស់គឺសម្បូរទៅដោយ អាស៊ីតនិងវីតាមីនE

៣. សម្រាប់សក់

ម្សៅMustard និងប្រេងបន្លែ៖ អ្នកជំនាញផ្នែកសម្រស់ណែនាំឱ្យប្រើម៉ាសដើម្បីថែរក្សាសក់យ៉ាងតិច២ដងក្នុង១សប្តាហ៍។ ដើម្បីធ្វើម៉ាស ជំហានដំបូងគឺ លាយប្រេងបន្លែជាមួយនិងម្សៅMustard រហូតដល់រាងខាប់បន្តិច។ បន្ទាប់មកលាបវានៅលើសក់ទុកចោល៣០នាទី រួចលាងទឹកក្តៅឧណ្ហៗ។

អត្ថប្រយោជន៍៖ សក់របស់អ្នកនឹងដុសលឿនរឹងមាំ ហើយស្អាតប្រសិនបើអ្នកឧស្សាហ៍លាបម៉ាសនេះ។

បម្រាម៖ អ្នកដែលមានផ្ទៃពោះ មានរបួសស្បែកក្បាល ឬក៏មានបញ្ហាសរសៃឈាម មិនគួរប្រើវិធីនេះទេ។

៤. សម្រាប់មុខ

មុនពេលគេង១ម៉ោង អ្នកគួរតែលាប GlycerineលាយជាមួយវីតាមីនE ដើម្បីសម្អាតស្បែកមុខ ដោយគ្រាន់តែលាយវីតាមីន ១០គ្រាប់ជាមួយនិងGlycerince១ស្លាបព្រាបាយ។ អ្នកក៏អាចម៉ាស្សាមុខជាមួយច្រាសទន់ៗមុននឹងលាបវីតាមីន ព្រោះវាអាចជួយឱ្យស្បែកមុខទទួលវីតាមីនកាន់តែល្អ។

អត្ថប្រយោជន៍៖ ស្នាមមុនតូចៗនឹងបាត់ ហើយមុខរបស់អ្នកកាន់តែភ្លឺថ្លាដោយសារតែសារធាតុបំប៉នអស់ទាំងនោះ។

បម្រាម៖ ត្រូវប្រាកដថា វីតាមីន និងGlycerine ដែលអ្នកលាយគឺមានគុណភាពល្អ ហើយស្បែករបស់អ្នកមិនមានប្រតិកម្មនិងរបស់អស់ទាំងនេះ។

៥. សម្រាប់ជើង

បន្ទាប់ពីងូតទឹករួច អ្នកគួរតែ ប្រើប័រលាយជាមួយប្រេងជីអង្កាម។ ដំបូងលាយវាចូលគ្នា រួចដាក់ស្រោមជើងចូល ហើយយកមកពាក់ចូលគេង

អត្ថប្រយោជន៍៖ ប័រជួយឱ្យជើងទន់ ហើយរលោង។

៦. សម្រាប់រោមភ្នែក

ដល់ពេលដែលគួរយកចិត្តទុកដាក់លើរោមភ្នែករបស់អ្នកហើយ។ យកបំពង់ម៉ាស្ការាទទេសម្អាតឲ្យស្អាត រួចហើយទុកឲ្យស្ងួតសឹមបន្តក់ ប្រេងស្រូវសាលី (wheat germ oil) ចូល។ យកប្រេងនោះមកលាបរោមភ្នែក មុនពេលចូលគេង។

អត្ថប្រយោជន៍៖ នៅពេលដែលអ្នកធ្វើបែបនេះបាន១ខែ នោះអ្នកនឹងភ្ញាក់ផ្អើលពីរោមភ្នែកដ៏វែងរបស់អ្នក ៕